Alma (fransız müğənni)
Aleksandra Make (fr. Alexandra Maquet; 27 sentyabr 1988[1], Lion) və ya sadəcə səhnə adı Alma — Fransa müğənnisi və bəstəkarı. O, Fransanı 2017 Avroviziya Mahnı Müsabiqəsində təmsil etmişdir.
| Alma | |
|---|---|
_Kyiv_2017.jpg) | |
| Ümumi məlumatlar | |
| Doğum adı |
Aleksandra Make fr. Alexandra Maquet |
| Ləqəbi | Alma |
| Doğum tarixi | 27 sentyabr 1988[1] (35 yaş) |
| Doğum yeri | |
| Vətəndaşlığı | |
| Musiqiçi məlumatları | |
| Fəaliyyəti | müğənni, mahnı müəllifi[d], iqtisadçı, müğənni-mahnı yazarı |
| Fəaliyyət illəri | 2012-ci ildən |
| Janr | pop musiqisi |
| Albom şirkəti | Warner Music Group[d] |
| alma-music.fr | |
 Vikianbarda əlaqəli mediafayllar | |
Həyatı redaktə
Aleksandra Make 27 sentyabr 1988-ci ildə Fransanın Lyon şəhərində anadan olmuşdur. Onun atası tanınmış biznesmen Alen Make, anası isə rəssam Mari-Pyer Makedir. Onun üç bacısı var. Alma uşaq yaşlarından musiqi ilə maraqlanmış və pianoda ifa etməyi öyrənmişdir. 16 yaşında ikən ailəsi ilə birlikdə Mayamiyə köçmüşdür. Bir il Amerikan məktəbində təhsil aldıqdan sonra o yenidən Fransaya geri dönmüşdür. O Fransanın Lil şəhərində IESEG İdarəçilik məktəbinə daxil olmuş və oranı Biznes administrasiyası və idarəçilik ixtisası üzrə magistr dərəcəsi ilə bitirmişdir. Təhsil dönəmində Alma bir ildən artıq müddətə tələbə mübadiləsi proqramı əsasında Braziliyanın San-Paulo şəhərində yerləşən FEA-USP institutuna göndərilmişdir. Alma orada portuqal dilini öyrənmişdir. San-Pauloda təhsilini bitirdikdən sonra isə o 2011-ci ildə Milanda menecer köməkçisi olaraq çalışmışdır. Daha sonra Alma Brüsselə köçmüş və orada mahnı bəstələməyə başlamışdır.
Alma Fransız dili ilə yanaşı ingilis, italyan və portuqal dillərində də sərbəst danışa bilir.[2]
Musiqi karyerası redaktə
2012–2015: Başlanğıc redaktə
2012-ci ildə "Gone" adlı ilk bəstəsinin təqdimatı ilə Almanın musiqi karyerası başlamışdır. Həmin mahnını Alma 2009-cu ildə avtomobil qəzasında itirdiyi sinif yoldaşına həsr etmişdir. Həmin ildə ifaçının eyni zamanda daha iki mahnısı "Again" və "Elsewhere" dinləyicilərə təqdim edilmişdir. Mahnılar musiqi tənqidçilərindən əsasən müsbət rəylər qazanmışdır.
2012-ci ilin may ayında Alma Brüsseldə yerləşən Rooster’s barda ilk dəfə səhnədə canlı ifa etmişdir. Səhnədə ifaçını gitaraçı Alen Qusens müşayiət etmişdir. Daha sonra Alma bir müddət vokal dərsləri almışdır. Həmin ilin dekabr ayında ifaçı Parisdə konsert proqramı ilə çıxış etmişdir.
2013-cü ilin aprel ayında Alma Parisdə növbəti konsert proqramı ilə çıxış etmişdir. Müğənni yeni bəstələdiyi "Libido", "Mr Unsatisfaction", "Sitting down" və "What do you want from me" mahnılarını isə Youtube səhifəsinə yerləşdirmişdir. Həmin ilin sentyabr ayında Alma Fransa radiolarının birinə qonaq olaraq dəvət olunmuşdur və orada gələcək planları barədə sualları cavablandırmışdır.
Almanın sevgilisi və həmin zamanlarda Carson Productions ilə çalışan Edoardo Qrassi Almaya France 3 telekanalında yayımlanan və Nataşa Sen-Pyerin aparıcılıq etdiyi Les Chansons d'abord televiziya şousuna qoşulmağı təklif etmişdir. Alma 2013-cü ilin dekabr ayından 2014-cü ilin iyun ayınadək həmin şouda fəaliyyət göstərmişdir. Şouda ilk iştirakında ifa etdiyi "Entre nous" mahnısı Selin Diondan müsbət rəy qazanmışdır. 2014-cü ilin əvvəlində Alma Les Chansons d'abord şousunda müğənni və bəstəkar Nazim Xaled ilə görüşmüş və onlar birlikdə əməkdaşlıq etməyi qərara almışdırlar. Həmin əməkdaşlıq nəticəsində bir neçə mahnı ərsəyə gətirilmişdir.
2015-hal-hazırda: Avroviziya redaktə
2015-ci ilin aprel ayında Alma Warner Music France albom şirkəti ilə anlaşma imzalamışdır. İfaçının 2015 və 2016-cı illərdə Nazim Xaled ilə əməkdaşlığı nəticəsində "La Chute Est Lente" və "Ivre" mahnıları çıxarılmışdır. 2016-cı ildə Alma Fransanın tanınmış ifaçılarından olan Amir Haddadı konsertlərdə bir neçə dəfə müşayiət etmişdir.
2017-ci ilin fevral ayında Fransanın France Télévisions telekanalı Almanın "Requiem" mahnısı ilə Fransanı Ukraynanın paytaxtı Kiyevdə keçirilən Avroviziya 2017-də təmsil edəcəyini açıqlamışdır.[3] Fransanın "Böyük Beşlik" ölkələrindən biri olması səbəbi ilə Alma birbaşa olaraq müsabiqənin final mərhələsindən mübarizəyə qoşulmuşdur. Finalda 26-cı səhnə alan ifaçı müsabiqədə 135 xalla 12-ci yeri tutmuşdur.
Avroviziya ərəfəsində Almanın Ma peau aime adlı debüt albomu işıq üzü görmüşdür. 13 mahnının yer aldığı albom Fransanın albom siyahılarında top 50-yə daxil ola bilmişdir.
Diskoqrafiya redaktə
Albomlar redaktə
- Ma peau aime (2017)
Sinqllar redaktə
- "Trinquons" (2014)
- "La chute est lente" (2016)
- "Requiem" (2017)
İstinadlar redaktə
- ↑ 1 2 Alma // https://pantheon.world/profile/person/Alma_(French_singer).
- ↑ "Après Amir" [After Amir]. Paris Match (fransızca): 30. 16 fevral 2017. ISSN 0397-1635. 2017-03-05 tarixində arxivləşdirilib. İstifadə tarixi: 4 mart 2017.
- ↑ "FRANCE: ALMA WILL SING "REQUIEM" AT EUROVISION 2017". wiwibloggs.com. 9 fevral 2017. 2017-02-12 tarixində arxivləşdirilib. İstifadə tarixi: 2017-02-10.
| Əvvəlki: Amir Haddad "J'ai cherché" |
Fransa Avroviziya Mahnı Müsabiqəsində .svg){kind=small} 2017 |
Sonrakı: Madame Monsieur "Mercy" |