1876 Benqal siklonu
1876-cı il Böyük Bakerqanc siklonu (29 oktyabr — 1 noyabr 1876) – tarixin ən ölümcül tropik siklonlarından biri. Siklon Britaniya Hindistanının Benqal prezidentliyindəki Bakerqanc (Meqna çayının mənsəbinin yaxınlığı, indiki Banqladeşin Barisal şəhərinin ətrafı) sahillərinə vurdu və təxminən 200.000 nəfərin ölümü ilə nəticələndir. Ölənlərin yarısı fırtınanın yaratdığı su daşqınında boğularaq, qalanları isə sonrakı aclıqdan öldü.[1][2]
Meteoroloji tarixçəsi
redaktəOktyabrın 27-də Benqal körfəzinin cənub-şərqində 10,0° şm. və 89,0° şərq koordinatlarında aşağı təzyiq zonası şəklində əmələ gələn siklon oktyabrın 30-da 15,0° şm. və 89,0° şərq koordinatları yaxınlığında özəyində qasırğa küləkləri əsən siklonik fırtınaya çevrildi. Siklon şimala doğru Şimal körfəzinə qədər, buradan isə şimal-şimal-şərqə doğru hərəkət etdi.[1] Oktyabrın 31-də siklon Bakerqanc sahilinə çatdı.[2]
Küləyin maksimal sürətinin 220 km/saat olduğu təxmin edilirdi, dalğaların hündürlüyü isə 3–13,6 metr olmuşdu.[1]
İstinadlar
redaktə- ↑ 1 2 3 SMRC-No.1 – The impact of tropical cyclones on the coastal regions of SAARC countries and their influence in the region, SAARC Meteorological Research Center (SMRC),1998.
- ↑ 1 2 Chowdhury, Masud Hasan. "Cyclone". Banglapedia. Asiatic Society of Bangladesh. 19 January 2016 tarixində arxivləşdirilib. İstifadə tarixi: 6 August 2015.