Əhməd Əhmədov (dövlət xadimi)
Əhməd Əli oğlu Əhmədov (1903, Ordubad, Naxçıvan qəzası – 13 oktyabr 1937) — Dövlət xadimi, Tarix, Dil və Ədəbiyyat İnstitutunun direktoru. Azərbaycan K(b)P-nin Qala-Maştağa rayon komitəsinin birinci katibi.[1]
| Əhməd Əhmədov | |
|---|---|
| Əhməd Əli oğlu Əhmədov | |
| Şəxsi məlumatlar | |
| Doğum tarixi | |
| Doğum yeri |
Ordubad, Naxçıvan qəzası, İrəvan quberniyası, Rusiya imperiyası |
| Vəfat tarixi | |
| Vəfat səbəbi | güllə yarası[d] |
| Partiya | |
HəyatıRedaktə
Əhməd Əli oğlu Əhmədov 1903-cü ildə Naxçıvanın Ordubad şəhərində zəhmətkeş ailəsində anadan olub. 1918-ci ilə qədər Ali Hərbi məktəbdə təhsil alıb.
1919-cu ildən Culfada (Şahtaxtıda) əvvəlcə telefonçu, daha sonra dəmir yolunda fəhlə işləmişdir. 1921-ci ildə XI Qırmızı Orduda könülülərə yazılaraq telefonçu kimi xidmət etmişdir.
- 1921-ci ilin martında Naxçıvanda komsomol təşkilatının bani və rəhbərlərindən biri olub.
- 1921-ci ilin sonunda Naxçıvandan nümayəndə kimi Bakıda komsomol qurultayına göndərilib.
- 1921-1923-cü illərdə Azərbaycan hərbi peşə məktəbində kursant olub.
- 1923-1924-cü illərdə bu peşə məktəbini bitirdikdən sonra orada saxlanılaraq rota komandiri kimi xidmət etmişdir.
- 1925-1926-cı illərdə Hərbi-Siyasi məktəbin rəis köməkçisi təyin olunub.
- 1926-1927-ci illərdə Tiflis hərbi peşə məktəbində müəllim işləyib, daha sonra yenidən Bakıya qayıdaraq 1927-1928-ci illərdə siyasi maarifləndirmə fəaliyyəti ilə məşğul olur.
- Beləliklə, 1921-ci ildən 1928-ci ilə qədər Ə.Əhmədov hərbi xidmətdə olub. Bu müddət ərzində o, 1921 və 1930-cu illərdə Ermənistanda daşnak qiyamının yatırılmasında, 1922-1923-cü illərdə Azərbaycanda "banditizmə", 1924-cü ildə Çiatura şəhərində (Gürcüstanda) "menşevik üsyanı"na qarşı mübarizədə iştirak edib.
- 1928–1929-cu illərdə İrəvanda Xalq Maarif Komissarlığının üzvü və Milli Azlıqlar Şurasının sədri olub.
- 1929-1930-cu illərdə Azərbaycan Xalq Maarif Komissarlığında bölmə müdiri və İdarə heyətinin üzvü işləyib.
- 1930-cu ildə Qırmızı Professorlar İnstitutunda təhsil almağa başlayır.
- 1933-1935-ci illərdə Ümumitifaq Kommunist (bolşevik) Partiyasının qərarı ilə Partiyanın Zəngilan rayon komitəsinin Siyasi bölməsinin müdiri təyin edilir.
- M.Bağırovun məsləhəti ilə 1935-ci ildə Azərbaycan K(b)P-nin Qala-Maştağa rayon komitəsinin birinci katibi təyin edilir. O, eyni zamanda Bakı Sovetinin nümayəndəsi seçilir.
- 1937-ci il iyun ayının 1-də EA-nın Azərbaycan filialının Tarix, Dil və Ədəbiyyat İstitutunun direktoru təyin edilir. Ona qədər direktor işləmiş Zifeld-Simumyaqi Artur Rudolfoviç böyük elmi işçi vəzifəsinə təyin edilib. Ə.Əhmədov bu vəzifədə 1 ay 10 gün işlədi.
- 1937-ci il iyul ayının 11-də Azərbaycan SSR Xalq Daxili İşlər Komissarlığı tərəfindən həbs edilib və oktyabrın 13-də güllələnib. 1955-ci ildə ölümündən sonra bəraət alıb.[1]
Həmçinin baxRedaktə
MənbəRedaktə
- Ə.Tahirzadə. Əhməd Əli oğlu Əhmədov//525-ci qəzet, 2005, 8, 11 yanvar.
- ГАППОДАР, ф.1, оп.8, д.884; ф.1., оп.122, д.87;
- Архив МНБ АР, следственно-архивное дело № ПР 23397.