Şiş sinanxum

Şiş sinanxum (lat. Cynanchum acutum) — bitkilər aləminin acıçiçəklilər dəstəsinin kəndirkimilər fəsiləsinin sinanxum cinsinə aid bitki növü.

Şiş sinanxum
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Evdikotlar Klad: Bazal evdikotlar Klad: Superasteridlər Klad: Asteridlər Klad: Lamidlər Dəstə: Acıçiçəklilər Fəsilə: Kəndirkimilər Yarımfəsilə: Asclepiadoideae Triba: Asclepiadeae Cins: Sinanxum Növ: Şiş sinanxum
Beynəlxalq elmi adı
Cynanchum acutum L., 1753
Şəkil axtarışı NCBI   185024

Botaniki xarakteristikası

Yarpaqları ürəkşəkilli-üçkünc və ya yumurtaşəkilli-ürəkşəkillidir, uc hissəsi küt, qaidəsi dərin ürəkşəkillidir, çılpaq, tünd göy rəngdədir, saplağı 3-7 sm-dir. Çiçəkləri sıx və yaxud yumuşaq, sadə və ya budaqlanmış çətirəbənzər çiçək qrupundadır. Tacı çəhrayı və yaxud ağ rəngdədir, diametri 5–7 mm-dir, uzunluğu 4–5 mm olan uzunsov küt bölümlüdür. Toxumları yumurtaşəkilli, yastılaşmış uzunluğu 5–7 mm olub açıq qonur rəngdədir, uc hissədə uzun ipək kimi tüklər dəstəşəkillidir. İyun-avqust (sentyabr) aylarında çiçəkləyir, avqust-oktyabr aylarında meyvə verir.

Azərbaycanda yayılması

BQ (Quba),Samur-Şabran oval., Xəzəryanı, Abşeron, BQ şərq, Kür-Araz oval., Kür düz., Alazan-Əyriçay, Lənk. oval., KQ cənub, KQ şimal, Nax. düz. Ovalıqlarda və dağətəyi yerlərdə, nadir halda aşağı və orta dağ qurşağında.

Yaşayış mühiti

Suvarma kanallarının sahilində, kollu cəngəlləklirdə, çay və meşə kənarında, dəniz sahilində, alaqlı yerlərdə, səpələnmiş və qrup halında rast gəlinir.

Təsərrüfat əhəmiyyəti

Zəhərli bitkidir. Yarpaqlarının parenxim hüceyrələrində kauçuk vardır.

Sinonimləri

Homotipik sinonimləri

• Solenostemma acutum (L.) Wehmer
• Vincetoxicum acutum (L.) Kuntze

Yarımnövləri

• Cynanchum acutum subsp. acutum
• Cynanchum acutum subsp. sibiricum (Willd.) Rech.f.