Ələşrəf Niftiyev
Ələşrəf Nuru oğlu Niftiyev (21 iyun 1945, Masallı) — azərbaycanlı ictimai-siyasi, dövlət xadimi, pedaqoq və yazıçı-publisist. O, uzun illər ərzində bir sıra dövlət vəzifələrində çalışmışdır. Ələşrəf Niftiyev 1968–1974-cü illərdə Masallı rayon Komsomol Komitəsinin birinci katibi, 1993–2009-cu illərdə Masallı Rayon İcra Hakimiyyəti başçısının müavini kimi dövlət idarəçiliyində fəaliyyət göstərmişdir. Yaradıcılığı əsasən milli-mənəvi dəyərlərin qorunması və cəmiyyətin sosial-mədəni problemlərinə həsr olunmuşdur. O, 2007-ci ildə III dərəcəli "Vətənə xidmətə görə" ordeni ilə və 2024-cü ildə "Heydər Əliyevin 100 illiyi (1923–2023)" yubiley medalı" ilə təltif edilmişdir. Azərbaycan Yazıçılar və Jurnalistlər Birliklərinin üzvü, "Qızıl qələm" mükafatı və Həsən bəy Zərdabi mükafatı laureatıdır.[1][2][3][4]
| Ələşrəf Niftiyev | |
|---|---|
 | |
| Doğum tarixi | 21 iyun 1945 (79 yaş) |
| Doğum yeri | |
| Vətəndaşlığı |
 Azərbaycan |
| İxtisası | Rus dili və ədəbiyyatı üzrə filoloq |
| Fəaliyyəti | yazıçı, publisist, dövlət xadimi, pedaqoq |
| Üzvlüyü | |
| Mükafatları |
   |
Həyatı
redaktəƏləşrəf Nuru oğlu Niftiyev 1945-ci ildə Masallı şəhərində kolxozçu və Böyük Vətən müharibəsi əlili Nuru kişinin və evdar qadın olan Səfurə xanımın ailəsində anadan olmuşdur. Atası Nuru kişi müharibə əlillərinin qənnadı sexində fəhlə kimi çalışmışdır.
Səkkiz oğul atası Niftiyev Nuru Yadulla oğlu Böyük Vətən müharibəsində döyüşmüş, bir neçə orden və medallarla təltif olunmuşdur. Döyüşlərin birində ağır yaralanmış və barmaqlarından bir neçəsini qəlpə aparmışdır.
Ələşrəf Niftiyev 1961-ci ildə Masallı şəhər Nəriman Nərimanov adına 2 saylı tam orta məktəbini bitirmişdir. Həmin il Lənkəran Pedaqoji Tenikumuna daxil olmuş və 1963-cü ildə rus dili və ədəbiyyatı üzrə ixtisas almışdır. Daha sonra 1970-ci ildə M. F. Axundov adına Azərbaycan Dövlət Xarici Dillər İnstitutunda təhsilini tamamlamışdır. İxtisasca rus dili və ədəbiyyatı üzrə filoloqdur. 1970–71-ci illərdə Sovet Ordusu sıralarında hərbi xidmətdə olmuşdur.
Fəaliyyəti
redaktə1963–68-ci illərdə müxtəlif məktəblərdə pedaqoji fəaliyyətlə məşğul olmuşdur. Pedaqoji fəaliyyəti dövründə "Metodist müəllim" adı qazanmış, "Maarif əlaçısı", "Yaşıllaşdırma əlaçısı" fəxri adlarına layiq görülmüşdür. Respublika Fənn Olimpiadası Komissiyasının üzvü kimi fəaliyyət göstərmişdir.
Komsomol və Partiya Fəaliyyəti
redaktə1968–74-cü illərdə Masallı rayon Komsomol Komitəsinin təşkilat şöbəsinin müdiri və birinci katibi vəzifəsində çalışmışdır. 1974–76-cı illərdə Masallı rayon Partiya Komitəsində təşkilat şöbəsinin müdiri, 1976–77-ci illərdə isə rayon qəzetində şöbə müdiri olmuşdur.
İcra Hakimiyyətində fəaliyyəti
redaktə1993-cü ilin noyabrından 2009-cu ilin iyun ayına kimi Masallı rayon İcra Hakimiyyəti başçısının müavini — təhsil, səhiyyə və mədəniyyət məsələləri üzrə şöbə müdiri vəzifəsində işləmişdir.
