Acıtma

Acıtma — şifahi xalq şerində, daha dəqiq desək, uşaq folklorunda deyişənlərin bir-birlərinə acıq vermək üçün söylədikləri mənzumə. Acıtma bəzən dolama da adlanır. Burada yumoristik çalarlar, məzhəkə elementləri üstünlük təşkil edir. Məsələn:

Həsənağa
Doldu yarağa.
Mindi ulağa,
Sürdü bağa.
Bir quş vurdu,
O da qurbağa.
Verdi qonağa,
Qonaq yemədi,
Saldı yağa,
Özü təllədi.
Bizə vermədi.
Yedi qurbağa,
Düşdü yatağa.

Azərbaycan uşaq folklorunda Keçələ dair acıtmalar daha çox yayılıb. Bir nümunə:

Keçəlin xondu başı,
Eşşəyə mindi başı,
O yanda dava düşdü,
Bu yanda sındı başı...

Mənbə

• Elçin. Seçilmiş əsərləri. 10 cilddə. IX cild. Bakı: ÇİNAR-ÇAP, 2005, 509 səh.