2018 Azərbaycan Qran-prisi

2018 Formula 1 Azərbaycan Qran Prisi — Formula 1 üzrə 3-cü Azərbaycan Qran Prisi.

Bakı Şəhər Halqası

Azərbaycan Qran Prisi üçün təkər seçimi

Mərhələ / Tərkiblər	SuperHard	Hard	Medium	Soft	SuperSoft	UltraSoft	HyperSoft
Markalanma rəngi	Narıncı	Mavi	Ağ	Sarı	Qırmızı	Bənövşəyi	Çəhrayı
Azərbaycan Qran Prisi				Soft	SuperSoft	UltraSoft

Sərbəst yürüşlər

Birinci sərbəst yürüşlər

Birinci sərbəst yürüşlərin qalibi Valtteri Bottas

Sessiyanın əvvəlində asfalta plastik parçası düşüb və marşallardan biri onu dərhal götürüb. Startdan 16 dəqiqə sonra Brendon Hartli 8-ci döngənin girişində səhvə yol verib və təhlükəsizlik zonasına girib. Lakin yenidən trasa qayıdaraq məşqə davam edib.Maks Ferstappen 34-cü dəqiqədə bariyerlə toqquşub və dayanıb. Zərbənin təsirindən sürət qutusu birinci ötürmədə ilişib qalıb və bu, marşalların da işini çətinləşdirib.Maks Ferstappen da təxliyə prossesinə kömək edib. Virtual Təhlükəsizlik Maşını rejimi elan edilib və 4 dəqiqə sonra sessiya normal axarı ilə davam edib. Sürücülərin əksəriyyəti səhvlərə yol verib. Kimi Rəykkönen güc qurğusundakı problemə görə sessiyanın böyük hissəsini itirib. Protokollara Valtteri Bottas başçılıq edib – 1:44.242.

1. Valtteri Bottas 1:44.242
2. Daniel Rikiardo 1:44.277
3. Lyuis Həmilton 1:45.200
4. Esteban Okon 1:45.237
5. Serxio Perez 1:45.422
6. Maks Ferstappen 1:45.559
7. Fernando Alonso 1:46.465
8. Sergey Sirotkin 1:46.480
9. Sebastyan Fettel 1:46.513
10. Lens Stroll 1:46.590
11. Brendon Hartli 1:46.747
12. Niko Hülkenberq 1:46.749
13. Kimi Rəykkönen 1:46.861
14. Şarl Lekler 1:46.875
15. Roman Qrojan 1:46.963
16. Markus Eriksson 1:47.073
17. Pyer Qasli 1:47.368
18. Kevin Maqnussen 1:47.434
19. Stoffel Vandorn 1:47.967
20. Karlos Sayns 1:48.741

İkinci sərbəst yürüşlər

Ikinci sərbəst yürüşlərin qalibi Daniel Rikiardo

Mexaniklər ilk sessiyada qəza edən Maks Ferstappenin maşınını yalnız startdan 20 dəqiqə sonra hazır edə biliblər. Hollandiyalı sürücü bu dəfə də səhvlər edib, üçüncü döngədə təhlükəsizlik zonasına çıxmalı olub.Renault mexanikləri də Niko Hülkenberqin maşını üzərində uzun müddət işləyiblər.Niko bir neçə dövrə vurduqdan sonra maşını yenidən onların ixtiyarına verib, daha sonra isə yenidən trasa qayıdıb və məşqlərə davam edib. Komandalar ənənəyə uyğun olaraq sazlanmaların tapılması və təkərlərin səmərəliliyinin yoxlanılması üzərində işləyiblər. Sürücülər əvvəlcə Soft və SuperSoft təkərlərlə trasa çıxıblar, sonra isə UltraSoft təkərlərə keçiblər. Sessiyanın sonlarında Maks Ferstappen güc qurğusu problemi ilə qarşılaşıb və ona yavaş-yavaş boksa qayıtması tapşırılıb.

