Şima Kakoku
Şima Kakoku (島 霞谷?, 1827[1][2][…], Şimotsuke vilayəti[d], Tosando[d] – 1870[1][2][…]) – Yaponiya fotoqrafı. Yaponiya fotoqrafiyasının qabaqcıllarından biridir. Onun həyat yoldaşı Şima Ryu da fotoqrafiya ilə məşğul olmuşdur.
| Şima Kakoku | |
|---|---|
| yap. 島霞谷 | |
.jpg) Avtoportreti (1870). | |
| Doğum tarixi | 1827[1][2][…] |
| Doğum yeri | |
| Vəfat tarixi | 1870[1][2][…] |
| Vəfat səbəbi | qızdırma |
| Həyat yoldaşı |
|
| Fəaliyyəti | fotoqraf, mühəndis |
 Vikianbarda əlaqəli mediafayllar | |
İlk illəri
redaktəŞima Kakoku 1827-ci ildə indiki Toçiqi prefekturasının ərazisində doğulmuşdur. Rəssam olan atasının təsiri ilə 1847-ci ildə Edo şəhərində yerləşən incəsənət məktəbinə daxil olmuşdur. 1855-ci ildə məktəb yoldaşı və rəssam Ryu ilə evlənmişdir. Onlar Kanto regionu boyunca gəzərək hazırladıqları işləri sərgiləmişdirlər. Onun bəzi illüstrasiyaları kitablarda nəşr olunmuşdur.[3]
Fotoqrafiya
redaktəŞima və həyat yoldaşının fotoqrafiyanı nə vaxt öyrəndiyi məlum deyil.[3] O, meyxanada tanış olduğu bir əcnəbidən fotoqrafiyanı öyrənmişdir. Ryu onun köməkçisi olmuş, bir çox fotosu üçün modellik etmişdir. Ryu özü də fotoqrafiyanı öyrənmişdir.[4] 1864-cü ilin yazında Ryu yaş plitə fotoqrafiyası ilə Kakokunun fotoportretini çəkmişdir. Bu, yapon qadın tərəfindən çəkilmiş ən köhnə foto hesab olunur. Cütlük 1865–1867-ci illərdə Edo şəhərində öz fotostudiyasını idarə etmişdir.[3]
Şima 1867-ci ildə şoqunluğun Edo şəhərində yerləşən məktəbi Kayseycoya daxil olmuş və Qərb elmlərini öyrənmişdir. Burada Qərb litorafiyası və yağlı boya rəssamlığı ilə tanış olmuşdur. O, Kayseyconun məlum olan yeganə fotolarını çəkmişdir.[4] 1867-ci ildə şoqunun qohumu Tokuqava Moçiharunun və holland kimyaçı Koenraad Volter Qratamanın fotosunu çəkmişdir.[5] 1868-ci ildə Dayqaku Toko tibb məktəbinə daxil olmuşdur. Burada tibbi diaqramlar çəkmiş, tibb və kimya dərsliklərinin nəşr olunması üçün qurşuğunlu mətbəə növünü ixtira etmişdir.[3] 1870-ci ildə əlində balqabaq tutduğu və güldüyü fotoportretini hazırlamışdır.[6] Şima 1870-ci ildə öldükdən sonra arvadı doğulduğu yerə – Qunma prefekturasının Kiryu qəsəbəsinə qayıtmış və burada fotostudiya açmışdır.[3]
Xatirəsi
redaktə1874-cü ildə Tokionun Asakusa bölgəsində Şimanın xatirəsinə abidə qoyulmuşdur.[6]
İstinadlar
redaktəƏdəbiyyat
redaktə- Bennett, Terry. Photography in Japan: 1853–1912 (ingiliscə). Tuttle Publishing. 2006. 129. ISBN 0-8048-3633-7. İstifadə tarixi: 19 dekabr 2024.
- Tucker, Anne; Iizawa, Kōtarō; Friis-Hansen, Dana; Ryuichi, Kaneko; Kinoshita, Naoyuki; Joe, Takeba. The History of Japanese Photography (ingiliscə). Yale University Press. 1 yanvar 2003. səh. 359. ISBN 9780300099256. İstifadə tarixi: 19 dekabr 2024.