2018 Çin Qran-prisi

2018 Çin Qran Prisi—2018-ci ildə keçirilmiş növbəti Çin Qran Prisi.

Şanxay

Çin Qran Prisi üçün təkər seçimi

Mərhələ / Tərkiblər	SuperHard	Hard	Medium	Soft	SuperSoft	UltraSoft	HyperSoft
Markalanma rəngi	Narıncı	Mavi	Ağ	Sarı	Qırmızı	Bənövşəyi	Çəhrayı
Çin Qran Prisi				Medium	Soft	UltraSoft

Sərbəst yürüşlər

Birinci sərbəst yürüşlər

Sürücülər sessiyaya Medium və Soft təkərlərlə başlayıblar. UltraSoft təkərlərə keçikdən sonra nəticələr xeyli yaxşılaşıb. Tras əvvəlcə xeyli sürüşkən olub, Lyuis Həmilton,Sebastyan Fettel və Kimi Rəykkönen kimi təcrübəli sürücülər belə səhvlərə yol veriblər.Lyuis Həmilton sessiyanın ortasında göstərdiyi nəticə ilə rəqiblərini xeyli üstələyib – 1:33.999. Britaniyalı sürücü daha yaxşı nəticə göstərə bilərdi, lakin səhvə yol verib və boksa qayıdıb. Kimi Rəykkönen onun nəticəsinə 0.350 saniyə uduzub.Maks Ferstappen və Stoffel Vandorn da səhvə yol verərək çınqıllığa düşüblər, lakin baryerlərlə toqquşmaqdan yayına biliblər.

1. Lyuis Həmilton 1:33.999
2. Kimi Rəykkönen 1:34.358
3. Valtteri Bottas 1:34.457
4. Daniel Rikiardo 1:34.537
5. Maks Ferstappen 1:34.668
6. Sebastyan Fettel 1:34.861
7. Kevin Maqnussen 1:35.178
8. Karlos Sayns 1:35.616
9. Roman Qrojan 1:35.718
10. Niko Hülkenberq 1:35.800
11. Pyer Qasli 1:36.037
12. Fernando Alonso 1:36.044
13. Serxio Peres 1:36.051
14. Esteban Okon 1:36.351
15. Sergey Sirotkin 1:36.691
16. Brendon Hartli 1:36.715
17. Şarl Lekler 1:36.723
18. Stoffel Vandorn 1:36.756
19. Markus Eriksson 1:36.909
20. Ləns Stroll 1:37.277

Birinci sərbəst yürüşlərin qalibi Lyuis Hemilton

İkinci sərbəst yürüşlər

Sürücülər diqqətlərini bu dəfə uzun məsafələr qət edərək təkərlərin səmərəliliyini yoxlamağa yönəldiblər. Sessiyanın sonunda yağış başlayıb, lakin sürücülər artıq proqramlarını başa çatdırdıqlarından, bokslarına qayıdıblar. Səhər olduğu kimi, bu dəfə də ciddi insident baş verməyib.Lens Stroll 8-ci,Roman Qrojan isə 11-ci döngələrdə trasdan çıxıb, lakin maşınlara zərər dəyməyib. Sona yaxınStoffel Vandorn arxa sağ təkər yaxşı bağlanmadığı üçün dayanmalı olub. Sarı bayraqlar dalğalanıb və onun maşını təxliyə edilib.Esteban Okon,Serxio Perez, Brendon Hartli,Pyer Qasli və Fernando Alonso keçid təkərlərlə trasa qayıdaraq bir neçə dövrə vurublar. Protokollara çox cüzi fərqli Kimi Rəykkönen üstələyən Həmilton başçılıq edib – 1:33.482.

