Ədalət Nəsibov
Aşıq Ədalət (Ədalət Məhəmmədəli oğlu Nəsibov; 27 yanvar 1939, Qazax – 14 sentyabr 2017, Bakı) — Azərbaycan aşığı, Azərbaycan SSR əməkdar incəsənət xadimi (1990).
| Aşıq Ədalət | |
|---|---|
.jpg) | |
| Doğum adı | Ədalət Məhəmmədəli oğlu Nəsibov |
| Təxəllüsü | Dədə Ədalət |
| Doğum tarixi | |
| Doğum yeri | Qazax rayonu, Azərbaycan SSR, SSRİ |
| Vəfat tarixi | (78 yaşında) |
| Vəfat yeri | Bakı, Azərbaycan |
| Dəfn yeri | Qazax rayonu |
| Vətəndaşlığı |
 SSRİ→ Azərbaycan |
| Milliyyəti | azərbaycanlı |
| Fəaliyyəti | şair, aşıq, müğənni |
| Fəaliyyət illəri | 1950–2017 |
| Janr | Aşıq musiqisi |
| Mükafatları |
 |
HəyatıRedaktə
Ədalət Nəsibov 27 yanvar 1939-cu ildə Qazaxda pinəçi ailəsində anadan olmuşdur. Saz çalmağı atasından öyrənmişdir. Gənc yaşlarından fitri istedadı üzə çıxmış, məclislərə dəvət almışdır.[1]
Xalq şairi Səməd Vurğun onun çalğısının vurğunu olmuşdur.
UNESCO-da dünyannın nadir musiqi ifaçıları sırasında diski buraxılmışdır.
Xalq yazıçısı Mirzə İbrahimov onun haqqında demişdir: "Əgər Azərbaycan xalqının incəsənət aləmində heç bir nümayəndəsi olmasaydı, təkcə Ədalətin sazıyla dünya mədəniyyəti meydanına çıxa bilərdik."
Türk yazıçısı Əziz Nesin onun haqqında söyləmişdir: "Ədalətin ifası təkrarsız həyat kimidir. Onun üzü daim təzəliyədir, sonu gülüstanlara çıxan dağ çayına bənzəyir. Ələsgər aşiq, söz sənətində kimdirsə, Ədalət də saz sənətində odur".
O, "Qaytarma", "Baş sarıtel", "Ruhani", "Yanıq Kərəm" və başqa saz havalarının bənzərsiz ifaçısıdır.
14 sentyabr 2017-ci ildə 78 yaşında uzun sürən xəstəlikdən sonra Bakı şəhərində vəfat etmişdir. 15 sentyabrda Qazax rayonunun Ağköynək qəbiristanlığında dəfn olunmuşdur.
MükafatlarıRedaktə
- "Azərbaycan SSR əməkdar incəsənət xadimi" fəxri adı — 24 sentyabr 1990
- Azərbaycan Respublikası Prezidentinin təqaüdü — 10 oktyabr 1997
- "Şərəf" ordeni ilə təltif edilmişdir
Ustadı, şəyirdləriRedaktə
- Ustadı Aşıq Əli olmuşdur.
- Şəyirdi Aşıq Xanlar Məhərrəmov
FilmoqrafiyaRedaktə
- Yeddi oğul istərəm... (film, 1970)
- Aşıq Ələsgər (film, 1972)
- Ədalət (film, 1971)
- Prima (film, 1992)
- Tanrı payım, telli sazım (film, 2007)
İstinadlarRedaktə
- ↑ Rəşid, M. Bomboz bir günün əlvanlığı…: [ustad aşıq Ədalət haqqında] //525-ci qəzet.- 2015.- 3 fevral.- S.7.