İctimai fəaliyyəti
redaktə1994–95-ci illərdə dövlətçiliyə qarşı qəsdən cəhdlər zamanı Masallı ziyalılarının təşəbbüsü əsasında Bakı şəhərində Azadlıq meydanında və KİV-də dövlətçiliyin müdafiəsi,Heydər Əliyev çağırışlarına qoşulmaqda rayon hərakatına rəhbərlik etmişdir. Döyüş bölgələrinə hamilik, məcburi köçkünlərin gündəlik qayğıları, şəhid ailələrinin və əlillərin problemlərinin həllində koordinasiya işlərinə rəhbərlik etmişdir.[5][6][7][8]
Deputat fəaliyyəti
redaktəMasallı rayon və şəhər sovetinin deputatı olmuşdur. Şəhər sovetinin deputatı olarkən Viləş çayı üzərində ikinci asma piyada körpüsünün salınmasına nail olmuşdur. Həmin körpüyə Azərbaycanın Milli Qəhrəmanı şəhid Etibar İsmayılovun adı verilmişdir.
İctimai Təşkilatlarda fəaliyyəti
redaktəMasallı rayon Ağsaqqallar Şurasının, Veteranlar Şurasının və Ziyalılar Cəmiyyətinin rəhbər heyətində təmsil olunur. O, təmsil etdiyi bölgənin sosial-mədəni inkişafına yönəlmiş layihələrdə fəal iştirak etmişdir. Rayon ziyalılarının təşəbbüsü ilə keçirilən mədəni tədbirlərin təşkilatçısı və təşəbbüskarlarındandır. Masallı Rayon Ziyalılar Cəmiyyətinin ilk sədri olmuşdur. Masallı Rayon Ağsaqqallar Şurasında əvvəl sədr müavini,10 ildən artıqdır ki, təşkilatın sədridir."Bakı-2015" Birinci Avropa Oyunlarının məşəldarlarından biri olmuşdur.[9][10][11][12][13][14][15][16][17]
Yaradıcılığı
redaktəƏləşrəf Niftiyev məktəb illərindən bədii yaradıcılığa həvəs göstərmiş, irihəcmli yüzlərlə məqalə, elmi-publisistik, pedaqoji və ictimai mövzularda yazıların, tərcümələrin,2010–2024-cü illərdə "Elm və təhsil" nəşriyyatı tərəfindən buraxılmış "Ömür yolu-nur yolu", "Oğul, bu Qurana and iç ki…", "Kiçiklərə, böyüklərə və hər kəsə", "Haqqın gücü", "Həyatımın həqiqətləri", "Hər kəs qədrini yaşar", "Vur-tut dünyada bir ömrümüz var", "Seçilmiş hekayələr", "Uşaqlar üçün hekayələr", "Yaxşılığa qoyulmayıb tərəzi", "Gərək sevəsən, seviləsən və sevdirəsən"[18] və s. adlı 21 kitabın müəllifidir.[19][20][21][22]
Rusiya, Ukrayna, Türkiyə və başqa ölkələrin qəzetlərində onun məqalələri, kitabları barədə rəylər dərc olunmuşdur.
Təltifləri
redaktəƏləşrəf Niftiyev Azərbaycan Prezidentinin 22 iyun 2007-ci il tarixli sərəncamı ilə "III dərəcəli Vətənə xidmətə görə" ordeni ilə təltif edilmişdir.[23]
Azərbaycan Respublikası Prezidenti İlham Əliyevin 2024-cü il 2 fevral tarixli 4289 nömrəli Sərəncamı ilə "Heydər Əliyevin 100 illiyi (1923–2023)" yubiley medalı ilə təltif edilmişdir.[24]
"Qızıl qələm" mükafatı və Həsən bəy Zərdabi mükafatı laureatıdır.
"Fəxri Ağsaqqal" döş nişanı ilə təltif edilib. Respublika Ağsaqqallar Şurasının "Fəxri Ağsaqqalı" dır.[25]
Mükafatları və Fəxri Fərmanları
redaktəƏləşrəf Niftiyev pedaqoji fəaliyyəti zamanı metodist müəllim kimi ali kateqoriyalı "Qabaqcıl Maarif əlaçısı" döş nişanına və müxtəlif mükafatlara layiq görülmüşdür. Fəal işinə görə dəfələrlə ÜİLKGİ MK-nin, Azərbaycan LKGİ-nin, rayon Partiya Komitəsinin fəxri fərmanları və döş nişanları ilə təltif olunmuşdur.
Şəxsi həyatı
redaktəAiləlidir, üç qızı və bir oğlu, səkkiz nəvəsi, iki nəticəsi var
İstinadlar
redaktə- ↑ "Yeni kitabların təqdimatı". masalli-ih.gov.az.
- ↑ "Qisas qiyamətə qalmadı". www.medeniyyet.az.
