Azərbaycan Demokrat Partiyası

Azərbaycan Demokrat Partiyası və ya qısaca ADP— Azərbaycanda 26 yanvar 1991-ci il tarixində təsis edilmiş, 17 oktyabr 1991-ci il tarixində Naxçıvan Muxtar Respublikası Nazirlər Kabineti tərəfindən, ilk dəfə 14 mart 1993, ikinci dəfə isə 3 fevral 2000-ci il tarixində olmaqla 2 dəfə Ədliyyə Nazirliyi tərəfindən rəsmi dövlət qeydiyyatına alınmış siyasi partiya.

Azərbaycan Demokrat Partiyası
Qurucu	Sərdar Cəlaloğlu
Quruluş tarixi	26 yanvar 1991
Qeydiyyat tarixi	3 fevral 2000 (2-ci dəfə)
Birləşmə	Ədalət Partiyası (1996) Demokratik Azərbaycan Partiyası(1998) Demokratik Yol Partiyası (1998)
Bölünmə	Demokratik Azərbaycan Partiyası Ədalət Partiyası (2001) Açıq Cəmiyyət Partiyası (2007)
İdeologiya	respublikaçılıq, Mühafizəkarlıq, Demokratiya, Müstəqillik, Etatizm
Üzv sayı	10 minə yaxın (2015)
Parlamentdə	0 / 125 Milli Məclis 0 / 45 Ali Məclis
Bələdiyyədə	0 / 15.156
Saytı	adp-muxalifet.blogspot.com

Tarixi

Yaranması

Azərbaycan Demokrat Partiyası 26 yanvar 1991-ci il tarixinfə Naxçıvan Xalq Cəbhəsi İdarə Heyətinin sabiq üzvü Sərdar Cəlaloğlu daxil olmaqla 28 nəfərin iştirakı ilə Naxçıvan şəhərində təsis olunmuşdur. Partiyanın təsisçiləri aşağıdakı şəxslərdir:

1. Sərdar Cəlaloğlu
2. Sülhəddin Əkbər
3. Nurəddin İsmayılov
4. Meydan Babayev
5. Ramiz Mirzəoğlu

Azərbaycan Demokrat Partiyası 17 oktyabr 1991-ci il tarixində Naxçıvan Muxtar Respublikası Nazirlər Kabineti tərəfindən qeydiyyata alınmışdır. Bundan sonra 25 aprel 1992-ci il tarixində Naxçıvan şəhərində partiyanın I Konfransı keçirilmişdir. Siyasi partiyalar haqqında Azərbaycan Respublikası qanunu qəbul edildikdən sonra isə Ədliyyə Nazirliyinin Kollegiyası tərəfindən Azərbaycan Demokrat Partiyası ilk dəfə 14 mart 1993-cü il tarixində rəsmi dövlət ürydiyyatına alınmışdır. Elə həmin il partiyanın mərkəzi qərərgahı Naxçıvan şəhərindən Bakı şəhərinə köçürülmüşdür.

Bakıya köçən Azərbaycan Demokrat Partiyası 28 iyul və 23 yanvar tarixlərində II və III konfransını keçirmiş və qurultay qərarı almışdır. 7–8 may 1994-cü ildə Azərbaycan Demokrat Partiyasının I Qurultayı keçirilmiş, qurultayda Sərdar Cəlaloğlu partiyanın sədri seçilmişdir.

II Sərdar Cəlaloğlu dövrü (2007-)

2014-cü ildə Vətəndaş və İnkişaf Partiyası Azərbaycan Demokrat Partiyası ilə birləşmək üçün qarşılıqlı təmaslar başlatdı. Təkliflərə əsasən Vətəndaş və İnkişaf Partiyası Azərbaycan Demokrat Partiyasına birləşəcək və partiya sədri Əli Əliyev birləşmiş partiyanın sədr müavini, daha sonra isə növbəti sədri olacaq idi. Lakin yekun nəticədə birləşmə baş tutmamışdır.

