Azərbaycan Demokrat Partiyası
Azərbaycan Demokrat Partiyası və ya qısaca ADP— Azərbaycan Respublikasınının dövlət qeydiyyatından keçmiş siyasi partiyalarından biri.
Azərbaycan Demokrat Partiyası | |
|---|---|
 | |
| Qurucu | Sərdar Cəlaloğlu |
| Quruluş tarixi | 26 yanvar 1991 |
| Qeydiyyat tarixi | 3 fevral 2000 |
| Bölünmə |
Ədalət Partiyası (2001) |
| İdeologiya | Liberal konservatizm |
| Üzv sayı | 10 minə yaxın (2015)[1] |
TarixiRedaktə
26 yanvar 1991-ci ildə 27 nəfərin iştirakı ilə Naxçıvan şəhərində təsis olunub. 17 oktyabr 1991-ci ildə Naxçıvan MR Nazirlər Kabineti tərəfindən qeydə alınıb. Siyasi partiyalar haqqında Azərbaycan Respublikası qanunu qəbul edildikdən sonra Ədliyyə Nazirliyinin Kollegiyası tərəfindən 14 mart 1993-cü ildə qeydə alınmışdır. Həmin il partiyanın Mərkəzi Qərərgahı Bakı şəhərinə köçürülmüşdür. 1994-cü il ADP-nin birinci Qurultayında Sərdar Cəlaloğlu partiyanın sədri seçilmiş və 1994–96-cı illərdə ADP-nin ilk sədri olmuşdur. 1 sentyabr 1995-ci ildə ADP-nin Ədliyyə Nazirliyi partiyanın qeydiyyatını ləğv etmişdir. 3 fevral 2000-ci il tarixdə ADP dövlət qeydiyyatına almışdır.
BirləşməRedaktə
1996-cı il martın 30-da keçmiş Baş Prokuror və Ədliyyə Naziri İlyas İsmayılovun rəhbərlik etdiyi Ədalət Partiyası, 1998-ci ildə eks spiker Rəsul Quliyevin rəhbərlik etdiyi "Beynəlxalq Demokratiya və Ekologiya Fondu", Demokratik Azərbaycan Partiyası, 2000-ci ildə isə Demokratik Yol Partiyası ADP-yə birləşib.
Azərbaycanın siyasi tarixində ilk dəfə olaraq 1998–99-cu illərdə Parlamentdəki hakim partiya olan YAP-ın beş üzvü və bir bitərəf deputat ADP-yə keçmişdir.
2013–2014-cü illərdə Vətəndaş və İnkişaf Partiyası və ADP arasında razılaşma əldə olunmuş, partiyaların birləşmə qərarı alınmışdı. Qərara əsasən partiya Azərbaycan Demokrat Partiyası adı altında birləşəcək, VİP sədri Əli Əliyev sədr müavini, daha sonra növbəti sədr olacaqdı.[2]Lakin birləşmə gerçəkləşmədi, əvəzində blok tipli birlik razılaşması əldə olundu.
RəhbərlikRedaktə
- Sədr- Sərdar Cəlaloğlu
- Sədrin I müavini – Həsrət Rüstəmov
- Sədrin seçki və hüquq məsələləri üzrə müavini – Taliyət Əliyev
- Sədrin mətbuat və informasiya üzrə müavini – Nurəddin İsmayılov
- Sədrin əlaqələr və humanitar məsələlər üzrə müavini — Daşqın Nuriyev
- Sədrin təşkilati məsələləri üzrə müavini – Nizami Məmmədzadə
- Sədrin maliyyə və təsərrüfat məsələləri üzrə müavini – Zakir Hüseynov
- Sədrin qadınlarla iş üzrə müavini – Nazilə Soltan
- Ali Məclisin sədri – Vaqif Şirinov
- Mərkəzi Nəzarət Təftiş Komissiyasının (MNTK) sədri – Bəhruz Məmmədov
- Sədrin Gənclərlə iş üzrə müavini — Vüsal Əliyev
Partiyanın simvollarıRedaktə
ADP-nin embleminin ideya müəllifi Zöhrab Şamxalovdur. Simvolda doğan günəş fonunda açıq dənizdə 8avar çəkən qayıqçılar təsvir olunub. 8 nəfərlik say Azərbaycan xalqının 8 etnosdan ibarət olmasına işarədir. Günəş sübh çağı yenicə çıxmış günəş rəngindədir. Eyni zamanda simvolda təsvir olunan gəmi Qobustan qayaüstü rəsmlərində təsvir olunan rəsmlərdən götürülüb. Bu da Azərbaycanın qədim yaşayış məskəni olmasına işarədir.[3]
İstinadlarRedaktə
- ↑ https://qafqazinfo.az/news/detail/siyasi-partiyalarin-nece-uzvu-var-sorgu-126014
- ↑ https://mia.az/mobil/104264
- ↑ "Partiyaların simvolları – ARAŞDIRMA". 2009-12-08 tarixində orijinalından arxivləşdirilib. İstifadə tarixi: 2009-12-05.