Adil Sadıqov
Adil Məmmədtağı oğlu Sadıqov (25 dekabr 1941, Bakı – 14 yanvar 1990) — Azərbaycan dövlət və partiya xadimi, Azərbaycan Kommunist Partiyası Lenin Rayon Komitəsinin birinci katibi (1981–1987), Azərbaycan SSR Ali Sovetinin 11-ci çağırış deputatı.
| Adil Sadıqov | |
|---|---|
| 1981 – 1987 | |
| Əvvəlki | Tofiq Axundov |
| Sonrakı | B. Qasımov |
| Şəxsi məlumatlar | |
| Doğum tarixi | 25 dekabr 1941 |
| Doğum yeri | |
| Vəfat tarixi | 14 yanvar 1990 (49 yaşında) |
| Partiya |
|
| Təhsili | |
.svg){kind=small}
Həyatı
redaktəAdil Məmmədtağı oğlu Sadıqov 25 dekabr 1941-ci ildə Bakıda anadan olmuşdur. 1965-ci ildə Azərbaycan Neft və Kimya İnstitutunu bitirdikdən sonra "Azərneft" Birliyinin "Leninneft" Neft və Qazçıxarma İdarəsində neftçıxarma operatoru vəzifəsində əmək fəaliyyətinə başlamışdır.[1] Burada o, sahə rəisi, böyük mühəndis – mədən müdirinin müavini, mədən müdiri, mərkəzi mühəndis-texnoloji xidmət rəisinin müavini işləmişdir.[2]
Adil Sadıqov 1974-cü ildən Azərbaycan Kommunist Partiyası Mərkəzi Komitəsinin Kimya və neft sənayesi şöbəsinin təlimatçısı, şöbə müdirinin müavini vəzifələrində çalışmış, 1981-ci ildə isə Azərbaycan KP Lenin Rayon Komitəsinin birinci katibi seçilmişdir. 1987-ci ildə Azərbaycan KP MK-nın Kimya və neft sənayesi şöbəsinin müdiri təyin edilmiş, 1989-cu ildən isə Azərbaycan KP MK yanında partiya nəzarəti komissiyasının üzvü olmuşdur.[1]
Adil Sadıqov 1969-cu ildən Sovet İttifaqı Kommunist Partiyasının üzvü olmuş, 11-ci çağırış Azərbaycan SSR Ali Sovetinin deputatı seçilmişdir. Ali Sovetin Sənaye komissiyasının üzvü olmuşdur.[2]
Adil Sadıqov 14 yanvar 1990-cı ildə 49 yaşında vəfat etmişdir.[1]
Ailəsi
redaktə- Həyat yoldaşı — Zemfira Sadıqova (01.12.1941 — 21.03.2023)
- Oğlu Fuad Sadıxov (27.07.1971– 12.11.2015)
- Nəvəsi Zemfira Sadıxova (2003) - İnşaat Mühəndisi.
- Nəvəsi Fidan Sadıxova (2007) - Memar - Rəssam.
- Oğlu Fuad Sadıxov (27.07.1971– 12.11.2015)
- Oğlu Azad Sadıxov (08.01.1973)
- Nəvəsi Adil Sadıxov (2000)
- Nəvəsi Cəmil Sadıxov (2004)
- Oğlu Azad Sadıxov (08.01.1973)