1. Lyuis Həmilton 1:33.482
2. Kimi Rəykkönen 1:33.489
3. Valtteri Bottas 1:33.515
4. Sebastyan Fettel 1:33.590
5. Maks Ferstappen 1:33.823
6. Niko Hülkenberq 1:34.313
7. Kevin Maqnussen 1:34.458
8. Karlos Sayns 1:34.473
9. Daniel Rikkardo 1:34.557
10. Fernando Alonso 1:34.632
11. Serxio Peres 1:34.792
12. Pyer Qasli 1:34.849
13. Esteban Okon 1:34.874
14. Stoffel Vandorn 1:35.163
15. Brendon Hartli 1:35.333
16. Sergey Sirotkin 1:35.340
17. Markus Eriksson 1:35.624
18. Şarl Lekler 1:35.916
19. Roman Qrojan 1:36.471
20. Ləns Stroll 1:37.147

İkinci sərbəst yürüşlərin qalibi Lyuis Hemilton

Üçüncü sərbəst yürüşlər

Bu dəfə sürücülər daha çox problemlərlə qarşılaşıblar.Lyuis Həmilton bir neçə dəfə səhvlərə yol verib,Roman Qrojan yerində fırlanıb və komanda onu boksa çağırıb – fransız sürücünün əyləc nasazlığı ilə qarşılaşdığı məlum olub.Stoffel Vandornun maşınında telemetriya işləməyib və komanda ondan məlumat ala bilməyib. Red Bull komandası bu dəfə də ciddi çətinliklərlə qarşılaşıb.Maks Ferstappenin maşınında ötürmələr qutusunda problem aşkarlanıb, lakin bunu həll etmək mümkün olub. Bir neçə dövrə vurmuş Daniel Rikiardonun maşınının motoru alışıb və avstraliyalı sürücü üçün sessiya vaxtından əvvəl başa çatıb. Protokollara həftəsonunun ən sürətli dövrəsini vurmuşSebastyan Fettel başçılıq edib – 1:33.018.

1. Sebastyan Fettel 1:33.018
2. Kimi Rəykkönen 1:33.469
3. Valtteri Bottas 1:33.761
4. Maks Ferstappen 1:33.969
5. Lyuis Həmilton 1:34.057
6. Kevin Maqnussen 1:34.329
7. Serxio Peres 1:34.445
8. Esteban Okon 1:34.456
9. Karlos Sayns 1:34.582
10. Sergey Sirotkin 1:34.741
11. Niko Hülkenberq 1:34.841
12. Fernando Alonso 1:34.851
13. Stoffel Vandorn 1:34.977
14. Brendon Hartli 1:34.991
15. Daniel Rikkardo 1:35.061
16. Pyer Qasli 1:35.079
17. Ləns Stroll 1:35.375
18. Şarl Lekler 1:35.497
19. Markus Eriksson 1:35.679
20. Roman Qrojan 1:35.756

Üçüncü sərbəst yürüşlərin qalibi Sebastyan Fettel

Sıralanma turu

Poulun sahibi Sebastyan Fettel

Sessiya 1

Birinci sessiyada Kevin Maqnussen Soft, digər sürücülər isə UltraSoft təkərlərlə trasa çıxıblar. Lekler sonuncu döngənin çıxışında yerində fırlanıb, lakin maşının baryerlərə çırpılmasının qarşısını ala bilib. Bu insidentə görə sarı bayraqlar dalğalanıb. Red Bull mexanikləri Daniel Rikiardonun maşınını yalnız sessiyanın son dəqiqələrinə hazır edə biliblər. Avstraliyalı sürücü yeganə fürsətindən istifadə edərək növbəti sessiyaya yüksələ bilib. Protokollara Sebastyan Fettel başçılıq edib – 1:32.171. Sergey Sirotkin,Pyer Qasli, Lens Stroll, Lekler vəMarkus Eriksson mübarizəni dayandıran sürücülər olublar.

