Şahin İsmayılov (dosent)
Şahin İsmayılov (azərb. Şahin Zirədddin oğlu İsmayılov) - Azərbaycanlı dosent, texnika elmləri namizədi.
| Şahin İsmayılov | |
|---|---|
| azərb. Şahin Zirədddin oğlu İsmayılov | |
| Doğum tarixi | |
| Doğum yeri | Saloğlu qəsəbəsi, Azərbaycan SSR |
| Vətəndaşlığı |
 Azərbaycan |
| Milliyyəti | Azərbaycanlı |
| Dini | İslam |
| İxtisası | Neft-Mədən fakültəsi |
| Təhsili | Azərbaycan Neft və Kimya İnstitutu |
| Fəaliyyəti | dosent, texnika elmləri namizədi |
| Fəaliyyət illəri | 1981 - günümüz |
| Elmi dərəcəsi | Dosent |
Həyatı
redaktəŞahin İsmayılov 1958-ci ilin 7 sentyabr tarixində Qazax rayonunun Saloğlu qəsəbəsində anadan olub. 1965-ci ildə Qazax rayonunun Saloğlu kənd orta məktəbinin birinci sinfinə getmiş və 1975-ci ildə həmin orta məktəbi bitirib. 1976-1981-ci illərdə Azərbaycan Neft və Kimya İnstitutunun (hazırkı ADNSU) Neft-Mədən fakültəsinin bakalavr dərəcəsini alıb. 1999-cu ildə texnika elmləri namizədidir. Neft quyularının işlənməsi üzrə bir çox ixtiraları mövcuddur.
Əmək fəaliyyəti
redaktə1981-1996-cı illərdə ümumi ittifaq tabelikli, Xəzərdəniz neft-qaz İstehsalat Birliyinin Neft Daşları NQÇİ-də müxtəlif vəzifələrdə neftqazçıxarma operatoru, ustası, böyük mühəndis-texnoloq, quyuların cari və əsaslı təmir sexlərinin rəis müavini və rəisi, idarənin neftqaz hasilatı və nəqli üzrə istehsalat şöbəsinin rəis müavini və rəisi, o cümlədən, NQÇİ-nin Baş mühəndisinin istehsalat üzrə müavini işləyib.
1996-cı ildən 2003-cü ilə qədər Neft Daşları NQÇİ-nin Baş mühəndisi. 2003-2006-cı illərdə Azərbaycan Respublikası Dövlət Neft Şirkəti-nin Azneft İstehsalat Birliyinin Baş mühəndisi işləyib. 2006-2007-ci illərdə "Azneft" İB-nin baş Direktoru kimi çalışıb.[1] 2016-cı ildən Azərbaycan Dövlət Neft və Sənaye Universitetinin Neft-qaz mühəndisliyi kafedrasında dosent vəzifəsində işləyir. Hazırda həmin kafedranın müdiridir.
Tədqiqat sahəsi
redaktə- Neft və qaz yataqlarının işlənmə prosesinin səmərəliliyinin yüksəldilməsi;
- Qazlift quyularının istismarında enerji və resurslara qənaət texnologiyaların tətbiqi.[2]
- Elmi əsərləri – 18[3] (o cümlədən 1 monoqrafiya və 6 patent )
- Elmi-tədris nəşrləri– 2[4]
- Konfrans materialları – 4
Seçilmiş əsərləri
redaktə- İsmayılov, Şahin. Dəniz yataqlarinin neft-qaz laylarinin və quyularinin qazohidrodinamik tədqiqat üsullari (PDF). Bakı: ADNSU. 2019. səh. 74.
- İsmayılov, Şahin. Neft Və Qazın Quyu İlə Çıxarılması-1-82. Bakı: Elm. 2022. səh. 540. ISBN 978-9952-556-09-7.
İstinadlar
redaktə- ↑ Sənan Əhmədov. "ARDNŞ-in "Azneft" istehsalat birliyinin rəhbəri təyin edilib" (Azərbaycanca). Trend İnformasiya Agentliyi. 24 mart, 2006 18:52. 2023-08-08 tarixində arxivləşdirilib. İstifadə tarixi: 7 avq 2023.
- ↑ ADNSU. "Dəniz yataqlarının neft-qaz laylarının və quyularının qazohidrodinamik tədqiqat üsulları" (Azərbaycanca). Bakı, 2019. 2023-08-08 tarixində arxivləşdirilib. İstifadə tarixi: 7 avq 2023.
- ↑ "Azərbaycan Respublikasının Əqli Mülkiyyət Agentliyinin Tabeliyində Olan Respublika Elmi - Texniki Kitabxanası". retk.copat.gov.az (az.). 2023-08-08 tarixində arxivləşdirilib. İstifadə tarixi: 7 avq 2023.
- ↑ Şahin İsmayılov. "Neft VƏ Qazın Quyu Ilə Çıxarılması-1-82". Scribd.com (Azərbaycanca). ADNSU. 2023-08-08 tarixində arxivləşdirilib. İstifadə tarixi: 7 avq 2023.