Babayev Ağaddin Abdulla oğlu — jurnalist, yazıçı, publisist, tərcüməçi, dramaturq, teatrşünas, şair, 2009-cu ildən Azərbaycan Yazıçılar Birliyinin üzvü, 1990-cı ildən Azərbaycan Jurnalistlər Birliyinin üzvü, 1987-ci ildən Azərbaycan Teatr Xadimləri İttifaqının üzvü.

Ağaddin Babayev
Ağaddin Abdulla oğlu Babayev
AgADDIN bABAYEV.JPG
Doğum tarixi (64 yaş)
Doğum yeri Azərbaycan Azərbaycan SSR, Lənkəran rayonu, Şağlaser
Vətəndaşlığı Azərbaycan Azərbaycan
Uşaqları Vuqar, Aqşin
Atası Abdulla
Milliyyəti Azərbaycanlı
İxtisası Azərbaycan Dövlət Mədəniyyət və İncəsənət Universiteti, teatrşünas
Təhsili Ali
Fəaliyyəti jurnalist, yazıçı, tərcüməçi, dramaturq, teatrşünas, şair
Fəaliyyət illəri "Lənkəran" qəzeti redaksiyası, APA İnformasiya Agentliyi, Lənkəran Dövlət Dram Teatrı
Mükafatları "Qızıl Qələm" media mükafatı laureatı

HəyatıRedaktə

Ağaddin Babayev 15 mart 1956-cı ildə Lənkəran rayonunun Şağlaser kəndində anadan olub. 1972-ci ildə Şağlaser kənd orta məktəbini bitirib. 1979-cu ildə Azərbaycan Dövlət Mədəniyyət və İncəsənət Universitetinin teatrşünaslıq fakültəsinə daxil olub və 1985-ci ildə oranı bitirib. 1974-1976-cı illərdə həqiqi hərbi xidmətdə olub. 1972-ci ildən əmək fəaliyyətinə başlayıb. Lənkəranın keçmiş Lenin adına sovxozunda fəhlə, Bakıda "Qırmızı Ulduz" İstilik-Elektrik Stansiyasında qazanxana maşinisti, Bakının Nərimanov rayon kommunal təsərrüfatı şöbəsində fəhlə və briqadir, Nəcəf bəy Vəzirov adına Lənkəran Dövlət Dram Teatrında ədəbi hissə müdiri, "Lənkəran" qəzeti redaksiyasında müxbir və şöbə müdiri, "Bakinskiy Raboçiy" qəzeti redaksiyasında xüsusi müxbir, APA İnformasiya Agentliyinin və APA TV-nin cənub bürosunun rəhbəri vəzifələrində çalışıb.

A.Babayev həmçinin pedaqoji fəaliyyətlə də məşğul olub. Uzun müddət Lənkəranın Şağlaser və Xarxatan kənd tam orta məktəblərində Azərbaycan dili və ədəbiyyatı fənlərini tədris edib.

Hazırda o, əmək fəaıiyyətini Lənkəran Dövlət Dram Teatrında ədəbi-dram hissə rəhbəri və "Lənkəran" qəzeti redaksiyasında şöbə müdiri kimi davam etdirir.

A.Babayev qırx ildən çoxdur ki, bədii yaradıcılıqla məşğuldur. Hekayə, pyesşeirləri, habelə rus və dünya ədəbiyyatından tərcümələri müxtəlif almanaxlarda, mətbu orqanlarında dərc olunub. Bir neçə pyesi və tərcüməsi Lənkəran və Mingəçevir Dövlət Dram Teatrlarında tamaşaya qoyulub. İki kitab müəllifidir. Bir sıra məqalə müsabiqələrinin, o cümlədən dəfələrlə Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun elan etdiyi yazı müsabiqələrinin qalibi olub.[1] [2]

KitablarıRedaktə

  • 1."Мои собеседники" (сборник публицистических статей), Баку, издательство "Ганун", 2002
  • 2."От нашего корреспондента" (сборник публицистических статей), Баку, издательство "Ганун", 2009

İstinadlarRedaktə

  1. Ağaddin Babayev CTV Bu Səhərin Qonağı
  2. "Ağaddin Babayev » Lenkeran Dovlet Dram Teatri". lddt.info (azərb.). 16 May 2019 tarixində orijinalından arxivləşdirilib. İstifadə tarixi: 16 may 2019.