1. Daniel Rikiardo 1:42.795
2. Kimi Rəykkönen 1:42.864
3. Maks Ferstappen 1:42.911
4. Valtteri Bottas 1:43.570
5. Lyuis Həmilton 1:43.603
6. Fernando Alonso 1:43.700
7. Esteban Okon 1:43.814
8. Karlos Sayns 1:43.834
9. Kevin Maqnussen 1:43.977
10. Niko Hülkenberq 1:44.091
11. Sebastyan Fettel 1:44.127
12. Serxio Perez 1:44.142
13. Roman Qrojan 1:44.425
14. Lens Stroll 1:44.459
15. Pyer Qasli 1:44.712
16. Şarl Lekler 1:44.940
17. Sergey Sirotkin 1:45.007
18. Brendon Hartli 1:45.051
19. Stoffel Vandorn 1:45.288
20. Markus Eriksson 1:46.042

Üçüncü sərbəst yürüşlər

Üçüncü sərbəst yürüşlərin qalibi Sebastyan Fettel

Asfaltla ilişmə dünənlə müqayisədə daha yaxşı olsa da, bir neçə dəfə sürücülər idarəetməni itirərək trasdan çıxdıqları üçün sarı bayraqlar dalğalandırılıb. Sessiya boyunca UltraSoft təkərlərə üstünlük verilib. Sona 8 dəqiqə qalmış Sergey Sirotkin üçüncü döngədə qəza edib. Sessiya qırmızı bayraqlarla dayandırılıb. Rus sürücünün maşını təxliyə edilərək boksa gətirilib.Fasilə 5 dəqiqə davam edib və sürücülər yenidən boksları tərk ediblər. Onların sadəcə bir sürətli dövrə vurmağa vaxtları çatıb. Protokollara bu dəfə Sebastyan Fettel başçılıq edib – 1:43.091. Geridə qalan üç sessiyada qüvvələr nisbətini bilmək demək olar ki, mümkün olmayıb.

1. Sebastyan Fettel 1:43.091
2. Lyuis Həmilton 1:43.452
3. Kimi Rəykkönen 1:43.493
4. Maks Ferstappen 1:43.519
5. Valtteri Bottas 1:43.569
6. Serxio Perez 1:43.936
7. Kevin Maqnussen 1:43.958
8. Lens Stroll 1:44.123
9. Esteban Okon 1:44.220
10. Sergey Sirotkin 1:44.534
11. Fernando Alonso 1:44.763
12. Daniel Rikiardo 1:44.861
13. Pyer Qasli 1:44.905
14. Şarl Lekler 1:45.218
15. Roman Qrojan 1:45.261
16. Karlos Sayns 1:45.432
17. Niko Hülkenberq 1:45.456
18. Stoffel Vandorn 1:45.505
19. Markus Eriksson 1:45.910
20. Brendon Hartli 1:46.186

Sıralanma turu

Poulun sahibi Sebastyan Fettel

Sessiya 1

Birinci sessiyada bütün sürücülər UltraSoft təkərlərlə trasa çıxıblar.Roman Qrojan ötürmələr qutusunun probleminə görə mübarizəni erkən dayandırıb.Pyer Qasli təkəri deşilmiş komanda yoldaşı Brendon Hartli ilə toqquşmaqdan son anda yayına bilib. Sürücülərin əksəriyyəti trafikə düşüb.Kimi Rəykkönen protokollara başçılıq edib – 1:42.538.Stoffel Vandorn,Markus Eriksson,Toro Rosso və Roman Qrojan növbəti sessiyaya keçə bilməyiblər.

Sessiya 2

İkinci sessiyada top komandaların sürücüləri SuperSoft təkərlərlə trasa çıxaraq sabahkı yarışa nisbətən sərt tərkiblə başlamağa qərar veriblər.Lyuis Həmilton SuperSoft-la hamıdan sürətli olub, ikinci cəhdində UltraSoft təkərə keçən Kimi Rəykkönen onu üstələyib – 1:42.510.Lens Stroll, Sergey Sirotkin,Fernando Alonso,Lekler və Kevin Maqnussen mübarizəni dayandırıblar.

Sessiya 3

Son sessiyada Renault sürücüləri işlənmiş, digərləri isə yeni UltraSoft təkərlərlə trasa çıxıblar.Sebastyan Fettelin ilk cəhdi mükəmməl alınıb – 1.41.498.Lyuis Həmilton ikinci cəhdində nəticəsini yaxşılaşdırıb, lakin çempionatdakı əsas rəqibinə cüzi uduzub. İlk iki sektorun rekordu ilə gedən Kimi Rəykkönen 16-cı döngədə ciddi səhvə yol verərək poul qazanmaq şansını əldən verib.Sebastyan Fettel bu mövsüm üçüncü, karyerasında 53-cü poulunu əldə edib.Lyuis Həmilton ikinci,Valtteri Bottas isə üçüncü yerləri tutublar.

Start düzümü

Start düzümünü sıralanma turunun protokolundan fərqləndirən yeganə amil Niko Hülkenberqin ötürmələr qutusunu vaxtından əvvəl dəyişdiyi üçün beş yer itirməsi olub. Sıralanma turunda ən yaxın rəqibinə 12 saniyə uduzan Brendon Hartli və nəticə göstərməyən Roman Qrojan stüardların qərarı ilə starta buraxılıblar.

