Aleksandr Vasyak

Azərbaycan hərbçisi

Aleksandr Petroviç Vasyak (26 noyabr 1954, Leninqrad20 noyabr 2021, Moskva) — Azərbaycan Silahlı Qüvvələrinin general-mayoru, Qarabağ müharibəsinin iştirakçısı.[1]

Aleksandr Vasyak
Aleksandr Petroviç Vasyak
Şəxsi məlumatlar
Doğum tarixi 26 noyabr 1954(1954-11-26)
Doğum yeri
Vəfat tarixi 20 noyabr 2021(2021-11-20) (66 yaşında)
Vəfat yeri
Vəfat səbəbi uzun sürən xəstəlik
Dəfn yeri
Vətəndaşlığı
Milliyyəti Ukraynalı
Hərbi fəaliyyəti
Mənsubiyyəti Azərbaycan Azərbaycan Ordusu
Qoşun növü piyada
Rütbəsi General-mayor
Vəzifəsi Azərbaycan Respublikası Müdafiə Nazirliyinin Əməliyyat İdarəsinin rəisi
Hərbi Elmi Mərkəz
Daxili Təhlükəsizlik İdarəsinin şöbə rəisi
Döyüşlər
İstefada 2019-cu ildən
Təltifləri "Vətən uğrunda" medalı "Hərbi xidmətlərə görə" medalı

Həyatı redaktə

Aleksandr Petroviç Vasyak 26 noyabr 1954-cü ildə anadan olub.[2]

A.Vasyak 20 ildən artıq müddətdə Azərbaycan Silahlı Qüvvələrində xidmət edib. General-mayor rütbəsinə qədər yüksəlib.[3]

Birinci Qarabağ müharibəsinin ilk illərində ön cəbhənin müxtəlif istiqamətlərində yuxarı komandanlığın nümayəndəsi kimi döyüş əməliyyatlarının idarə olunmasında aktiv iştirak edib. A.Vasyak həmçinin 1992-ci ildə Ağdərə istiqamətində ermənilərə qarşı uğurlu əməliyyatlarda şəxsən iştirak edib.[2]

General birinci Qarabağ müharibəsindən sonra Azərbaycan Müdafiə Nazirliyinin Əməliyyat İdarəsinin rəisi, Hərbi Elmi Mərkəzində məsul vəzifədə çalışıb. Bir müddət sonra Müdafiə naziri, general-polkovnik Zakir Həsənov tərəfindən Bakıya çağırılaraq nazirliyin Daxili Təhlükəsizlik İdarəsinin şöbə rəisi vəzifəsinə təyin edilib.[4]

A.Vasyak Noyabrin 20 Rusiya Federasiyasının Moskva şəhərində dünyasını dəyişib.[4]

Müdafiə Nazirliyinin rəsmilərindən general E.Xəlilovun rəhbərliyi altında dəfn komissiyası yaradılıb. General-mayorun nəşi Bakıya gətirilərək, Müdafiə Nazirliyi tərəfindən təntənəli şəkildə son mənzilə yola salınıb. Dəfn mərasimi noyabrın 29-də baş tutub.[4]

Azərbaycan Respublikası Prezidenti İlham Əliyevin sərəncamı ilə general-mayor Aleksandr Vasyak "Vətən uğrunda" medalı ilə təltif edilib.[3] O, "Hərbi xidmətlərə görə" medalı ilə də təltif olunub.[mənbə göstərin]

İstinadlar redaktə

  1. "Ehtiyatda olan general-mayor Aleksandr Petroviç Vasyak vəfat edib". 2021-11-22 tarixində arxivləşdirilib. İstifadə tarixi: 2021-11-22.
  2. 1 2 "Azərbaycan Ordusunun generalı vəfat edib". 2022-08-27 tarixində arxivləşdirilib. İstifadə tarixi: 2021-11-22.
  3. 1 2 "Azərbaycan Respublikası Silahlı Qüvvələrinin hərbi qulluqçularının və mülki işçilərinin təltif edilməsi haqqında Azərbaycan Respublikası Prezidentinin Sərəncamı". 2021-11-22 tarixində arxivləşdirilib. İstifadə tarixi: 2021-11-22.
  4. 1 2 3 "General Aleksandr Vasyak vəfat edib - VİDEO". 2021-11-22 tarixində arxivləşdirilib. İstifadə tarixi: 2021-11-22.