Aliyə Qarayeva

Aliyə Nurqayan qızı Qarayeva (tatar. Aliä Nurgayan qızı Gäräyeva)— 1 yanvar 1988-ci ildə Rusiya SFSR-nın Yekaterinburq şəhərində anadan olmuşdur. Tatar əsilli Azərbaycanlı bədii gimnastdır. Dünya Çempionatının 1 qat gümüş və 7 qat bürünc medalçısıdır. 2007-ci ilin Avropa Çempionudur. Azərbaycanı 2008 və 2012-ci ildə Olimpiya Oyunlarında təmsil etmişdir.

Aliyə Qarayeva
tatar. Aliä Gäräyeva
Aliyə Qarayeva 2012 Yay Olimpiya Oyunlarında
Şəxsi məlumatlar
Vətəndaşlığı	Azərbaycan
Milliyəti	Tatar
Doğum tarixi	1 yanvar 1988
Doğum yeri	Yekaterinburq, RSFSR, SSRİ
İdman növü	Bədii Gimnastika
Boyu	164 sm.
Çəkisi	47 kq
Medallar Dünya Çempionatı Bürünc 2007 Patras Komanda Bürünc 2009 İse Komanda Gümüş 2010 İse Top Bürünc 2010 Moskva Komanda Bürünc 2010 Moskva Lent Bürünc 2010 Moskva Top Bürünc 2010 Moskva Həlqə Bürünc 2011 Monpelye Çoxnövçülük Avropa Çempionatı Bürünc 2007 Bakı Komanda Qızıl 2007 Bakı Gimnastika ipi Gümüş 2009 Bakı Komanda Bürünc 2010 Bremen Çoxnövçülük Bürünc 2012 Nijni Novqorod Çoxnövçülük Yay Universiada Oyunları Gümüş 2011 Şenjen Gürzə
24 dekabr 2015 tarixində yenilənib.

Həyatı

Aliyə Qarayeva 1 yanvar 1988-ci ildə Rusiya Sovet Federativ Sosialist Respublikasının Yekaterinburq şəhərində Tatar ailəsində anadan olmuşdur.

Karyerası

Aliyə Qarayeva ilk uğurunu 2007-ci ildə qazandı. Aliyə xanım Qran-Pri yarışında 2 bürünc medal qazandı. Həmin il həmçinin Bakıda Avropa Çempionatında iştirak etdi. Aliyə Qarayeva Komanda yarışlarında bürünc medal qazandı. Gimnastika ipində isə Aliyə xanım 18.150 xal toplayaraq qızıl medala sahib çıxdı. O Bədii Gimnastikada Avropa Çempionu olan ilk Azərbaycanlı gimnastdır. Həmin ilin son yarışında isə Dünya Çempionatında Komanda yarışlarında bürünc medala layiq görülüdü.

2008-ci il Aliyə xanım üçün daha məsul alındı. O Dünya Kubokunda bürünc medal qazandı. Həmin ilin avqust ayında Aliyə Qarayeva Çin Xalq Respublikasının Pekin şəhərində 2008 Yay Olimpiya Oyunlarında iştirak etdi. O 4 hərəkətin cəmində 69.200 xal toplayaraq 7-ci yeri tutdu və təsnifat mərhələsini uğurla adladı. Finalda isə 69.675 xal toplayan Aliyə Qarayeva 6-cı yeri tutdu.

Olimpiya Oyunlarından sonra 2009-cu ildə Yaponiyanın İse şəhərində Dünya Çempionatında 2 gümüş və 1 bürünc medal qazandı. Aliyə Qarayeva həmin il Dünya Oyunlarında bürünc medala layiq görüldü. Bir ildən sonra isə 2010-cu ildə Aliyə xanım Dünya Çempionatında Moskvada 4 bürünc medal və Avropa Çempionatında Bremendə isə 1 bürünc medal qazandı. 2011-ci ildə Aliyə xanım karyerasında sonuncu dəfə Dünya Çempionatında mükafat qazandı. O Fransanın Monpelye şəhərində bürünc medal qazandı. 2012-ci ildə isə Aliyə Qarayeva Avropa Çempionatında Nijni Novqorodda bürünc medala layiq görüldü və Olimpiya Oyunlarında əvvəl əlavə stimul qazandı. 2012-ci ildə Aliyə Qarayeva 2-ci dəfə Olimpiya Oyunlarında iştirak etdi. O ilk olaraq təsnifat mərhələsində 111.850 xal topladı. Aliyə xanım bu nəticə ilə 3-cü oldu və finala adladı. Finalda o ən yaxşı hərəkətini lent ilə nümayiş etdi. Aliyə Qarayeva Lent ilə hərəkətlərdə 28.250 xal topladı. Amma belə yaxşı nəticələri baxmayaraq o medal qazana bilmədi. O üçüncü yeri tutan Belaruslu Lyubov Çerkaşinadan cəmi 0.125 xal geri qaldı. Beləliklə Aliyə Qarayeva ikinci dəfə iştirak etdiyi Olimpiya Oyunlarında medal qazanmasada 4-cü yeri tutdu və Azərbaycanın ən yaxşı bədii gimnastlarından olduğunu bir daha sübut etdi.

2012 Yay Olimpiya Oyunlarından sonra karyerasını başa vurdu.

Uğurları

Dünya Çempionatı — 2007 , 2009 , 2010 , 2010 , 2010 , 2010 , 2010 , 2011

Avropa Çempionatı — 2007 , 2007 , 2009 , 2010 , 2012

Dünya Kuboku — 2008

Qran-Pri — 2007 , 2007 , 2010 , 2011 , 2011 , 2011 , 2011 , 2011

Yay Universiada Oyunları — 2011

Dünya Oyunları — 2009

Ailəsi

Ailəlidir. Bir oğlu var. Oğlunun adı Timurdur. Timur 7 avqust 2015-ci ildə anadan olmuşdur.