Əfrasiyab Əzimov
Əfrasiyab Əzimov (tam adı:Əfrasiyab Hacı Əzim oğlu; 7 mart 1863, Şuşa – bilinmir, Şuşa) — Azərbaycan hərbçisi, xalq qəhrəmanı.
| Əfrasiyab Əzimov | |
|---|---|
 | |
| Doğum tarixi | 7 mart 1863 |
| Doğum yeri | |
| Vəfat tarixi | bilinmir |
| Vəfat yeri | |
| Partiyası | |
 Vikianbarda əlaqəli mediafayllar | |
Həyatı
redaktəƏfrasiyab Hacı Əzim oğlu 1863-cü ildə Şuşa şəhərində anadan olmuşdu. Molla yanında oxumuşdu. Ticarətlə məşğul idi. Əfrasiyab Əzimov gözəl minici idi. At yarışlarında, cıdırda iştirak edirdi. Yaşlı vaxtlarında at yarışlarında jüri üzvi olmuşdu.
Cəlil Bağdadbəyov yazır:
"Münsiflər məşhur minici Əfrasiyab, Məşədi Qasım (Küftə Qasım) və Xanlıq Səlimdən ibarət idi. Bəzi vaxt Kərbəlayı Abbas, Nəcəfqulu ağa və Kəblə Mürsəl olurdular…"[1].
Əfrasiyab Əzimov millət sərdarı Səttar xanın köməyinə yollanmışdı. Əfrasiyab Əzimov vətənpərvər, el qədri bilən bir qəhrəman idi. 1905–1906-cı illər erməni-müsəlman qırğınlarında igidliyi sayəsində neçə-neçə günahsızı ölümdən qurtarmışdı.
Mir Möhsün Nəvvab yazır:
"Müsəlmanlar da bir neçə yerdə səngərlər tərtib etmişdilər. Birinci səngər Vəzirzadələrin evinin qabağında, ikinci səngər isə Hacı Həsən Qaraşirzadənin evinin içində və baş tərəfində idi. Bu səngərləri tərtib edən və onların başçısı Abbas bəy Talıb bəy oğlu idi. Üçüncü səngər isə Məşədi Kərimin və erməni Xaçatur oğlunun evləri idi. Bu səngərləri yaradan və onların rəhbəri bizim Mir İbrahim Ağamirzadə idi. Dördüncü səngər isə Ağadədəlidə idi. Onun da böyüyü və rəhbəri Əfrasiyab Hacı Əzim oğlu idi. Beşinci səngər Təzə məhəllədə yerləşirdi. Onun rəhbəri isə Məşədi Abış Bəylər oğlu idi. Altıncı səngər isə mərhumə Gövhər ağanın evi və həyəti idi. Bu səngərin rəhbəri və istiqamətvericisi cənab Axund Molla Şükür idi"[2].
Əfrasiyab Əzimov həm "Difai", həm də "Qarabağ məclisi" təşkilatlarının fəal üzvi idi. 1907-ci ildə Ə. Əzimovun üzv olduğu "Qarabağ məclisi"nin fəalları kütləvi tutquya məruz qaldılar. Martın 23 və 24-də Hüseyn Münşiyevi, Əfrasiyab Əzimovu, Məşədi Şamil Hacıyevi, ZÜlfüqar bəy Haqverdiyevi, Xuduş Quliyevi, Kazım bəy Kazımbəyovu və Məmmədcəfər Muxtarovu Şuşa həbsxanasına saldılar. Tutulanların hamısını Həştərxan quberniyasına sürgün etdilər. Məmmədcəfər Muxtarov Iran təbəəsi olduğundan onu İrana yolladılar.
Əfrasiyab sürgündən dönəndən sonra Şuşada yaşamışdı.
Ailəsi
redaktəƏfrasiyabın Xosrov, Cümşüd, Şamil (Şəmir), Bəbir, Hidayət və Əmir adlı oglanları var idi. Əmir ilə Şəmir Böyük vətən müharibəsindən qayıtmadılar. Şəmirin oğulları Tariel və Tahir Bakıda və Sumqayıtda yaşayırlar. Bəbir müharibədən qayıtdı, 7 övladı vardı.
Mənbə
redaktə- Ənvər Çingizoğlu, Məşədi İman uşağı, Bakı, "Soy" dərgisi, 1(21), 2009. səh.23–26.