Sessiya 2

İkinci sessiyada Ferrari və Mercedes sürücüləri sabahkı yarışda fərqli strategiya seçmək üçün Soft təkərlərlə boksları tərk ediblər, qalan sürücülər isə UltraSoft təkərləri seçiblər. İlk cəhdində Kimi Rəykkönen hamını üstələsə də,Lyuis Həmilton ikinci cəhddə protokollara başçılıq edib – 1.31.914. Kevin Maqnussen,Esteban Okon,Fernando Alonso,Stoffel Vandorn və Brendon Hartli üçün sıralanma turu başa çatıb.

Sessiya 3

Son sessiyada Roman Qrojan Soft, digər sürücülər isə UltraSoft təkərlərlə poul mübarizəsinə başlayıblar. İlk cəhdlərdən sonra ən uğurlu Kimi Rəykkönen olub – 1.31.200. İkinci cəhddə finlandiyalı sürücü nəticəsini cüzi yaxşılaşdırıb. Sebastyan Fettel isə trasın rekordunu da yeniləyərək poulun sahibi olub – 1.31.095! Mercedes sürücüləri əsas rəqiblərinə yarım saniyə məğlub olublar.

Start düzümü

Markus Erikssona sıralanma turunda sarı bayraqlar altında sürətini kifayət qədər azaltmadığı üçün 5 yer itirmək cəzası verilsə də, start düzümündə dəyişiklik olmayıb. Çünki isveçli sürücü onsuz da son yeri tutub.

1. Sebastyan Fettel 1:31.095
2. Kimi Rəykkönen 1:31.182
3. Valtteri Bottas 1:31.625
4. Lyuis Həmilton 1:31.675
5. Maks Ferstappen 1:31.796
6. Daniel Rikkardo 1:31.948
7. Niko Hülkenberq 1:32.532
8. Serxio Peres 1:32.758
9. Karlos Sayns 1:32.819
10. Roman Qrojan 1:32.855
11. Kevin Maqnussen 1:32.986
12. Esteban Okon 1:33.057
13. Fernando Alonso 1:33.232
14. Stoffel Vandorn 1:33.505
15. Brendon Hartli 1:33.795
16. Sergey Sirotkin 1:34.062
17. Pyer Qasli 1:34.101
18. Ləns Stroll 1:34.285
19. Şarl Lekler 1:34.454
20. Markus Eriksson 1:34.914

