Altron
Altron (ing. Ultron) – Marvel Comics nəşriyyatı tərəfindən 1968-ci ildə yaradılmış komiks personajı. Roy Tomas və Con Bessema tərəfindən yaradılmış və ilk dəfə "The Avengers" komiksinin 54-cü sayında kameo kimi peyda olmuşdur. Altron Henk Pim tərəfindən yaxşı məqsədlər üçün yaradılmış, lakin daha sonra tərəf dəyişdirmiş süni intellektdir. Qisasçılar komandasının əzəli düşmənidir. Adamantium elementindən özünə bədən hazırlamış ilk Marvel Comics personajıdır.[1]
| Altron | |
|---|---|
| ing. Ultron | |
 | |
| Yayım tarixi |
"The Avengers" #54 (iyul 1968) (adsız kameo) "The Avengers" #55 (avqust 1968) (ilk adlı görünmə) |
| Yaradıcı(lar) | Roy Tomas[d] |
| Xüsusiyyətlər | |
| Doğum yeri |
Nyu-Cersi,  ABŞ |
| Cinsiyyəti | kişi[d] |
| Komiks bioqrafiyası | |
| Üzvlükləri | Bədxahlıq ustaları, Ölümsaçan legion, Yinsen oğulları, Dəmir legion, Falanks, Dəmir Qisasçılar |
| Düşmənləri | Henk Pim, Qisasçılar, Vijn, Dəmir adam |
| Ləqəbləri | Qırmızı mantiya, Altron-5, Altron-6, Altron-7, Altron-8, Altron-9, Altron-10, Altron-11, Altron-12, Altron-13, Altron-14, Altron-15, Altron-16, Altron-17, Altron-18, Mükəmməl Altron, Altron Pim, Üstün Altron, Henk Pim |
| Gücləri | dahilik səviyyəsində süni intellekt, qeyri-insani güc, sürət, dözümlülük, uçmaq, enerji topları |
Altron 2015-ci il istehsalı "Qisasçılar: Altron dövrü" filmində Ceyms Speyder tərəfindən canlandırılmışdır.
Altron bir çox Qisasçılar animasiyasında və videooyununda peyda olmuşdur. IGN Altronu "Bütün dövrlərindən ən böyük komiks supercinayətkarları" siyahısında 23-cü yerdə göstərmişdir. "Wizard" jurnalı isə onu "Ən böyük 200 supercinayətkar" siyahısında 189-cu yerdə göstərmişdir.
Nəşrolunma tarixi redaktə
Personaj Roy Tomas və Con Bessema tərəfindən yaradılmışdır. İlk dəfə "The Avengers" komiksinin 54-cü sayında (iyul 1968) kameo etmişdir. Növbəti sayda isə tam olaraq peyda olmuşdur. Personajın adlandırılması zamanı Tomas -tron suffiksindən istifadə etmək istəmiş və Altron adını seçmişdir.[2] Tomasın dediyinə görə personaj üçün ilham mənbəyi "Kapitan Video" komikslərindəki Makino adlı robotik cinayətkar olmuşdur.[1]
Bioqrafiya redaktə
Altron ilk dəfə "The Avengers" komiksinin 54-cü sayında görünsə də, sayın böyük hissəsində "Qırmızı mantiya" adı ilə maskalanmış və üzünü ancaq son səhifədə göstərmişdir (adı isə verilməmişdir). Altron Qisasçılara qarşı Bədxahlıq ustaları komandasına başçılıq edir və Edvin Carvisi hipnoz edərək ona işləməyə məcbur edir. Növbəti buraxılışda personajın adı Altron-5, Yaşayan avtomat adı ilə verilmişdir.[3] Komiksin 57–58-ci buraxılışlarındakı (oktyabr-noyabr 1968) fleşbek səhnəsində Altronun Qisasçıları məhv etmək üçün Vijn adlı silah yaratdığı göstərilir, lakin Vijn Qisasçıların köməyi ilə Altronu məhv edir.[4]
Növbəti fleşbəkdə Altronun əslində Henk Pim tərəfindən yaradıldığı və Altronun Pimin beyn izlərindən istifadə etdiyi göstərilir. Robot vaxt getdikcə süni intellektini inkişaf etdirir və onda Edip kompleksi yaranır: yaradıcısı Henkə qarşı nifrət bəsləməyə başlayır, Cenet van Dinə qarşı isə marağı yaranır. Altron özünü 5 dəfə özünü yeniləyir və "atası" Henk Pimi hipnoz edərək onu yaratdığı unutdurur.[5]
66–68-ci saylarda (iyul-sentyabr 1969) özünə bu dəfə Altron-6 kimi xitab edən Altron adamntium adlı metaldan istifadə edərək bədənini demək olar ki, məhvedilməz edir və özünə Mükəmməl Altron adını götürür. Onun bəşəriyyəti məhv etmə planlarına yenə Qisasçılar mane olurlar.[6]
"Avengers" komiksinin 127-ci və "Fantastic Four" komiksinin 150-ci saylarını əhatə edən krossoverdə (sentyabr 1974) Maksimus tərəfindən android Omeqanın bədəni ilə yenidən yaradılmış Altron (Altron-7) Kristal və Civənin toyuna hücum edir, Qisasçılarla döyüşür və Qeyri-insanlar ilə Fantastik dördlük tərəfindən məhv edilir.[7] Personaj növbəti dəfə "Avengers" komiksinin 161–162-ci saylarında (iyul-avqust 1977) peyda olur və Altron-8 olaraq özünə Yokasta adlı robot gəlin yaradır.[8] 170–171-ci saylarda Qisasçılar Misis Marvelin köməyi ilə Altron-9-u məhv edirlər.[9]
Güc və bacarıqlar redaktə
Altronun güc və bacarıqları olduqca dəyişkəndir, lakin əsas güc və bacarıqları qeyri-insani güc, sürət, dözümlülük, reflekslərdir. Bundan əlavə sürətli uçma, enerji topları güclərinə malikdir. Altron rəqibini hipnoz etmə və istədiyini ona etdirmək gücünə sahibdir. O, elektromaqnit radiasiyanı elektrik enerjisini çevirib istifadə edə və ya saxlaya bilir. Altron süni intellekt olduğundan dahilik səviyyəsində intellektə malikdir, özünü asanlıqla düzəldə və yeni cihazlar düzəldə bilir. Çox böyük sürətlə hesablamalar apara bilir. Altron güclü robototexnikaçı və strategiyaçıdır.
