Əli Əsgər bəy Mahmudbəyov
Əli Əsgər bəy Mahmudbəyov (Mahmudbəyov Hacı İbrahimxəlil bəy oğlu Ələsgər bəy; 15 mart 1875, Şamaxı – 27 avqust 1968, Qahirə) — mühəndis, Azərbaycan Milli Şurasının üzvü. İstiqlal Bəyannaməsini imzalamış Azərbaycanın Milli Şurasının nümayəndəsi.
| Əli Əsgər bəy Mahmudbəyov | |
|---|---|
 | |
| Şəxsi məlumatlar | |
| Doğum tarixi | 15 mart 1875 |
| Doğum yeri | |
| Vəfat tarixi | 27 avqust 1968 (93 yaşında) |
| Vəfat yeri | |
Həyat və fəaliyyəti
redaktəƏli Əsgər bəy Hacı İbrahimxəlil bəy oğlu Mahmudbəyov Bakı real məktəbini, daha sonra Peterburq Politexnik İnstitutunu bitirmişdir.
Təhsilini başa vurduqdan sonra Hacı Zeynalabdin Tağıyevin toxuculuq fabrikində çalışmış, 1908-ci ildə Tiflisə köçərək ictimai fəaliyyət göstərmiş, Qafqaz Müsəlman Xeyriyyə Cəmiyyətinin işində yaxından iştirak etmişdir.
Azərbaycan Milli Şurasının İstiqlal bəyannaməsini imzalayan 26 üzvündən biri idi.
1918-ci ildə Türkiyəyə getmiş, Adana şəhərində toxuculuq fabrikinə başçılıq etmişdir. Sonralar Qahirəyə köçmüş, ömrünü orada başa vurmuşdur.
Ailəsi
redaktə- Həbib bəy Mahmudbəyovun qardaşıdır.