Yarış

Qalib Daniel Rikiardo

Startda Sebastyan Fettel yerini qoruya bilib, lakin komanda yoldaşına bir qədər mane olub və bunun nəticəsində Valtteri Bottas ikinciliyə yüksəlib. Təkər üstünlüyünə sahib Maks Ferstappen Lyuis Həmilton və Kimi Rəykköneni üstələyib.Sebastyan Fettel fərqi bir qədər artırıb.Stoffel Vandorn Sergey Sirotkini qabaqlayıb. Komandanın xahişi ilə Roman Qrojan Kevin Maqnusseni,Brendon Hartli isə Pyer Qaslini önə buraxıb. Hər iki halda komanda yoldaşları müxtəlif strategiyalarda olublar. 11-ci dövrədə Brendon Hartli pit-stop edən ilk sürücü olub. Növbəti üç dövrədə Esteban Okon,Karlos Sayns,Serxio Perez,Niko Hülkenberq də pit yoluna üz tutublar.Roman Qrojan 17-ci dövrədə təkərlərini dəyişib, Red Bull isə 18-ci dövrədə hər iki sürücüsünü pit-stopa çağırıb. Növbəti dövrədə Lyuis Həmilton boksa yollanıb. Valtteri Bottas 20-ci,Sebastyan Fettel isə 21-ci dövrədə təkərlərini dəyişiblər. Bir dövrə tez edilən pit-stop hesabına Valtteri Bottas Sebastyan Fetteli qabaqlayıb. Ferrari Kimi Rəykköneni trasda saxlayıb. Valtteri Bottas 27- ci dövrədə onu keçib. Kimi Raykkonen dərhal komanda yoldaşına yol verib və növbəti dövrədə təkərlərini dəyişib.Lekler 29-cu dövrədə çınqıllığa düşüb, lakin trasa qayıdaraq yarışa davam edə bilib. Növbəti dövrədə Fernando Alonso və Sergey Sirotkin pit-stop ediblər. 31-ci dövrədə Toro Rosso sürücüləri toqquşsalar da, yarışa davam edə biliblər. Stüardlar Pyer Qasliyə 10 saniyəlik cəza veriblər. İnsident nəticəsində asfaltda qırıntılar olduğundan, Təhlükəsizlik Maşını trasa daxil olub. Red Bull dərhal hər iki sürücüsünü pitə çağıraraq qələbənin əsasını qoyub. Niko Hülkenberq,Karlos Sayns,Esteban Okon,Pyer Qasli həmin dövrədə,Serxio Perez və Sergey Sirotkin isə növbəti dövrədə təkərlərini dəyişiblər.Restart 35-ci dövrədə verilib,Valtteri Bottas liderliyini davam etdirib.Fernando Alonso dərhal Roman Qrojanı keçib, komanda yoldaşı Stoffel Vandorn isə Esteban Okona keçilib. İki dövrə sonra Daniel Rikiardo yeni təkərlərdən istifadə edərək Kimi Rəykköneni qabaqlayıb. Maks Ferstappen Lyuis Həmiltonu keçməyə cəhd edib, lakin toqquşmadan yayınmaq üçün asfaltdan çıxmağa məcbur olub və yer itirib.Lyuis Həmilton bu dəfə də Daniel Rikiardonun təzyiqlərinə məruz qalıb. Avstraliyalı sürücü onu da keçərək üçüncülüyə yüksəlib.Maks Ferstappen yenidən Lyuis Həmiltona hücum edib və bu dəfə onu ötməyə nail olub.Daniel Rikiardo isə 42-ci dövrədə Sebastyan Fetteli də üstələyərək ikinci olub. 44-cü dövrədə Maks Ferstappen Sebastyan Fettelə aqressiv hücum edib və toqquşma baş verib. Hər iki sürücü yer itirərək yarışa davam edib. Stüardlar Maks Ferstappenin nəticəsinə 10 saniyə əlavə olunacağını elan ediblər. 45-ci dövrədə Daniel Rikiardo gözlənildiyi kimi, təkərləri xeyli yeyilmiş Valtteri Bottası da asanlıqla qabaqlayaraq liderliyə yüksəlib.Maks Ferstappen 48-ci dövrədə Lyuis Həmiltonu növbəti dəfə ötüb.Brendon Hartli 53-cü dövrədə mexaniki problemlərə görə mübarizəni dayandırıb. Kimi Rəykkönen Valtteri Bottasa xeyli yaxınlaşıb, lakin hücum imkanı əldə etməyib.Fernando Alonso yeddincilik uğrunda mübarizədə tempini xeyli itirən Sebastyan Fetteli keçib. Daniel Rikiardo mövsümdə ilk, karyerasında altıncı qələbəsini qazanıb. Valtteri Bottas yarışı ikinci, Kimi Rəykkönen isə üçüncü yerdə başa vurub.Lyuis Həmilton dördüncü olaraq çempionatda Sebastyan Fettellə arasındakı xal fərqini xeyli azaldıb. Mercedes ilk üç yarışı qələbəsiz başa vursa da, Mühəndislər Kubokunda liderliyə yüksəlib.

Nəticə

1. Daniel Rikiardo Red Bull
2. Valtteri Bottas Mercedes
3. Kimi Rəykkönen Ferrari
4. Lyuis Həmilton Mercedes
5. Maks Ferstappen Red Bull
6. Niko Hülkenberq Renault
7. Fernando Alonso McLaren
8. Sebastyan Fettel Ferrari
9. Karlos Sayns Renault
10. Kevin Maqnussen Haas
11. Esteban Okon Force India
12. Serxio Peres Force India
13. Stoffel Vandorn McLaren
14. Lens Stroll Williams
15. Sergey Sirotkin Williams
16. Markus Eriksson Sauber
17. Roman Qrojan Haas
18. Pyer Qasli Toro Rosso
19. Şarl Lekler Sauber