1. Sebastyan Fettel 1:41.498
2. Lyuis Həmilton 1:41.677
3. Valtteri Bottas 1:41.837
4. Daniel Rikiardo 1:41.911
5. Maks Ferstappen 1:41.994
6. Kimi Rəykkönen 1:42.490
7. Esteban Okon 1:42.523
8. Serxio Perez 1:42.547
9. Karlos Sayns 1:43.351
10. Lens Stroll 1:43.585
11. Sergey Sirotkin 1:43.886
12. Fernando Alonso 1:44.019
13. Şarl Lekler 1:44.074
14. Niko Hülkenberq 1:43.066
15. Kevin Maqnussen 1:44.759
16. Stoffel Vandorn 1:44.489
17. Pyer Qasli 1:44.496
18. Markus Eriksson 1:34.914
19. Brendon Hartli 1:57.354
20. Roman Qrojan -:-:-

Yarış

Qalib Lyuis Hemilton

Sebastyan Fettel əla start alaraq rəqiblərinə hücum şansı verməyib.Esteban Okon Kimi Rəykkönenlə toqquşmadan sonra mübarizəni dayandırıb.Sergey Sirotkin Serxio Perezlə təmas yaşasa da, maşınlara zərər dəyməyib, lakin stüardlar onu cəzalandırıblar. Rus sürücü daha sonra Niko Hülkenberq və Fernando Alonsonun arasında qalıb, təmasda asılqanı qırılıb və yarış onun üçün başa çatıb.Markus Eriksson da Kevin Maqnussenlə insidentə görə 10 saniyə cəzalandırılıb. Təhlükəsizlik Maşını trasa daxil olub. Sağ tərəfdəki hər iki təkəri deşilən Fernando Alonso məcburi pit-stop edib və Soft təkərlərə keçib.Brendon Hartli də təkərlərini dəyişib.Kimi Rəykkönenin maşının ön qanadı yenisi ilə əvəzlənib.5-ci dövrədə restart verilib.Sebastyan Fettel yenə liderliyini qoruyub,Maks Ferstappen və Karlos Sayns Daniel Rikiardonu keçiblər.Sebastyan Fettel 2 dövrə ərzində Lyuis Həmiltonla fərqi 3 saniyəyə çatdırıb. Kimi Rəykkönen bariyerlərlə sürtünüb, lakin maşın zədələnməyib. Hər iki Red Bull sürücüsü ERS sisteminin problemi ilə qarşılaşıblar. Nəticədə 9-cu dövrədə Karlos Sayns Maks Ferstappeni, növbəti dövrədə isə Niko Hülkenberq Daniel Rikiardonu keçib. Alman sürücü dərhal Maks Ferstappenə hücumlar etməyə başlayıb və onu da keçib.Niko Hülkenberq bu dəfə də Bakıdakı yarışı başa vura bilməyib. 11-ci dövrədə bariyerlərlə təmasda araxa sol təkəri zədələyib və mübarizəni dayandırıb.Daniel Rikiardo bir neçə dəfə Maks Ferstappenə hücumlar edib, təkər-təkərə mübarizələr insidentsiz ötüşüb.Pyer Qasli 13-cü dövrədə pit-stop edib,Kimi Rəykkönen Lens Strollu üstələyərək 8-ci yerə yüksəlib. Növbəti dövrələrdə Karlos Sayns və Stoffel Vandorn təkərlərini dəyişiblər.Lens Strollu bu dəfə Serxio Perez keçib.Lyuis Həmilton 23-cü,Lens Stroll 24-cü, Lekler 25-ci dövrədə pit yoluna üz tutublar. İki dövrə sonra Daniel Rikiardo birinci döngədə Maks Ferstappeni keçib, lakin hollandiyalı sürücü ikinci döngədə mövqeyini geri alıb. 31-ci dövrədə Sebastyan Fettel də təkərlərini dəyişib.Daniel Rikiardo nəhayət, Maks Ferstappeni keçib.Daniel Rikiardo 38-ci,Maks Ferstappen isə 39-cu dövrədə UltraSoft təkərlərə keçiblər.Maks Ferstappen trasa komanda yoldaşının önündə qayıdıb. Yarışın 40-cı dövrəsində start düzlüyündə Daniel Rikiardo Maks Ferstappenə hücum edib. Bu zaman toqquşma baş verib və hər iki sürücü mübarizəni dayandırmalı olub. Təhlükəsizlik Maşını bir daha trasa daxil olub.Ferrari və Mercedes sürücüləri dərhal UltraSoft təkərlərə keçiblərSerxio Perez isə SuperSoft-a üstünlük verib.Roman Qrojan 43-cü dövrədə TM arxasında maşını bariyerə vuraraq mübarizəni dayandırıb. Tibbi Maşın və Təxliyə Maşını trasa daxil olub.Roman Qrojan xəsarət almayıb. 47-ci dövrədə restart verilib. Sebastyan Fettel Valtteri Bottasa hücum edərkən əyləcləri çox gec basıb və trasdan bir qədər çıxıb.Lyuis Həmilton və Kimi Rəykkönen dərhal fürsətdən yararlanaraq onu ötüblər.Fernando Alonso isə Lens Strollu qabaqlayaraq daha bir mövqe qazanıb. Təkərləri yeyilən Sebastyan Fettel Serxio Perez tərəfindən də keçilib. 49-cü dövrədə daha bir gözlənilməz hadisə baş verib – qələbəyə doğru gedən Valtteri Bottasın arxa sağ təkəri start düzlüyündə deşilib və finlandiyalı sürücü üçün yarış başa çatıb.Lyuis Həmilton mövsümdə və Azərbaycanda ilk, karyerasında 63-cü qələbəsini əldə edib. Xatırladaq ki,Lyuis Hemilton son qələbəsini keçən il ABŞ- da qazanmışdı. O, həm də sürücülər çempionatında liderliyə yüksəlib.Kimi Rəykkönen ikinci yeri tutub,Serxio Perez isə yenə də Bakıda podiuma yüksələ bilib – hər üç sürücü mövsümün ilk dörd yarışındakı ən yaxşı nəticələrini əldə ediblər. Lekler və Brendon Hartli karyeralarında ilk xallarını qazanıblar.Lens Stroll da komandasının bu mövsümdəki xal hesabını açıb.

