Şərafəddin məscidi (Visoko)

Şərafəddin məscidi (bosn. Šerefudinova Bijela džamija) və ya Ağ məscidBosniya və Herseqovinanın Visoko şəhərində yerləşən məscid. Tikilinin şəhər və ərazi üçün böyük memari əhəmiyyəti var. Məscidin memarı Zlatko Uqlyen, ustası İsmət İmamoviç, podratçısı isə Visokolu Zvezda olmuşdur. Orijinal məscid 1477-ci ildə tikilsə də, daha sonralar tamamilə yenidən qurulmuş və bu iş 1980-ci ildə bitirilmişdir.[1] Məscidin layiq görüldüyü ən diqqətəlayiq mükafat 1983-cü ildə verilmiş Ağa Xan Memarlıq mükafatı olmuşdur.[2] Münsiflər heyəti məscidi dayanıqlılığı, yaradıcılığı və parlaqlığı ilə yanaşı özünəməxsusluğu və yeniliyi üçün də yüksək qiymətləndirmişdi.[3] Məscid 2007-ci ildə Macarıstan memarları tərəfindən Avropanın ən yaxşı dizayn edilmiş üç ibadətgahından biri olduğu üçün mükafat almışdır.[4]

İslam
Şərafəddin məscidi
Ölkə
Memarlıq
İnşa tarixi ? – 1980
Memarı Zlatko Uqlyen
Üslubu Osmanlı memarlığı
Saytı
Şərafəddin məscidi xəritədə
Şərafəddin məscidi
Şərafəddin məscidi
Vikianbarın loqosu Vikianbarda əlaqəli mediafayllar

Memarlıq redaktə

Məscidin mərkəzi sahəsi həm namaz qılmaq, həm də mühazirələr və müzakirələr kimi digər dini fəaliyyətlər üçün nəzərdə tutulmuşdur. Ərazidə namaz qılmaq üçün qapalı sahənin olduğu əlavə bina da mövcuddur. Bina kiçik auditoriya və ofisdən ibarətdir. Ənənəvi olaraq Bosniya məscidlərində qəbiristanlıqlar məscidlə digər binalar arasında sərhəd rolunu oynayır, lakin bu vəziyyətdə qəbiristanlıq təcrid olunur.

Memar Zlatko Uqlyen Bosniya məscidlərinin namaz qılınan sahəyə aparan və üstündə qübbənin ucaldığı həyətdən ibarət ənənəvi tərtibatını istifadə etmişdir. Məsciddəki beş panelli pəncərələr İslamın beş şərti simvolizə edir və eyni zamanda içərini işıqlandırır. Qübbənin cənub-şərq fasadı Kəbəyə tərəf yönəldilmişdir. Məscidin həm daxili, həm də xarici tərəfi ağ rəngə boyanmış, döşəmə üçün krem, çərçivələr və borular kimi bir neçə metal element üçün isə yaşıl rəng istifadə olunmuşdur. Mərtəbələr yaşıl xalça ilə örtülmüşdür.[5]

Həmçinin bax redaktə

İstinadlar redaktə

  1. "Islamic Community of Bosnia and Herzegovina, Visoko". Rijaset. 2012-02-10 tarixində orijinalından arxivləşdirilib. İstifadə tarixi: 2008-03-10.
  2. "Sherefudin's White Mosque | Aga Khan Development Network". www.akdn.org. 2020-11-05 tarixində arxivləşdirilib. İstifadə tarixi: 2019-10-18.
  3. "Aga Khan Award for Architecture: The Second Award Cycle, 1981-1983". Aga Khan Development Network. 2008-01-05 tarixində orijinalından arxivləşdirilib. İstifadə tarixi: 2008-03-08.
  4. "Visoko: Počela obnova jednog od tri najljepša sakralna objekta u Evropi". Avaz.ba (bosniya). 2021-04-11 tarixində arxivləşdirilib. İstifadə tarixi: 2019-10-18.
  5. "Historicism and religious architecture in the late twentieth century". MIT OpenCourseWare. 2007-12-16 tarixində arxivləşdirilib. İstifadə tarixi: 2008-03-08.