Zakir Həsənov

Zakir Əsgər oğlu Həsənov (6 iyun 1959(1959-06-06), Astara rayonu) — Azərbaycan Silahlı Qüvvələrinin general-polkovniki. Azərbaycan Respublikasının Müdafiə naziri (2013-cü ildən).

Zakir Həsənov
Azərbaycan Respublikasının Müdafiə naziri 22 oktyabr 2013 — indiyə kimi
Sələfi	Səfər Əbiyev
Azərbaycan Respublikasının Daxili İşlər nazirinin müavini - Daxili Qoşunların Komandanı 17 yanvar 2003 — 22 oktyabr 2013
Sələfi	vəzifə təsis edilib
Xələfi	Şahin Məmmədov
Şəxsi məlumatlar
Təhsili	Heydər Əliyev adına Azərbaycan Ali Hərbi Məktəbi
Doğum tarixi	6 iyun 1959 (1959-06-06)
Doğum yeri	Astara, Azərbaycan
Vətəndaşlığı	Azərbaycan
Hərbi xidmət
Rütbəsi	general-polkovnik
Mükafatları
Vikianbarda əlaqəli mediafayllar

Həyatı

Zakir Həsənov 6 iyun 1959-cu ildə Astara rayonunda anadan olmuşdur. 1980-ci ildə Bakı Ali Ümumqoşun Komandirləri Məktəbini bitirmiş, həmin ildən 1985-ci ilədək Almaniyada yerləşən Sovet Ordusu sıralarında xidmət etmişdir.

1985-ci ildən 1993-cü ilədək SSRİ Müdafiə Nazirliyinin Sibir Hərbi Dairəsinin Altay Hərbi Komissarlığında çalışmışdır. 1993-2003-cü illərdə Azərbaycan Respublikası Milli Təhlükəsizlik Nazirliyinin Sərhəd Qoşunları Baş İdarəsində xidmət etmiş, daha sonra Dövlət Sərhəd Xidmətinin Beynəlxalq Əlaqələr İdarəsinin rəisi vəzifəsinə irəli çəkilmişdir.

2003-2013-cü illərdə Azərbaycan Respublikası Daxili İşlər Nazirinin müavini-Daxili Qoşunların Komandanı vəzifəsində çalışmışdır. Azərbaycan Respublikası Prezidentinin 17 may 2003-cü il tarixli 869 nömrəli Fərmanı ilə isə general-mayor, 6 may 2005-ci il tarixli 802 nömrəli Sərəncamı ilə general-leytenant ali xüsusi rütbəsi verilmişdir. 22 oktyabr 2013-cü ildə Azərbaycan Respublikasının Müdafiə naziri təyin edilmiş və general-polkovnik rütbəsi verilmişdir.

Alman, ingilis, rus və türk dillərində sərbəst danışa bilir.

Ailəlidir. 1 oğlu, 1 qızı var.