Ağadadaş Qurbanov

Ağadadaş Qurban oğlu Qurbanov (8 mart 1911(1911-03-08), Bakı22 iyun 1965(1965-06-22), Salyan, Azərbaycan SSR) — Azərbaycan teatr və kino aktyoru, Azərbaycan Dövlət Gənc Tamaşaçılar Teatrının banilərindən biri, həm faciə, həm dram, həm də komediya janrlı tamaşaların ifaçısı.[1][2]

Ağadadaş Qurbanov
Ağadadaş Qurban oğlu Qurbanov
Ağadadaş Qurbanov.JPG
Doğum tarixi
Doğum yeri Bakı, Bakı qəzası, Bakı quberniyası, Rusiya İmperiyası
Vəfat tarixi (54 yaşında)
Vəfat yeri Salyan, Azərbaycan SSR, SSRİ
Dəfn yeri I Fəxri Xiyaban
Milliyyəti azərbaycanlı
Vətəndaşlığı Rusiya İmperiyası Rusiya İmperiyası
Azərbaycan AXC
SSRİ SSRİ
Həyat yoldaşı Gülxar Həsənova
Uşağı Hamlet Qurbanov
Firəngiz Qurbanova
Gülşən Qurbanova
Fəaliyyəti aktyor
Fəaliyyət illəri 1927–1965
Amplua Dram
Teatr Azərbaycan Dövlət Gənc Tamaşaçılar Teatrı
(1927–1952);
Azərbaycan Dövlət Akademik Milli Dram Teatrı (1952–1965)
Mükafatları "Azərbaycan SSR xalq artisti" fəxri adı — 1954 "Azərbaycan SSR əməkdar artisti" fəxri adı — 1938

HəyatıRedaktə

Ağadadaş Qurbanov 1911-ci il mart ayının 8-i Bakıda anadan olmuşdur. 15 mart 1927-ci ildə Lətif Kərimlinin müəllifi olduğu "Fırtına" pyesi "Dənizçilər klubu"nda Ağadadaş Qurbanov və məktəblilər tərəfindən tamaşaya qoyulmuşdu. Bununla da Gənc Tamaşaçılar Teatrının (Bakıda Fəhlə Uşaqlar Teatrı) bünövrəsi qoyuldu. Aktyor həmin vaxtdan 1952-ci ilədək Gənc Tamaşaçılar Teatrında, 1952-ci ildən ömrünün sonunadək isə Azərbaycan Dövlət Milli Dram Teatrında fəaliyyət göstərmişdir.[1][2]

Ağadadaş Qurbanov Gənc Tamaşaçılar Teatrında böyüklər üçün nəzərdə tutulan Cəfər Cabbarlının "Aydın" pyesində Aydın, Fridrix Şillerin "Qaçaqlar" pyesində Karl Moor, Mirzə Fətəli Axundzadənin "Molla İbrahimxəlil kimyagər" komediyasında Molla İbrahimxəlil, Nikolay Qoqolun "Müfəttiş" komediyasında Xlestakov, Nəcəf bəy Vəzirovun "Hacı Qəmbər" komediyasında Hacı Qəmbər, Rabindranat Taqorun "Qaneşin yolu" hekayəsi əsasında "Əfilər" pyesində Qaneş obrazını canlandırmışdır.[1][2]

Aktyor Azərbaycan Dövlət Milli Dram Teatrında Allan ("Ailə namusu", Hüseyn Muxtarov), Mirzə Səməndər, Əbu Übeyd, Ötgün ("Almaz", "Od gəlini" və "Dönüş", Cəfər Cabbarlı), Şeyx Mərvan və Şeyx Sənan, Səyavuş ("Şeyx Sənan" və "Səyavuş", Hüseyn Cavid), Kamillo ("Qış nağılı", Vilyam Şekspir), İbrahim xan və Vaqif ("Vaqif", Səməd Vurğun), Professor Mudrov ("Şirvan gözəli", Ənvər Məmmədxanlı), Şults ("Uzaq sahillərdə", İmran Qasımov və Həsən Seyidbəyli), İvanov ("Göz həkimi", İslam Səfərli), Dəmirçi Musa ("Toy", Sabit Rəhman), Yəhudi ("Mariya Tüdor", Viktor Hüqo) rollarını ifa etmişdir.[1][2]

Ağadadaş Qurbanov bir sıra filmlərdə də rol almışdır. Belə ki, aktyor 1941-ci ildə Abbasqulu Ağa Bakıxanov rolu ilə "Səbuhi" filmində rol almışdır. Həmçinin "Zəncirlənmiş adam" filmində Alvardo, "Bir qalanın sirri" filmində Usta, "Qızmar günəş altında" filmində professor, "Koroğlu" filmində Həsən xan, "Telefonçu qız" filmində Zakirin atası, "Bizim küçə" filmində isə Bəhram rolunu ifa etmişdir.[1][2]

AiləsiRedaktə

Ağadadaş Qurbanov Xalq artisti Gülxar Həsənova ilə ailəli olmuşdur. Aktyor Hamlet Qurbanovun və aktrisa Gülşən Qurbanovanın, kino rəssamı Firəngiz Qurbanovanın atasıdır.[1]

VəfatıRedaktə

"Arşın mal alan" filmində Soltan bəy roluna çəkilən aktyor kinolentinin tamamlandığı ərəfədə Salyanda qastrolda idi. Mehmanxananın eyvanına çıxanda qəfildən eyvan uçub və Ağadadaş Qurbanov 25 iyun 1965-ci ildə faciəli şəkildə həlak olub. Bakıda Fəxri xiyabanda dəfn olunub.[1]

MükafatlarıRedaktə

Ağadadaş Qurbanov 17 iyun 1943-cü ildə Azərbaycan Respublikasının Əməkdar artisti, 27 fevral 1954-cü ildə isə Xalq artisti fəxri adlarına layiq görülmüşdür.[1][2]

FilmoqrafiyaRedaktə

  1. Səbuhi (film, 1941)
  2. Şamdan bəy (film, 1956)
  3. Qızmar günəş altında (film, 1957)
  4. Bir qalanın sirri (film, 1959)
  5. Koroğlu (film, 1960)
  6. Bizim küçə (film, 1961)
  7. Telefonçu qız (film, 1962)
  8. Zəncirlənmiş adam (film, 1964)
  9. Arşın mal alan (film, 1965)
  10. Yun şal (film, 1965)

İstinadlarRedaktə

  1. 1 2 3 4 5 6 7 8 "Ömür bitir, amma səhnədə həyat davam edir..." (Azərbaycan). 5-11-2012 tarixində arxivləşdirilib. İstifadə tarixi: anl.az.
  2. 1 2 3 4 5 6 "Ağadadaş Qurbanov" (Azərbaycan). anl.az. 20-5-2021 tarixində arxivləşdirilib.