Vikipediya

Həfuf

(Əl-Xufuf səhifəsindən istiqamətləndirilmişdir)

Həfuf,[1] həmçinin Əl-Hufuf[2] və ya Əl-Xufuf[3] (ərəb. الهفوف‎‎) — Səudiyyə Ərəbistanında yerləşən şəhər. Əş-Şarkiya (Şərq əyalətinə) inzibati dairəsində yerləşmişdir. Əhalisinin sayı 321 471 nəfərdir (2010-cu il məlumatlarına əsasən).[4]

Şəhər
Həfuf
ərəb. الهفوف‎
25°23′00″ şm. e. 49°35′00″ ş. u.
Ölkə  Səudiyyə Ərəbistanı
Bölgə Əş-Şərkiya
Tarixi və coğrafiyası
Mərkəzin hündürlüyü 164 m
Saat qurşağı UTC+3
Əhalisi
Əhalisi 321,471 nəfər (2010)
Həfuf xəritədə
Həfuf
Həfuf
Vikianbarın loqosu Vikianbarda əlaqəli mediafayllar

Ümumi məlumatlar redaktə

Şəhər Əl-Xasa oazisində yerləşmişdir. Abkaik neft yatağından və Daxran — Dammam — Əl-Xubar boru xətti üzrə Xarad kəndindən cənub-qərbdə yerləşmişdir. Dəniz səviyyəsindən 164 m hündürlükdə yerləşmişdir.[5] Əl-Xufuf məşhur olan, nəhəng neft yatağı olan Qavarın yaxınlığındadır.

Əl-Xufuf Səudiyyə Ərəbistanının əsas mədəni mərkəzlərindən biridir. Burada yaşayan bir çox məşhur soyadların nümayəndələri bütün ölkədə hamı tərəfəndin tanınır. Şəhərdə Kral Feysal adına Universitet yerləşir. Canlı resurslarının öyrənilməsi üzrə kənd təsərrüfatı fakultəsi və baytarlıq fakultələri fəaliyyət göstərir. Digər fakultələr isə Dammamdakı universitetdədir. Həmçinin şəhərdə tibbin, stomatologiyanın və evdarlığın öyrənilməsi üzrə qadınlar üçün xüsusi fakultələr fəaliyyət göstərir.

Əfsanəyə görə, Əl-Xufuf şəhəri Leyli və Məcnunun ölüm yeri hesab edilir. Tarixin faciəli sevgi haqqında ərəb və müsəlman dünyasında ən məşhur qəhrəmanları hesab olunur. Rəvayətə görə, həm də burada Bilqeys yaşamışdır.

Şəhər 1953-cü ildə Şərq əyalətinin mərkəzi olmuşdur. Əl-Xufufda əvvəlki dövrlərin — Osmanlı hökmranlığının (1871-ci ildən 1913-cü ilə qədər şəhər Osmanlı İmperiyasının tərkibinə daxil idi) izlərini tapmaq olar.[6][7] Şəhərdə şəhərin tarixini əks etdirən muzeylər yerləşir.

Əhalisi redaktə

XX əsrin başlanğıcında Əl-Xufufun əhalisi təxminən 25 000 nəfər təşkil edirdi. Əhalinin dörddə üçünü (75 %) sünnilər təşkil edirdi. Yerdə qalan əhali isə şiələrdən təşkil olunmuşdur. Şəhər öz dini tərkibinə görə qarışıq idi.[8] Bugünə kimi öz tarixi boyunca sünnilər üçün əhəmiyyətli mərkəz qalaraq — Ərəbistan yarımadasında Maliki məzhəbinin davamçıları olaraq qalır. Əl-Xufufun yaxınlığında oazisdə yerləşmiş kəndlərdə əvvəlki kimi bir çox şiə yaşayır.[9]

İqtisadiyyat və nəqliyyat redaktə

Şəhərdə əldəqayırma sənətlər yaxşı inkişaf etmişdir. Yun geyimlərinin və parçaların istehsalı, qızıl və gümüş bəzəkləri bu şəhərdə geniş yayılıb. Həmçinin şəhərdə hədiyyə qılınclar və xəncərlər istehsal edilir. Mis məmulatlar daha çox hazırlanır. Şəhərin ətrafındakı vadidə xurma, üzüm, arpa və buğda yetişdirilir. Ərəb atı saxlanılır. Əl-Xufufda Səudiyyə Ərəbistanında məşhur olan dəvə bazarı yerləşir.[6]

Əl-Xufufda iki hava limanı yerləşir. Şəhərdən 130 kilometr məsafədə yerləşən Kral Faxd hava limanı ölkənin əsas hava limanıdır. İki yerli hava limanına gəlincə, onlardan biri hal-hazırda bağlanmışdır. Digər hava limanı ilə Saudi Arabian Airlines şirkəti tərəfindən Ciddəyə daxili reyslər həyata keçirilir.

Şəhər ölkənin əsas liman şəhəri olan Ras-Tanur ilə ölkənin paytaxtı olan Ər-Riyadı birləşdirən dəmir yolunun üzərində yerləşmişdir.

İstinadlar redaktə

  1. ↑ "Arxivlənmiş surət". 2023-07-21 tarixində arxivləşdirilib. İstifadə tarixi: 2023-06-15.
  2. ↑ "Arxivlənmiş surət". 2023-07-21 tarixində arxivləşdirilib. İstifadə tarixi: 2023-06-15.
  3. ↑ "AZAL Səudiyyə Ərəbistanına yeni istiqamətlər təqdim edib". Report İnformasiya Agentliyi. 21 iyn 2020. 2023-07-21 tarixində arxivləşdirilib. İstifadə tarixi: 2023-06-15.
  4. ↑ Saudi Arabia: largest cities and towns and statistics of their population World Gazetteer  (ing.) (alm.) (fr.) (isp.)
  5. ↑ "Al Hufuf, Saudi Arabia Page" (ingilis). Fallingrain Global Gazetteer. 2014-02-01 tarixində arxivləşdirilib. İstifadə tarixi: 2014-01-18.
  6. ↑ 1 2 Al-Hufuf (Saudi Arabia) Arxivləşdirilib 2010-12-31 at the Wayback Machine Britannica Online Encyclopedia  (ing.)
  7. ↑ "Al Hofuf City, Saudi Arabia". 2020-02-03 tarixində arxivləşdirilib. İstifadə tarixi: 2016-11-18.
  8. ↑ G.G. Lorimer, Gazetteer of the Persian Gulf, ʻOman, and Central Arabia, Volume 1, Part 2 (1908 — Republished 1970), p. 746 ссылка Arxivləşdirilib 2014-05-13 at the Wayback Machine  (ing.)
  9. ↑ Origin and Development of Islamic Law, edited by Majid Khadduri, Herbert J. Liebesny. Originally published: Washington, Middle East Institute (1955). Republished: Clark, New Jersey: The Lawbook Exchange Ltd. (2008). p. 69 ссылка Arxivləşdirilib 2014-05-13 at the Wayback Machine  (ing.)

Ədəbiyyat redaktə

  • P.V.Qusterin Ərəb Şərqinin şəhərləri. — М.: Vostok—Zapad, 2007. — 352 s. — (Ensiklopediya məlumat kitabçası). — 2000 ekz. — ISBN 978-5-478-00729-4

Xarici keçidlər redaktə

  • Hofuf on www.The-Saudi.net
  • Jabal Qarah, Splendid Arabia: A travel site with photos and routes
Mənbə — "https://az.wikipedia.org/w/index.php?title=Həfuf&oldid=7514448"