Altronun xarici skeleti adamantium metalından təşkil olunub və buna görə də demək olar ki, məhvedilməzdir.
Digər mediada redaktə
Televiziya redaktə
- Qisasçılar: Onlar birlikdə dayanırlar
- Superqəhrəman heyəti şousu
- Qisasçılar: Yerin qüdrətli qəhrəmanları
- Marvel Disk Wars: The Avengers
- Qisasçılar, birləşin
Film redaktə
- Altron "Növbəti Qisasçılar: Sabahın qəhrəmanları" animasiya filmində görünmüş və Tom Keyn tərəfindən səsləndirilmişdir.
- Ceyms Speyder 2015-ci il istehsalı və Marvel Kinematoqrafiya Kainatına daxil olan "Qisasçılar: Altron dövrü" filmində Altronu canlandırmışdır. Filmdə Altron Henk Pim tərəfindən yox, Toni Stark tərəfindən yaradılır. Stark özünün, Brüs Bennerin, Zehin daşının, Altronun və JARVİS-in zehinlərinin birləşməsindən ibarət olan Vijni yaradır. Vijn Altronu öldürür.[10][11][12][13]
Videooyun redaktə
- Captain America and the Avengers
- Marvel: Ultimate Alliance
- Marvel Super Hero Squad Online
- Marvel: Avengers Alliance
- Marvel: Contest of Champions
- Marvel Heroes
- Marvel: Future Fight
- Disney Infinity 3.0
- Lego Marvel's Avengers
- Marvel vs. Capcom: Infinite
- Marvel Powers United VR
İstinadlar redaktə
- ↑ 1 2 Walker, Karen. "Ultron: The Black Sheep of the Avengers Family". Back Issue!. TwoMorrows Publishing (38). February 2010: 23–30.
- ↑ "The Hollywood Reporter: "Marvel Legend Reveals What Stan Lee Initially "Hated" About 'Age of Ultron' Breakout"". 2019-03-27 tarixində arxivləşdirilib. İstifadə tarixi: 2019-05-11.
- ↑ Avengers #54–55 (July–August 1968)
- ↑ Avengers #57 (October 1968)
- ↑ The Avengers #58 (Nov. 1968)
- ↑ Avengers #66–68 (July–September 1969)
- ↑ Avengers #127 (Sept. 1974) & Fantastic Four #150 (Sept. 1974)
- ↑ Avengers #161–162 (July–Aug. 1977)
- ↑ Avengers #170–171 (April–May 1978)
- ↑ "EXCLUSIVE: 'Avengers: Age of Ultron' Casts James Spader as the Film's Legendary Villain". 2013-11-02 tarixində arxivləşdirilib. İstifadə tarixi: 2019-05-11.
- ↑ Breznican, Anthony. "This week's cover: Meet the new boss in Marvel's 'Avengers: Age of Ultron'". Entertainment Weekly. July 16, 2014. July 16, 2014 tarixində arxivləşdirilib. İstifadə tarixi: July 16, 2014.
- ↑ Hewitt, Chris. "Joss Whedon Talks Avengers: Age Of Ultron". Empire. February 20, 2015. February 20, 2015 tarixində arxivləşdirilib. İstifadə tarixi: February 20, 2015.
- ↑ Ditzian, Eric. "Joss Whedon Spills First 'Avengers: Age Of Ultron' Details". MTV. July 21, 2013. July 22, 2013 tarixində arxivləşdirilib. İstifadə tarixi: July 22, 2013.
Xarici keçidlər redaktə
- Altron Marvel.com-da