Abasqulu Quliyev

Abasqulu Quliyev (Quliyev Abasqulu Məmməd oğlu; 13 noyabr 1940, Axta) — azərbaycanlı kimyaçı, AMEA-nın müxbir üzvü,[1], əməkdar elm xadimi.

Abasqulu Quliyev
Doğum tarixi 13 noyabr 1940(1940-11-13) (81 yaş)
Doğum yeri
Vətəndaşlığı
Elm sahəsi kimya
Elmi dərəcəsi kimya elmləri doktoru
Təhsili

BioqrafiyaRedaktə

Abasqulu Quliyev Bakı Dövlət Universitetinin kimya fakültəsini bitirmiş, Sumqayıtda yerləşən "Səthi aktiv maddələr" zavodunda işləmişdir. 1964–1968-ci illərdə keçmiş SSRİ Elmlər Akademiyasının Yüksək Molekullu Birləşmələr İnstitutunun (Sankt-Peterburq) aspiranturasında oxumuşdur. 1970-ci ildə namizədlik, 1987-ci ildə "Viniltsiklopropanlar birləşmə, telomerləşmə və polimerləşmə reaksiyalarında" mövzusunda doktorluq dissertasiyası müdafiə etmişdir. Onun əsas tədqiqat obyekti funksional əvəzli viniltsiklo propanların birləşmə və izomerizasion polimerləşmə reaksiyalarının elmi əsaslarının yaradılması, karben və tsiklopropan kimyasının inkişaf etdirilməsindən ibarətdir.

Abasqulu Quliyev Türkiyədə keçirilən bir sıra beynəlxalq konfransların iştirakçısı olmuş və məruzə ilə çıxış etmişdir. Macarıstan, Bolqarıstan, İngiltərə, Almaniya, Braziliyaİspaniyada keçirilən konfransların materiallarında elmi əsərləri dərc edilmişdir.

O, Azərbaycan Respublikası Prezidenti yanında Ali Attestasiya Komissiyasının kimya elmləri üzrə Ekspert Şurasının üzvüdür.[2]

İstinadlarRedaktə

  1. "Quliyev Abasqulu Məmməd oğlu" (az.). science.gov.az. 2017. İstifadə tarixi: 2017-04-02.
  2. "Görkəmli kimyaçılar". 2013-07-27 tarixində orijinalından arxivləşdirilib. İstifadə tarixi: 2013-09-28.