Seçki nəticələri

Parlament seçkiləri

Milli Məclis

Seçki	Sədr		Majoritar			Proporsional			Cəmi
			Səs	%	Mandat	Səs	%	Mandat
1995	1 sentyabr 1995-ci il tarixində Azərbaycan Demokrat Partiyasının rəsmi dövlət qeydiyyatı ləğv edilmişdir.
2000	İlyas İsmayılov	Rəsul Quliyev			0 / 100		1.1	0 / 25	0 / 125
2005	Rəsul Quliyev				0 / 125	yoxdur	yoxdur	yoxdur	0 / 125
2010	Sərdar Cəlaloğlu		7,662	0.32	0 / 125	yoxdur	yoxdur	yoxdur	0 / 125
2015	Sərdar Cəlaloğlu		2,746	0.10	0 / 125	yoxdur	yoxdur	yoxdur	0 / 125
2020	Sərdar Cəlaloğlu				0 / 125	yoxdur	yoxdur	yoxdur	0 / 125

Mərkəzi təşkilat

Sədrlər Sədr Başlanğıc tarixi Bitmə tarixi 1 Sərdar Cəlaloğlu 7–8 may 1994 30 mart 1996 2 İlyas İsmayılov 30 mart 1996 25 aprel 1998 Həmsədrlik postu təsis edildi. 3 Rəsul Quliyev 2000 27 may 2007 (1) Sərdar Cəlaloğlu 27 may 2007 Hal-hazırda

Həmsədrlər # Adı Adı Başlama tarixi Bitmə tarixi 1 İlyas İsmayılov Rəsul Quliyev 25 aprel 1998 2000

Sədr müavinləri

#	Adı	Vəzifəsi
1	Həsrət Rüstəmov	Partiya sədrinin birinci müavini
2	Taliyət Əliyev	Partiya sədrinin müavini (seçki və hüquq məsələləri üzrə)
3	Nurəddin İsmayılov	Partiya sədrinin müavini (mətbuat və xalqla əlaqələr üzrə)
4	Nazilə Soltanova	Partiya sədrinin müavini (qadınlarla iş üzrə)
5	Daşqın Nuriyev	Partiya sədrinin müavini (əlaqələr və insan hüquqları üzrə)
6	Kamran Nəsirli	Partiya sədrinin müavini (gənclərlə iş üzrə)
7	Nizami Məmmədzadə	Partiya sədrinin müavini (təşkilati işlər üzrə)

Qurultaylar

Ad	Tarix	Seçilmiş sədr	Namizəd
Təsis Konfransı	26 yanvar 1991	-	-
I Konfransı	25 aprel 1992	-	-
II Konfransı	28 iyul 1993	-	-
III Konfransı	23 yanvar 1994	-	-
I (Təsis) Qurultay	7–8 may 1994	Sərdar Cəlaloğlu	Sərdar Cəlaloğlu
II (Fövqəladə) Qurultay	10 sentyabr 1995
III (Fövqəladə) və IV (Birləşdirici) Qurultay	30 mart 1996	İlyas İsmayılov	İlyas İsmayılov
V (Fövqəladə) Qurultay	25 may 1998
VI (Birləşdirici) Qurultay Səlahiyyətli Konfrans	29 noyabr 1998	Rəsul Quliyev	Rəsul Quliyev
VII Qurultay Səlahiyyətli Konfrans	22 iyun 2003	-	-
VIII Qurultay	23 aprel 2005	Rəsul Quliyev	Rəsul Quliyev
IX Qurultay	27 may 2007	Sərdar Cəlaloğlu	Sərdar Cəlaloğlu
X (Onlayn) Qurultay	1 sentyabr 2020		Sərdar Cəlaloğlu Rəşid Mansurov

Texniki baza

Azərbaycan Demokrat Partiyası qərargah olaraq "Hürriyət" qəzetinin icarəyə götürdüyü binanın bir hissəsini icarəyə götürmüşdür. "Hürriyət" qəzeti əvvəlcə Azərbaycan Xalq Cəbhəsinin Naxçıvan şöbəsinin mətbuat orqanı olmuş və Naxçıvanda nəşr olunmuş, 1992-ci ildən isə Bakı şəhəri Ələşrəf Əlizadə 13 ünvanındakı qərargahı 25 illiyinə dövlətdən icarəyə alaraq Bakıda nəşr olunmağa başlamışdır. Azərbaycan Demokrat Partiyası "Hürriyət" qəzeti ilə birgə hər kvartal üçün aylıq 600 manat icarə haqqı ödəməkdədir.

Rəmzləri

Azərbaycan Demokrat Partiyasının embleminin ideya müəllifi Zöhrab Şamxalovdur. Simvolda doğan günəş fonunda açıq dənizdə 8avar çəkən qayıqçılar təsvir olunub. 8 nəfərlik say Azərbaycan xalqının 8 etnosdan ibarət olmasına işarədir. Günəş sübh çağı yenicə çıxmış günəş rəngindədir. Eyni zamanda simvolda təsvir olunan gəmi Qobustan qayaüstü rəsmlərində təsvir olunan rəsmlərdən götürülüb. Bu da Azərbaycanın qədim yaşayış məskəni olmasına işarədir.