Ağıllı üzük
Ağıllı üzük (ing. Smart ring) — mobil texnologiyanı yolda rahat istifadə üçün funksiyalarla birləşdirən yığcam geyilə bilən elektron cihaz. Ağıllı saatlar və digər geyilə bilən texnologiyalarla müqayisədə, ağıllı üzüklər daha kompakt və gizli bir alternativ təqdim edir.
Xüsusiyyətləri
redaktəAğıllı üzüklər kiçik sensorlarla təchiz olunmuşdur. Bu, onların müxtəlif funksiyalar yerinə yetirməsinə imkan verir. Bəzi üzüklər istifadəçinin ürək döyüntüsünü, qan təzyiqini və digər sağlamlıq göstəricilərini izləyir. Digər üzüklər aktivlik səviyyələrini izləmək, yuxu keyfiyyətini təhlil etmək və ümumi sağlamlıq vəziyyətini qiymətləndirmək kimi inkişaf etmiş xüsusiyyətlərə malikdir. Bundan başqa, bəzi ağıllı üzüklər telefon zəngləri və mesajları kimi bildirişləri göstərmə funksiyasına sahibdir. Bu, istifadəçilərə telefonlarına toxunmadan vacib məlumatlara daxil olma imkanı verir. Ağıllı üzüklər həmçinin, şəkil və video çəkmək, səsli əmrlərlə cihazları idarə etmək və hətta ağıllı ev cihazlarını nəzarət etmək kimi əlavə imkanlar da təklif edir.[1][2]
Sağlamlıq
redaktəAğıllı üzüklərin əsas funksiyalarından biri sağlamlıq izləməsidir. Bu cihazlar ürək döyüntüsünü, qan təzyiqini, aktivlik səviyyələrini izləyərək istifadəçiyə sağlamlıq vəziyyəti barədə real vaxt rejimində məlumat verir. "Oura Ring" və "Amazfit Helio Ring" kimi nümunələr bədən hərəkətlərini izləyərək fiziki fəaliyyət, yuxu rejimi və stress səviyyələri barədə detallı məlumat təqdim edir. Bu məlumatlar istifadəçiyə daha sağlam həyat tərzi sürməyə və məqsədlərinə daha sürətli çatmağa kömək edir.[3][4][5]
İnteqrasiya
redaktəAğıllı üzüklər digər texnoloji cihazlarla birləşərək müxtəlif funksiyalar təklif edir. Məsələn, ağıllı üzüklər, smartfonlar, ağıllı ev cihazları ilə inteqrasiya edilə bilər. Evin işıqlarını söndürmək, telefon zənglərinə cavab vermək və ya digər ağıllı cihazları nəzarət etmək mümkündür. Bəzi ağıllı üzüklər təhlükəsizlik məqsədilə istifadə edilə bilər. Yüksək təhlükəsizlik xüsusiyyətlərinə malik olan bəzi üzüklər istifadəçi məlumatlarını qorumağa kömək edir və şəxsiyyət oğurluğunun qarşısını alır.[6]
İstinadlar
redaktə- ↑ "Ağıllı üzük təqdim olunacaq". Oxu.az.
- ↑ "Samsung ağıllı üzük təqdim etdi • Megamart.az". www.megamart.az.
- ↑ "Learn how Oura ring works | Go inside | Oura Ring". Oura Ring (ingilis). 2020-01-24 tarixində arxivləşdirilib. İstifadə tarixi: 2018-11-27.
- ↑ "Motiv Ring | 24/7 Smart Ring | Fitness + Sleep Tracking | Online Security Motiv Ring". Motiv (ingilis). 2020-08-17 tarixində arxivləşdirilib. İstifadə tarixi: 2018-11-27.
- ↑ "Review:Oura Ring". WIRED (ingilis). 2022-04-18 tarixində arxivləşdirilib. İstifadə tarixi: 2021-11-11.
- ↑ "Motiv Introduces a New Simple Solution to Online Security". 2019-02-03 tarixində arxivləşdirilib. İstifadə tarixi: 2018-12-05.