72 km qısametrajlı bədii filmi rejissor Səmimi Fərhad tərəfindən 2014-cü ildə ekranlaşdırılmışdır. Film "Nano Group Production"da istehsal edilmişdir. Film Laçın rayonunun işğalının 22-ci ildönümünə həsr olunub.[2] Filmdə əsas rolları Eldar İmanov, Türkay Cəfərli, Lətifə Əliyeva, Tofiq BayramovAğalar Bayramov ifa edirlər.

72 km
72 kilometr
72 km (film, 2014).jpg
Janr qısametrajlı
dram
Rejissor Səmimi Fərhad
Ssenari müəllifi Səmimi Fərhad
Ziyadxan Məmmədov
Baş rollarda Eldar İmanov
Türkay Cəfərli
Lətifə Əliyeva
Tofiq Bayramov
Ağalar Bayramov
Operator Hikmət Şahverdiyev
İstehsalçı "Nano Group Production"
İlk baxış tarixi 17 may 2014, Bakı, Beynəlxalq Mətbuat Mərkəzi[1]
Filmin növü qısametrajlı bədii film
Rəng rəngli
Vaxt 15 dəq.
Ölkə Azərbaycan Azərbaycan
Dil azərbaycanca
İl 2014

MəzmunRedaktə

Filmin sujet xəttində Qarabağ müharibəsi zamanı  atasını itirən bir gəncin vətənli günlərinin xatirəsindən yaranan vətənə qayıtmaq arzusu və köçkünlükdən sonra gördüyü bir simada bu arzunun yaratdığı daxili burulğan əsas mövzu kimi seçilmişdir. 

Ramiz Qusarçaylının müəllifi olduğu və Xatirə Laçın tərəfindən filmə uyğunlaşdırılan "Qaytarın  geri!" şeirinin obrazların ifasında səslənməsi və kompozisiyanın sonunda Ehtiram Hüseynovun ifasında səslənən "Qarabağ şikəstəsi" sanki savaş cəngisidir. "72 km" məsafədən ruhən o torpaqlara səyahət  edən  obrazlar, filmi  izləyənləri də özləriylə bərabər bu səfərə bir daha yoldaş edir.[3].

Film Qarabağ uğrunda canından keçən şəhidlərimizin ruhuna ithaf olunur.

Film haqqındaRedaktə

  • Facebook sosial şəbəkəsindəki "Laçın və laçınlılar" qrupunun idarəçilərinin təşəbbüsü və Qarabağ Müharibəsi Əlilləri, Veteranları və Şəhid Ailələri İctimai Birliyinin Laçın rayon şöbəsinin maliyyə dəstəyi ilə ərsəyə gələn filmin rejissoru Səmimi Fərhaddır.
  • Filmdə səslənən musiqinin aranjımançısı Vüqar Camalzadə, balabanda ifa edən Əlixan Səmədov, ifalar isə Akif İslamzadəEhtiram Hüseynova məxsusdur.
  • Filmin çəkilişlərinə İbrahim Mirzəyev, Ziyadxan Məmmədov, Xatirə Laçın, Siyavuş Əmirli, Ramil Cəbrayıl, Elçin Bəbirov, həmçinin, Qarabağ Müharibəsi Əlilləri, Veteranları və Şəhid Ailələri İctimai Birliyinin Laçın rayon şöbəsi köməklik etmişlər.
  • Filmin sponsuru Qarabağ Müharibəsi Əlilləri, Veteranları və Şəhid Ailələri İctimai Birliyinin Laçın rayon şöbəsidir.

Filmin təqdimatıRedaktə

2014-cü il mayın 17-də Beynəlxalq Mətbuat Mərkəzində "72 kilometr" adlı qısametrajlı filmin təqdimatı olmuşdur.[4]

Filmin üzərində işləyənlərRedaktə

Ssenarist: Səmimi Fərhad, Ziyadxan Məmmədov
Operator: Hikmət Şahverdiyev

RollardaRedaktə

Eldar İmanov
Türkay Cəfərli
Lətifə Əliyeva
Tofiq Bayramov
Ağalar Bayramov
Günel Niftəliyeva
Zarina Qurbanova
Arslan Fərhad
Səmimi Fərhad

İstinadlarRedaktə

  1. "Laçının işğalının 22-ci ildönümünə həsr olunmuş film çəkilib" (azərb.). Press Forum. 2014.05.19 - 18:54. İstifadə tarixi: 2014-05-26.
  2. "72 KM – Laçın rayonunun işğal edilməsinə həsr edilmiş film (2014)-VİDEO" (azərb.). Qartal İnformasiya Agentliyi. 17.05.2014 - 17:40. İstifadə tarixi: 2014-05-20.
  3. Günel İsmayılova (17.05.2014 23:38). "Beynəlxalq  Mətbuat  Mərkəzində "Nano Group Production"ın  məhsulu  olan "72 km" qısametrajlı  filmin təqdimatı  keçirilib" (azərb.). xalqxeber.az. İstifadə tarixi: 2014-05-20.
  4. "Laçının işğalının 22-ci ildönümünə həsr olunmuş film çəkilib" (azərb.). Press Forum. 2014.05.19 - 18:54. İstifadə tarixi: 2014-05-26.

Həmçinin baxRedaktə

Azərbaycan filmlərinin siyahısı
2014-cü ilin Azərbaycan filmləri
2010-cu illər Azərbaycan filmlərinin siyahısı

Xarici keçidlərRedaktə