Şamil Vəliyev
Şamil Vəliyev — professor, filologiya elmləri doktoru, əməkdar jurnalist, Jurnalistika fakültəsinin dekanı.
| Şamil Vəliyev | |
|---|---|
| Vəliyev Şamil Qiyas oğlu | |
 | |
| Doğum tarixi | |
| Doğum yeri | Körpülü, Loru mahalı, Ermənistan SSR, SSRİ |
| Vətəndaşlığı |
 SSRİ→ Azərbaycan |
| Elmi dərəcəsi | filologiya elmləri doktoru |
| Elmi adı | professor |
| İş yeri | Jurnalistika fakültəsinin dekanı |
| Mükafatları | əməkdar jurnalist |
HəyatıRedaktə
Vəliyev Şamil Qiyas oğlu 1960-cı ilin fevralında Loru mahalının Körpülü kəndində anadan olub. 1977-1981-ci illərdə ADPU Filologiya fakültəsində təhsil alıb.
1983-1985-ci illərdə Səməd Vurğun adına ev-muzeyinin əməkdaşı olmuş, burada elmi işçi vəzifəsində çalışmışdır[1].
1989-cu ildə "XX əsr Azərbaycan ədəbi tənqidində poeziya problemləri" mövzusunda filologiya elmləri namizədi alimlik dərəcəsi almaq üçün namizədlik dissertasiyası müdafiə edib. 2003-cü ildə "Füyuzat" ədəbi məktəbi" mövzusunda filologiya elmləri doktoru alimlik dərəcəsi almaq üçün doktorluq dissertasiyası müdafiə edib.
1985-2008-ci illərdə AMEA-nın Nizami adına Ədəbiyyat İnstitutunda baş elmi işçi vəzifəsində çalışıb[2].
2005-ci ildən BDU Jurnalistika fakültəsi, Mətbuat tarixi kafedrasının müdiri vəzifəsində çalışır. 2007-ci ildən Mətbuat tarixi kafedrasının professorudur.
20 aprel 2012-ci ildən Jurnalistika fakültəsinin dekanıdır[3].
Bakı Dövlət Universitetinin 90 illik yubileyi ilə əlaqədar, ölkə Prezidenti İlham Əliyevin sərəncamına əsasən, Şamil Vəliyev milli mətbuatın inkişafında göstərdiyi xidmətlərə görə əməkdar jurnalist fəxri adına layiq görülüb.
BDU-nun Jurnalistika fakültəsi Mətbuat tarixi və ideoloji iş metodları kafedrasının professoru Şamil Vəliyev İyulun 10-da Təhsil Nazirliyində Azərbaycan Respublikası Prezidentinin 27 may 2019-cu il tarixli 1205 saylı sərəncamı ilə “Azərbaycan Xalq Cümhuriyyətinin 100 illiyi (1918-1920)” yubiley medalı ilə təltif edilmişdir.
Seçilmiş əsərləriRedaktə
- "Ə.Hüseynzadənin "Qırmızı qaranlıqlar içində yaşıl işıqlar". Azərb.SSR EA gənc alimlərinin "Böyük Oktyabr və müasirlik: ictimai elmlərin aktual problemləri" mövzusunda elmi konfransının materialları. B., 1987
- "Yaşıl qələm unudulmadı". Azərbaycan jurnalı. B.,1991, №5
- "Əlibəy Hüseynzadənin dinə münasibəti". Cahan jurnalı. B,1997, №2
- "Naməlum məktublar". Azərbaycan jurnalı. B, 1993, №1-2
KitablarıRedaktə
- "Füyuzat" ədəbi məktəbi. B.,1999
- "XX əsr Azərbaycan ədəbi tənqidində poeziya problemləri (1895-1917)". B., 2004
MəqalələriRedaktə
- "Türk xalqlarının məktəb tarixinə dair qiymətli əsər", Xalq qəzeti.- 2012.- 24 iyun.- S. 6. (Həsən Bayramoğlu və Fərrux Rüstəmov ilə ortaqlı)
İstinadlarRedaktə
- ↑ Hər bir yaradıcı insanın öz yolu var Flora XƏLİLZADƏ Azərbaycan.- 2010.- 19 fevral.- S. 12.
- ↑ BDU-nun Jurnalistika fakültəsində dekan seçkisi keçirildi
- ↑ Vəliyev Şamil Qiyas oğlu