Əjdahan mağarası

Əjdahan mağarası — Sədərək rayonunun Sədərək kəndindən şimalda, qayalığın içərisində arxeoloji abidə.

Əjdahan mağarası
Ümumi məlumatlar
Uzunluğu	12 m
Dövrü	III-VIII əsrlər
Tipi	karst
Vəziyyəti	Dağıdılmış
Yerləşməsi
39°42′ şm. e. 44°54′ ş. u.
Ölkə	Azərbaycan
Vilayət	Naxçıvan
Rayon	Sədərək
Kənd	Sədərək
Əjdahan mağarası

Ümumi məlumat

Yaxınlığında yeddi ildən bir qaynayıb çıxan Cincili bulaq var.mağaranın uzunluğu 12 metr, eni 3–4.5 metr, hündürlüyü 2–2.5 metr arasındadır. Mağaranın üzərinə mərmi düşdüyündən onun tavanının bir qismi dağılaraq girişi tutmuşdur. Tavanı ocaq yanmasından qaralmışdır. Mağaranın ön tərəfi kiçik meydan şəklindədir. İçərisi nəm torpaq qatı ilə örtülmüşdür. Araşdırmalar zamanı mağaranın girişindən erkən orta əsrlərə aid keramika məmulatı aşkar olunmuşdur. Araşdırmalar mağaradan müəyyən müddət yaşayış məskəni kimi istifadə edildiyini göstərir. Burada qədim mədəniyyət izlərinin olmasının müəyyənləşdirilməsi arxeoloji araşdırmalar tələb edir. Yaşayış yerini 3–8-ci əsrlərə aid etmək olar.

Həmçinin bax

Sədərək rayonu Qazma mağarası Kilit mağarası

Xarici keçidlər

• Naxçıvan abidələri