2 ömür (film, 2016-2017)

2 ömür bədii serialı rejissor Ramin Nəbiyev tərəfindən 2016-cı ildə ekranlaşdırılmışdır. Film Xəzər televiziyasında istehsal edilmişdir. Hadisələr 1994-cü ildə baş verir. Serialın süjet xəttini 3 dostun həyat hekayəsi təşkil edir. Filmdə əsas rolları Elşən Rüstəmov, Əbdülqəni Əliyev, Əjdər Zeynalov, Əzizağa Əzizov, Flora Hüseynova, Çingiz Mütəllimov, Həcər Ağayeva, Leyli Vəliyeva, Mələk Kazımova, Məsumə Babayeva və Natavan Hacıyeva ifa edirlər.

2 ömür
2 ömür
Janr	dram
Rejissor	Ramin Nəbiyev
Ssenari müəllifi	Valeh Əhmədov
Baş rollarda	Elşən Rüstəmov Əbdülqəni Əliyev Əjdər Zeynalov Flora Hüseynova Həcər Ağayeva Leyli Vəliyeva Mələk Kazımova Məsumə Babayeva Natavan Hacıyeva Rəşad Səfərov
Operator	Əhməd Barasov
Bəstəkar	Bəbir Bəbirli
Rəssam	Elnarə Səfərova
İstehsalçı	Xəzər televiziyası
İlk baxış tarixi	2016
Filmin digər adı	İki ömür
Filmin növü	bədii serial
Müddət	70-85 dəq.
Ölkə	Azərbaycan
Dil	azərbaycanca
İl	2016-2017
Bölüm sayı	15 seriya
Rəng	rəngli

Məzmun

Hadisələr 1994-cü ildə baş verir. Serialın süjet xəttini 3 dostun həyat hekayəsi təşkil edir.

1994-cü il. Nail (Əbdülqəni Əliyev), Sahib (Elşən Rüstəmov) və Rəfael (Əjdər Zeynalov) üç dostdurlar. Sahiblə Rəfaelin həyat yoldaşları hamilədirlər. Nail isə həyat yoldaşı Mirvari (Leyli Vəliyeva) ilə uzun müddətdir ki, uşaq üzünə həsrətdirlər. Onların bu həsrəti, vaxt keçdikcə paxıllıq və həsədə çevrilib. Onlar birlikdə plan qururlar. Sahiblə Səhərin (Həcər Ağayeva) övladı dünyaya gələn gün Nail həkimə (Mehriban Hüseynova) pul verərək onların övladını başqasıyla dəyişdirir. Digər "dostu" Rəfaelin isə həyat yoldaşı Kəmalə (Flora Hüseynova) əkiz övlad dünyaya gətirir. Eyni gün Nail həkimin köməyi ilə Rəfaelin də uşaqlarını əlindən alır; həkim birini başqasına satır, digərini isə Nailin özü övladlığa götürür. Rəfaelə isə uşaqların doğulandan sonra öldüyünü bildirirlər. Əlbəttə, bu işlərin hamısını pul müqabilində həkim həyata keçirir. Rəfael ağır stress keçirir, içkili halda arvadını bıçaqlayıb həbsxanaya düşür.

Artıq 2016-cı ildir. Baş verən hadisələr nəticəsində illər boyu gizli qalan sirrin üstü yavaş-yavaş açılmağa başlayır və hadisələr öz məcrasını dəyişir. Dəniz (Yeganə Orucova) aldığı travma nəticəsində xəstəxanaya düşür və Sahib Dənizin onun qızı olmadığını öyrənir. Sahib doğma qızının axtırışına çıxır...

Filmin üzərində işləyənlər

Ssenarist: Valeh Əhmədov
Rejissor: Ramin Nəbiyev
Operator: Əhməd Barasov
Rəssam: Elnarə Səfərova
Bəstəkar: Bəbir Bəbirli

Rollarda

Elşən Rüstəmov — Sahib
Əbdülqəni Əliyev — Nail
Əjdər Zeynalov — Rəfael
Əzizağa Əzizov — Azad
Flora Hüseynova — Kəmalə
Çingiz Mütəllimov — Pərviz
Həcər Ağayeva — Səhər
Leyli Vəliyeva — Mirvari
Mələk Kazımova — Aylin
Məsumə Babayeva — Zemfira
Natavan Hacıyeva — Natavan
Rəşad Səfərov — Şadman
Toğrul Rza — Fərhad
Tural Ağayev — Nemət
Türkay Cəfərli — Davud
Valeh Əhmədov — Mərdan
Yeganə Orucova — Dəniz
Zəfər Hüseynzadə — Yunis
Zülfiyyə Qurbanova — Şəfa

Həmçinin bax

Azərbaycan filmlərinin siyahısı
2016-cı ilin Azərbaycan filmləri
2010-cu illər Azərbaycan filmlərinin siyahısı