Mübarizəni dayandıran

1. Brendon Hartli Toro Rosso

DHL Fastest Pit Stop Award

DHL Fastest Pit Stop Award qalibi Mercedes

Pit-stopların nəticəyə birbaşa təsir etdiyi Çin Qran Prisində Mercedes mexanikləri Valtteri Bottas üçün etdikləri mükəmməl pit-stop əməliyyatı ilə birinci olublar. Finlandiyalı sürücü məhz bu pit-stopdan sonra trasa Sebastyan Fetteldən öndə qayıtmışdı. Bu, həm də mövsümün ilk üç yarışında əldə edilən ən yaxşı nəticə olub. Maraqlıdır ki, Red Bull komandası hər iki pit- stopa sürücülərini eyni anda çağırsa da, mexaniklər səhvə yol verməyiblər, hətta Maks Ferstappendən arxada gələn Daniel Rikiardonun maşınına cəmi 2.33 saniyə ərzində xidmət göstəriblər. Force India mexanikləri bu il yaxşı mənada fərqlənirlər –Serxio Perez üçün etdikləri pit- stopla bu dəfə də ilk üçlüyə düşə biliblər. McLaren komandasının pit-stoplarındakı vəziyyət isə trasda olandan fərqlənmir.

1. Red Bull 68
2. Ferrari 57
3. Mercedes 49
4. Force India 37
5. UilyamsWilliams 31
6. Toro Rosso 20
7. Sauber 16
8. Renault 12
9. Haas 11
10. McLaren 2

Günün sürücüsü

Günün sürücüsü – Daniel Rikiardo

Yarışa altıncı yerdən başlayan, komandanın düzgün və möhtəşəm strategiyasından məharətlə istifadə edərək qələbə qazanan Red Bull-un sürücüsü Daniel Rikiardo “Günün Sürücüsü” seçilib. Avstraliyalı sürücü cari mövsümdə ilk dəfə bu ada layiq görülür. O, 2016-cı ildə Almaniya, keçən il isə Britaniya və İtaliya yarışlarında tamaşaçıların rəğbətini qazanmışdı.

Sürücülərin cərimə balları

Çində stüardlar Markus Erikssona 3, Maks Ferstappen və Pyer Qasliyə isə 2 cərimə balı verilib. Növbəti yarış ərəfəsində keçən il Bəhreyndə verilən cərimə balları silinəcək –Karlos Saynsın balları iki dəfə azalacaq,Lyuis Həmiltonun adı isə bu siyahıdan çıxacaq.Bu dəyişikliklər statistikada nəzərə alinib.

1. Daniil Kvyat 7
2. Kevin Maqnussen 6
3. Stoffel Vandorn 5
4. Markus Eriksson 5
5. Maks Ferstappen 5
6. Brendon Hartli 4
7. Roman Qrojan 3
8. Felipe Massa 3
9. Serxio Perez 3
10. Sebastyan Fettel 3
11. Kimi Rəykkönen 3
12. Fernando Alonso 2
13. Karlos Sayns 2
14. Censon Batton 2
15. Paskal Verlyayn 2
16. Pyer Qasli 2
17. Daniel Rikiardo 2
18. Lens Stroll 1
19. Niko Hülkenberq 1
20. Colion Palmer 1

Mənbə

• lang=az&sectionid=news&id=3450/ Çin Qran Prisi üçün təkər seçimi təsdiqləndi

• Çin-2018: Birinci sərbəst yürüşlər

• Çin-2018: İkinci sərbəst yürüşlər

• Çin-2018: Üçüncü sərbəst yürüşlər

• Çin-2018: Sıralanma turu

• Çin-2018: Start düzümü

• Çin-2018: Yarış

• Çin-2018: DHL Fastest Pit Stop Award

• Çin-2018: Günün sürücüsü – Daniel Rikkardo