Şahmar Hüseynov (mühəndis)
Bu məqalənin ensiklopedik tələblərə cavab vermədiyinə dair şübhələr var. |
Bu, tənha məqalədir, çünki hansısa məqalədən bu məqaləyə verilmiş keçid yoxdur. |
Şahmar Şəmistan oğlu Hüseynov (2 mart 1974, Azərbaycan) — "Azneft" İstehsalat Birliyinin sabiq[1] baş direktoru.[2][3]
| Şahmar Hüseynov | |
|---|---|
  | |
| 27 dekabr 2019 – mart 2024 | |
| Şəxsi məlumatlar | |
| Doğum tarixi | 2 mart 1974 (50 yaş) |
| Doğum yeri | |
| Partiya | |
| Təhsili | |
| İxtisası | Neft-qaz yataqlarının işlənməsi və istismarı, dağ mühəndisi |
| Elmi fəaliyyəti | |
| Elmi dərəcəsi | texnika üzrə fəlsəfə doktoru |
|
|
|
| Təltifləri |
  |
Həyatı
redaktəŞahmar Hüseynov 2 mart 1974-cü ildə Qazax rayonu, Eynallı kəndində (indiki Ağstafa rayonu, Eynallı kəndi) anadan olmuşdur.[mənbə göstərin]O, 1991–1997-ci illərdə Azərbaycan Dövlət Neft Akademiyasının (indiki — ADNSU) "Neft-qaz yataqlarının işlənməsi və istismarı" fakültəsində təhsil alıb.
Şahmar Hüseynov 1991–1996-cı illərdə "Leninneft" Neft-Qaz Çıxarma İdarəsində mexaniki yığma işləri üzrə çilingər, 1991–2010-cu illər arasında isə "Balaxanıneft" Neft-Qaz Çıxarma İdarəsinin müxtəlif vəzifələrində işləmişdir. 2010–2012-ci illərdə "Siyəzənneft" Neft-Qaz Çıxarma İdarəsində baş mühəndis, 2012–2013-cü illərdə H. Z. Tağıyev adına Neft-Qaz Çıxarma İdarəsinin rəisi, 2013–2019-cu illər arasında isə Abşeronneft NQÇİ-nin rəisi vəzifəsində çalışan Şahmar Hüseynov 27 dekabr 2019-cu ildən etibarən "Azneft" İstehsalat Birliyinin baş direktoru təyin edilmişdir.[2][3] 2024-cü ilin mart ayında vəzifəsindən azad edilib.[1]
Şahmar Hüseynov həm də bir çox elmi əsərlərin də müəllifidir.[4] 2018-ci ildə "Neft, qaz quyularında süzgəc zonanın əlverişli vəziyyətdə saxlanmasını həyata keçirən texnika və texnologiyanın elmi əsaslarla işlənməsi" mövzusunda doktorluq dissertasiyasını müdafiə etmiş və texnika üzrə fəlsəfə doktoru adını almışdır.[mənbə göstərin] O, Azərbaycan Respublikası Prezidenti İlham Əliyev tərəfindən neftin sənaye üsulu ilə hasilatının 160 illiyi ilə əlaqədar olaraq ölkənin neft sənayesinin inkişafındakı xidmətlərinə görə 18 sentyabr 2008-ci il sərəncamı ilə "Tərəqqi" medalı ilə təltif edilmiş,[5] 19 sentyabr 2017-ci ildə isə prezidentin eynitarixli sərəncamı ilə neft sənayesi sahəsində uzunmüddətli səmərəli fəaliyyətinə görə "Əməkdar mühəndis" fəxri adına layiq görülmüşdür.
Şahmar Hüseynov ailəlidir, iki övladı var.
İstinadlar
redaktə- ↑ 1 2 ""Azneft"in baş direktoru vəzifəsindən azad edildi - YENİ TƏYİNAT". Oxu.Az (az.). 2024-03-28. 2024-03-28 tarixində arxivləşdirilib. İstifadə tarixi: 2024-03-28.
- ↑ 1 2 "Şahmar Hüseynov "Azneft"ə baş direktor təyin olundu". modern.az. 27 dekabr 2019. 2022-03-06 tarixində arxivləşdirilib. İstifadə tarixi: 2022.03.07.
- ↑ 1 2 "Struktur". socar.az. 2021-12-15 tarixində arxivləşdirilib. İstifadə tarixi: 2021-12-15.
- ↑ Hüseynov Şahmar Şəmistan oğlunun həmmüəlliflərlə birlikdə dərc etdirdiyi elmi işlərinə şəxsi töhfəsi haqqında arayış
- ↑ Azərbaycan Respublikası Prezidentinin Sərəncamı Arxivləşdirilib 2021-12-15 at the Wayback Machine, Azərbaycan Respublikasının neft sənayesi işçilərinin təltif edilməsi haqqında Azərbaycan Respublikası Prezidentinin Sərəncamı.