Əzizə Ağahüseynqızı

Əzizə Ağahüseynqızı (20 aprel 1960, Dünyamalılar, Jdanov rayonu) — şairə-publisist, Azərbaycan Yazıçılar Birliyinin və Azərbaycan Jurnalistlər Birliyinin üzvü.

Əzizə Ağahüseynqızı
Təxəllüsü	Ağahüseynqızı
Doğum tarixi	20 aprel 1960(1960-04-20) (64 yaş)
Doğum yeri	Dünyamalılar, Jdanov rayonu, Azərbaycan SSR, SSRİ
Milliyyəti	azərbaycanlı
Həyat yoldaşı	Şamo
Uşağı	Turqut
Təhsili	Bakı Dövlət Universiteti
Fəaliyyəti	şair
Üzvlüyü	Azərbaycan Yazıçılar Birliyi, Azərbaycan Jurnalistlər Birliyi

Həyatı

Əzizə Ağahüseynqızı 1960-cı il apelin 20-də Beyləqan rayonunun Dünyamalılar kəndində anadan olmuşdur. Orta təhsilini doğma kənddə bitirmişdir.

1984-cü ildə Politexnik Texnikumunu bitirmişdir. 1984–1989-cu illərdə Bakı Dövlət Universitetinin kitabxanaçılıq-biblioqrafiya fakültəsində oxumuşdur.

2005-ci ildə 36 saylı Xətai seçki daairəsindən Azərbaycan Respublikası Milli Məclisinə deputatlığa namizədliyi verilmişdir.

Hazırda Xətai rayonunda Əhalinin Sosial-Müdafiə Mərkəzində işləyir.

Dövrü mətbuatda 1975-ci ildən çap olunur. "Ulduz", "Azərbaycan", "Ədəbiyyat" qəzetlərində, jurnallarda və almanaxlarda şeirləri dərc olunub. Üç şeir kitabının müəllifidir.

"Dirili Qurbanı", "Sazlı-Sözlü Borçalı" Ədəbi Məclisinin, Azərbaycan Jurnalistlər Birliyinin və Azərbaycan Yazıçılar Birliyinin üzvüdür.

"Qızıl qələm" media mükafatı laureatıdır.

Əsərləri

• "Ürəyim qəm adası", Bakı, "Vektor" nəşrlər evi, 2005. səh.122, 500 tiraj.
• "Payız yağışı", Bakı, 2016.

Məqalələri

• "Əsl vətənpərvər şair", Bütöv Azərbaycan qəzeti, № 46(86), 14 dekabr 2010-cu il.