Ağbəniz (film, 2025)
Disneyin Ağbənizi[3] (ing. Disney's Snow White) və ya sadəcə Ağbəniz (ing. Snow White) — Mark Uebbin rejissorluğu ilə, Qreta Qerviq və Erin Kressida Uilsonun ssenarisi əsasında çəkilmiş, 1937-ci ilin "Ağbəniz və yeddi cırtdan" animasiya filminin (animasiya filmi, 1812-ci ildə Qrimm qardaşları tərəfindən qələmə alınmış eyniadlı alman nağılı əsasında çəkilmişdi) canlı adaptasiyası olan musiqili fentezi filmi. Filmdə Ağbəniz rolu Reyçel Zegler, Qəddar kraliça rolu isə Qal Qadot tərəfindən canlandırılmışdır.
| Ağbəniz | |
|---|---|
| ing. Snow White | |
 Filmin afişası | |
| Janr | musiqili film, fentezi filmi[d], dram filmi, romantik film, macəra filmi |
| Rejissor | Mark Uebb |
| Prodüser | Mark Platt |
| Əsərin müəllifləri | "Ağbəniz və yeddi cırtdan" cizgi filmi əsasında |
| Ssenari müəllifləri |
Qreta Qerviq Erin Kressida Uilson |
| Baş rollarda |
Reyçel Zegler Qal Qadot |
| Operator | Mendi Uolker |
| İstehsalçılar | Walt Disney Pictures[2] |
| Studiya |
Walt Disney Pictures Marc Platt Productions |
| Distribütor | Walt Disney Studios Motion Pictures |
| İlk baxış tarixi | 21 mart 2025 |
| Büdcə | $209 milyon[1] |
| Ölkə |
 ABŞ |
| Dil | ingilis dili |
| İl | 2025 |
| IMDb | ID6208148 |
1937-ci ilin "Ağbəniz və yeddi cırtdan" filminin remeykinin çəkilməsi planı Disney tərəfindən 2016-cı ilin oktyabrında elan edilmiş, Erin Kressida Uilsonun ssenarini yazacağı bildirilmişdir. 2019-cu ilin mayında rejissor kürsüsü üçün Mark Uebblə danışıqlara başlandığı elan edilmiş, həmin ilin sentyabrında isə onun rejissorluğu təsdiqlənmişdir. Əsas çəkilişlər 2022-ci ilin mart-iyul aylarında İngiltərədəki Pinewood Studios-da həyata keçirilmiş, 2024-cü ilin iyununda isə kiçik əlavə çəkilişlər icra olunmuşdur. Film təqdim edilməmişdən əvvəl mübahisələrə səbəb olmuş, baş rol ifaçısı Zeglerin 2023-cü il SAG-AFTRA tətili zamanı açıq-sözlülüyü, əsas hekayədə edilmiş dəyişikliklər, daltonik kastinq, cırtdan personajların cırtdan olmayan aktyorlar tərəfindən canlandırılması tənqid edilmişdir.
"Ağbəniz" filminin Walt Disney Studios Motion Pictures studiyası tərəfindən 21 mart 2025-ci ildə kinoteatrlarda satışa çıxarılacağı gözlənilir.
İstinadlar
redaktə- ↑ McPherson, Chris. "Why Snow White 's Delay Is a Poisoned Apple for Disney's Bottom Line". Collider. November 2, 2023. April 21, 2024 tarixində arxivləşdirilib. İstifadə tarixi: 10 avqust 2024.
$209.3 million (£150.5 million)
- ↑ Ford R. Disney Developing Live-Action 'Snow White' (Exclusive) (ing.). // The Hollywood Reporter / J. Min LA: Penske Media Corporation, 2016. ISSN 0018-3660
- ↑ McClintock, Pamela. "Disney Delays Snow White Amid SAG-AFTRA Strike". The Hollywood Reporter (English). October 27, 2023. October 27, 2023 tarixində arxivləşdirilib. İstifadə tarixi: 10 avqust 2024.