Nəticə

1. Lyuis Həmilton Mercedes
2. Kimi Rəykkönen Ferrari
3. Serxio Perez Force India
4. Sebastyan Fettel Ferrari
5. Karlos Sayns Renault
6. Şarl Lekler Sauber
7. Fernando Alonso McLaren
8. Lens Stroll Williams
9. Stoffel Vandorn McLaren
10. Brendon Hartli Toro Rosso
11. Markus Eriksson Sauber
12. Pyer Qasli Toro Rosso
13. Kevin Maqnussen Haas
14. Valtteri Bottas Mercedes

Mübarizəni dayandıranlar

1. Roman Qrojan Haas
2. Daniel Rikiardo Red Bull
3. Maks Ferstappen Red Bull
4. Niko Hülkenberq Renault
5. Sergey Sirotkin Williams
6. Esteban Okon Force India

Günün sürücüsü

Günün sürücüsü – Şarl Lekler

Sıralanma turunda 14-cü olan, Niko Hülkenberqin yer itirməsinə görə yarışa 13-cü yerdən başlayan, finiş xəttini altıncı keçərək karyerasında ilk xallarını qazanan Sauber-in debütant sürücüsü [[Şarl Lekler]] “Günün Sürücüsü” seçilib. Monakolu sürücü ilk dəfədir ki, bu ada layiq görülür.

DHL Fastest Pit Stop Award

DHL Fastest Pit Stop Award qalibi Williams

Bakıda ən sürətli pit- stopu Williams mexanikləri ediblər – onlar Lens Strollun maşınına 2.18 saniyə ərzində xidmət göstəriblər ki, bu da mövsümün rekordundan cəmi 0.03 saniyə yavaşdır.Red Bull komandası yarışda xal qazana bilməsə də, ən yaxşı pit-stoplar siyahısında ikinci və üçüncü yerləri tutub. Avstriyalılar bu reytinqdə liderliklərini davam etdirə biliblər. Növbəti yerləri Ferrari və Mercedes komandaları tuturlar.

1. Red Bull 101
2. Ferrari 71
3. Mercedes 63
4. Williams 56
5. Force India 37
6. Sauber 24
7. Toro Rosso 20
8. Renault 13
9. Haas 11
10. McLaren 8

Sürücülərin cərimə balları

Serxio Perez, Kevin Maqnussen,Markus Eriksson və Sergey Sirotkin 2 balla cərimələniblər.Kevin Maqnussen hazırda aktivində ən çox bal olan sürücüdür, lakin növbəti yarış ərəfəsində və bu müddətdə danimarkalı sürücünün 1 balı silinəcək. Stoffel Vandorn da keçən il Rusiyada hesabına yazılan 1 baldan azad olacaq.Bu dəyişiklikləri cədvəldə nəzərə alinib.