- ↑ "Ağsaqqal yazarın yeni kitabının təqdimatı". masalli-ih.gov.az.
- ↑ "Mərkəzi Kitabxanada yazıçı-publisistlə görüş". Azərbaycan Respublikası Mədəniyyət Nazirliyi. İstifadə tarixi: 30 noyabr 2024.
- ↑ "Müdrik həyatını yaşayan əsl ziyalı". Leqal.az. İstifadə tarixi: 2024-11-21.
- ↑ "Masallıda ona çox inanır və etibar edir". Sia.az - Dünya və yerli xəbərlərin tək ünvanı. 10 fev 2017.
- ↑ "Yeni Tefekkür, İyul 2020". Azərbaycan Milli Kitabxanası. İstifadə tarixi: 22 Noyabr 2024.
- ↑ "Masallı inkişaf yollarında". Xalq Qəzeti. İstifadə tarixi: 30 noyabr 2024.
- ↑ "Təmiz dünya naminə" tədbiri, Masallı Rayon Ağsaqqallar Şurasının rəsmi saytı, istifadə tarixi: 21 noyabr 2024.
- ↑ Masallı rayon Ağsaqqallar Şurasının konfransı, Masallı Rayon İcra Hakimiyyətinin rəsmi saytı, istifadə tarixi: 21 noyabr 2024.
- ↑ Şuşaya həsr olunmuş tədbir Arxiv surəti 16 aprel 2024 tarixindən Wayback Machine saytında, Masallı Rayon Ağsaqqallar Şurasının rəsmi saytı, istifadə tarixi: 21 noyabr 2024.
- ↑ 8 Noyabr — Zəfər Günü tədbiri, Leqal.az, istifadə tarixi: 21 noyabr 2024.
- ↑ "Mərkəzi Kitabxanada yazıçı-publisistlə görüş". Lənkəran Regional Mədəniyyət İdarəsi. İstifadə tarixi: 2024-11-22.
- ↑ "Masallıda "Azərbaycan dövlət quruculuğunda qadınlarımızın rolu və fəaliyyəti" adlı tədbir keçirilib". Cenublu.az. İstifadə tarixi: 23 noyabr 2024.
- ↑ "Masallıda "Gəncləri dini radikalizm və digər zərərli vərdişlərdən qoruyaq" mövzusunda seminar-treninq keçirilib". SCARA.gov.az. İstifadə tarixi: 23 noyabr 2024.[ölü keçid]
- ↑ "Masallı Ağsaqqallarının Azərbaycan Xalq Cümhuriyyətinin 100 illiyinə həsr olunmuş tədbiri". Masallı Rayon İcra Hakimiyyəti. İstifadə tarixi: 23 noyabr 2024.
- ↑ "Masallı Dövlət Regional Kollecinin və Masallı Rayon Ağsaqqallar Şurasının birgə təşkilatçılığı ilə milli-mənəvi dəyərlərimizin təbliğində Heydər Əliyev strategiyasının uğurları". Leqal.az. İstifadə tarixi: 30 noyabr 2024.
- ↑ "Mənbə". ANL. Azərbaycan Milli Kitabxanası. İstifadə tarixi: 21 noyabr 2024.
- ↑ "Ə.Niftiyev,Masallı folkloru". Azərbaycan müəllimi. İstifadə tarixi: 21 noyabr 2024.
- ↑ "Mənbə". Azərbaycan Milli Kitabxanası. İstifadə tarixi: 21 noyabr 2024.
- ↑ "Masallı Rayon Ağsaqqallar Şurasının sədri Ələşrəf Niftiyevin "Yaşayan Xatirələr" kitabının təqdimatı keçirilib". Ağsaqqallar Şurası. İstifadə tarixi: 2024-11-22.
- ↑ "Qocaman yazıçının yeni kitabı". Mədəniyyət.az. 2024-07-20 tarixində arxivləşdirilib. İstifadə tarixi: 23 noyabr 2024.
- ↑ "Azərbaycan Respublikasında dövlət qulluğunda fərqlənən şəxslərin təltif edilməsi haqqında". frameworks.e-qanun.az. İstifadə tarixi: 2024-11-13.
- ↑ Heydər Əliyevin 100 illiyi (1923–2023) yubiley medalı ilə təltif edilənlərin siyahısı. Vikipediya.
- ↑ "Masallı Rayon Agsaqqallar Şurasının sədri Ələşrəf Niftiyev "Fəxri Ağsaqqal" döş nişanı ilə təltif edilib - AZƏRBAYCAN RESPUBLİKASI AĞSAQQALLAR ŞURASI". 24 iyn 2024.