Aşıq Dəmir Gədəbəyli

Aşıq Dəmir Gədəbəyli (Vəliyev Dəmir Allahyar oğlu; 1972, Arabaçı, Gədəbəy rayonu – 18 mart 2020, Bakı) — Azərbaycan aşığı, "Koroğlu havaları"nın mahir ifaçısı.

Aşıq Dəmir Gədəbəyli
Doğum tarixi	1972
Doğum yeri	Arabaçı, Gədəbəy rayonu, Azərbaycan SSR, SSRİ
Vəfat tarixi	18 mart 2020(2020-03-18)
Vəfat yeri	Bakı, Azərbaycan
Vəfat səbəbi	xəstəlik
Fəaliyyəti	aşıq, şair
Üzvlüyü	Azərbaycan Aşıqlar Birliyi

Həyatı

Aşıq Dəmir Gədəbəyli 1972-ci ildə Gədəbəy rayonunun Arabaçı kəndində doğulub. 1986-cı ildə Zamanlı kənd orta məktəbinin 8-ci sinfini bitirmişdir.

Aşıq Dəmir Gədəbəyli 18 mart 2020-ci ildə Bakı şəhərində vəfat edib.

Yaradıcılığı

1986-cı ilə qədər Aşıq İmran Həsənovun yanında şəyird olmuşdur. Aşıq Dəmir İmran Həsənovun sənət keyfiyyətlərini mənimsəmiş, istedadlı aşıq kimi ustadının yanında yetişmişdir.

Zil səsə malik olan sənətkardır. "Koroğlu havaları"nın mahir ifaçısıdır.

Xarici ölkələrdə keçirilən mədəniyyət tədbirlərində iştirak etmişdir.

Aşıq Dəmir Gədəbəyli poetik yaradıcılıqla da məşğul olmuşdur.

Gədəbəy Aşıqlar Ansablının üzvüdür.

Azərbaycan aşıqlarının V və VI qurultaylarının iştirakçısı olmuşdur. I və II Beynəlxalq aşıq festivallarının diplomantıdır.

Filmoqrafiya

• Koroğlu (film, 2003)

Xarici keçidlər

• Asiq Demir, Dastan. — YouTube saytı.