1. Daniil Kvyat 7
2. Kevin Maqnussen 7
3. Markus Eriksson 7
4. Serxio Perez 5
5. Maks Ferstappen 5
6. Brendon Hartli 4
7. Stoffel Vandorn 4
8. Felipe Massa 3
9. Roman Qrojan 3
10. Sebastyan Fettel 3
11. Kimi Rəykkönen 3
12. Fernando Alonso 2
13. Karlos Sayns 2
14. Censon Batton 2
15. Paskal Verlyayn 2
16. Pyer Qasli 2
17. Daniel Rikiardo 2
18. Sergey Sirotkin 2
19. Niko Hülkenberq 1
20. Colion Palmer 1
21. Lens Stroll 1

Maraqlı statistika

SIRALANMA TURU

• Sebastyan Fettel mövsümdə ardıcıl üçüncü, karyerasında 53-cü poulunu qazanıb. O, həm

də ilk cərgədən start almaq sayına görə (87) Ayrton Sennaya çatıb.

• Bakı Şəhər Halqası Sebastyan Fettelin poul qazandığı 23-cü, ilk cərgədən yarışa başladığı

26-cı tras olub.

• Bakı Şəhər Halqası Ferrari komandasının azı bir poul qazandığı 49-cu tras olub.

• Sıralanma turunda ikinci olan Lyuis Həmilton 120-ci dəfə yarışa ilk cərgədən başlayıb.

Britaniyalı sürücü bu göstəriciyə görə mütləq liderdir.

• Valtteri Bottas ardıcıl üçüncü yarışda üçüncü yerdən start alıb.

• Sıralanma turunda altıncı olan Kimi Rəykkönen

2016-cı ildə Meksika Qran Prisindən bəri ən pis nəticəsini əldə edib. O, keçən il Yaponiyadakı yarışa 10-cu yerdən start vermişdi, lakin buna səbəb ötürmələr qutusu dəyişdirildiyi üçün 5 yer itirməsi olmuşdu.

YARIŞ

• Son altı ayda (keçənilki ABŞ Qran Prisindən

bəri) ilk dəfə qalib gələn Lyuis Həmilton karyerasında 63-cü qələbəsini qazanıb.

• Lyuis Həmilton Formula 1-də yarışdığı 12-ci mövsümündə də qalib gəlib və çempionat

tarixində buna nail olan yeganə sürücüdür.

• Bakı Şəhər Halqası Lyuis Həmiltonun qələbə qazandığı 25-ci tras olub – britaniyalı sürücü

bu göstəriciyə görə də vahid liderdir.

• Lyuis Həmilton karyerasında 120-ci dəfə podiuma yüksəlib.

• Yarışda ikinci olan Kimi Rəykkönen 29 müxtəlif trasda podiuma yüksəlmiş olub və

Alen Prostun nəticəsini təkrarlayıb. Finlandiyalının aktivində artıq 94 podium var.

• Yarışı üçüncü yerdə başa vuran Serxio Perez 8 dəfə podiuma yüksələn ilk meksikalı sürücü

olub. O,Pedro Rodrigesi üstələyib.

• Finiş xəttini altıncı keçən Şarl Lekler Formula 1 tarixində xal qazanmış ikinci Monakolu sürücü

olub. Digəri isə təbii ki,Lui Şirondur.

• Brendon Hartli çempionatda Kris Amondan sonra xal qazanan ilk yeni zelandiyalı sürücü

olub.

• Yarışın sön dövrələrində lider gedərkən təkəri

partladığı üçün mübarizəni dayandıran Valtteri Bottasın 18 yarışlıq məhsuldar seriyası sona çatıb.

Mənbə

• "PİRELLİ" AZƏRBAYCAN QRAN-PRİSİ ÜÇÜN TƏKƏR SEÇİMİNİ TƏSDİQ EDİB

• Azərbaycan-2018: Birinci sərbəst yürüşlər

• Azərbaycan-2018: İkinci sərbəst yürüşlər

• Azərbaycan-2018: Üçüncü sərbəst yürüşlər

• Azərbaycan-2018: Sıralanma turu

• Azərbaycan-2018: Start düzümü

• Azərbaycan-2018: Yarış

• Azərbaycan-2018: Günün sürücüsü – Şarl Lekler

• Azərbaycan-2018: DHL Fastest Pit Stop Award

• Azərbaycan-2018: Sürücülərin cərimə balları

• Azərbaycan-2018: Maraqlı statistika