Alçın Şirinzadə
Alçın Şirinzadə (azərb. Şirinzadə Alçın Əlsəftər oğlu:) (23 may 1951, Bakı) — 2007–2019-cu illərdə Azərbaycan Respublikası Müdafiə Sənayesi Nazirliyinin Milli Aerokosmik Agentliyinin baş direktoru[1], texnika elmləri doktoru, professor[2]
| Alçın Şirinzadə | |
|---|---|
| Alçın Əlisəftər oğlu Şirinzadə | |
| Doğum tarixi | |
| Doğum yeri | Bakı, Azərbaycan |
| Vətəndaşlığı |
 Azərbaycan |
| Milliyyəti | azərbaycanlı |
| Uşağı | 3 |
| Elm sahəsi | Neft |
| Elmi dərəcəsi | texniki elmlər doktoru |
| Elmi adı | professor |
| Təhsili | Azərbaycan Dövlət Neft Akademiyasının neft-qaz yataqlarının işlənməsi fakültəsi |
| Mükafatları |
 |
Həyatı
redaktəAlçın Əlsəftər oğlu Şirinzadə 23 may 1951-ci ildə Bakı şəhərində, ziyalı ailəsində anadan olmuşdur. O, 1968-ci ildə Azərbaycan Dövlət Neft Akademiyasının neft-qaz yataqlarının işlənməsi fakültəsinə daxil olmuşdur.[3][4]
Fəaliyyəti
redaktəƏmək fəaliyyəti
redaktə1973-cü ildə həmin fakültəni bitirərək ilk iş yerinə — Neft Daşlarına yollanmışdır. Əvvəlcə neft-qaz çıxarma operatoru, 1974–1975-ci illərdə mühəndis-texnoloq, mədən rəisinin müavini işləmişdir. 1975–1981-ci illərdə böyük mühəndis-texnoloq kimi fəaliyyət göstərmişdir. 1981–1984-cü illərdə neftçıxarma işində artıq təcrübə qazanmış və onu "Xəzərdənizneftqazsənaye" Ümumittifaq İstehsalat Birliyində neft hasilatı şöbəsinə baş texnoloq təyin etmişlər. 1984–1990-cı illərdə ADNA-nın iqtisadiyyatın təşkili və idarə olunması kafedrasında dosent, 1990–1992-ci illərdə "Xəzərdənizneftqaz" İstehsalat Birliyində texniki şöbənin rəisi, 1992–1994-cü illərdə "Azneft" neft və qaz hasilatı baş idarəsində neftçıxarma üzrə istehsalat şöbəsinin rəisi, 1994–1996-cı illərdə Azərbaycan Respublikası Dövlət Neft Şirkətinin dənizdə neft-qazçıxarma İB-də baş mühəndisin müavini işləmişdir. 1996-cı ilin avqust ayından 2006-cı ilin əvvəlinə kimi "Neft Daşları" NQÇİ-nin rəisi vəzifəsində çalışmışdır.[5]2006-cı ilin fevralında isə Azərbaycan Dövlət Neft Sənayesi Elmi-Tədqiqat və Layihələşdirmə İnstitutunda direktorun elmi işlər üzrə müavini təyin olunmuşdur. 2007-ci ildən 2019-cu ilə qədər Azərbaycan Respublikası Müdafiə Sənayesi Nazirliyinin Milli Aerokosmik Agentliyinin baş direktoru vəzifəsində çalışmışdır.[6] 1983-cü ildə namizədlik, 1999-cu ildə isə doktorluq dissertasiyası müdafiə etmişdir. Milli Aerokosmik Agentliyində fəaliyyət göstərən Dissertasiya Şurasının sədridir. O, 2007-ci ildən "Azərbaycan Milli Aerokosmik Agentliyinin xəbərləri" jurnalının baş redaktoru, Beynəlxalq Şərq Neft Akademiyasının həqiqi üzvüdür. 100-ə qədər məqalənin, 2 monoqrafiyanın müəllifidir. İxtiralara görə 15 müəlliflik şəhadətnaməsi almışdır. Azərbaycan Xəzər Universitetinin Direktorlar Şurasının üzvüdür.
Evlidir. Aytən, Firuzə və Nərgiz adlı üç övladı var.
Təltifləri
redaktə"Tərəqqi" medalı ilə təltif olunmuşdur.
İstinadlar
redaktə- ↑ Sabiq rəhbərlər
- ↑ "Neft Daşları"na yerli və xarici media nümayəndələrinin səfəri təşkil olunub
- ↑ Azərbaycan Dövlət Neft və Sənaye Universitetinin məzunları
- ↑ İsmayılov Qafar Qulamhüseyn oğlu, Səmədov Tofiq Əlövsət oğlu, İskəndərov Elman Xeyrulla oğlu, İsmayılova Fidan Babəli qızı. NEFT FAKÜLTƏSİNİN 100 İLLİK YADDAŞI (PDF) (az.). Bakı: ADNSU. 2020. 290–291. 2023-12-11 tarixində arxivləşdirilib (PDF). İstifadə tarixi: 2024-01-19.
- ↑ "Neft Daşları" ən böyük nailiyyətimizdir
- ↑ AMEA Riyaziyyat və Mexanika İnstitutu Azərbaycan Milli Aerokosmik Agentliyi ilə əməkdaşlıq edir