Anar Kərimov (nazir)

Azərbaycan Respublikasının mədəniyyət naziri

Anar Qabil oğlu Kərimov (3 iyun 1977(1977-06-03), Füzuli rayonu) — Azərbaycan Respublikasının mədəniyyət naziri (2021-ci ildən), Azərbaycanın YUNESKO yanında sabiq daimi nümayəndəsi (2014–2020).

Anar Kərimov
Anar Karimov.jpg
bayraqAzərbaycan Respublikasının mədəniyyət naziribayraq
5 yanvar 2021 — indiyə kimi
Sələfi Əbülfəs Qarayev
bayraqAzərbaycan Respublikasının mədəniyyət nazirinin birinci müavini – nazir vəzifələrini müvəqqəti icra edənbayraq
20 iyul 2020 — 5 yanvar 2021
bayraqAzərbaycan Respublikasının YUNESKO yanında daimi nümayəndəsibayraq
23 may 2014 — 20 iyul 2020
Şəxsi məlumatlar
Təhsili
Doğum tarixi (44 yaş)
Doğum yeri Füzuli rayonu, Azərbaycan SSR
Uşağı 3

Təltifləri 3-cü dərəcəli "Vətənə xidmətə görə" ordeni — 2019
Commons-logo.svg Vikianbarda əlaqəli mediafayllar

HəyatıRedaktə

Anar Kərimov 1977-ci il iyunun 3-də Füzuli rayonunda anadan olub. 1998-ci ildə Bakı Dövlət Universitetinin şərqşünaslıq fakültəsinin ərəb dili və filologiyası ixtisası üzrə bakalavr dərəcəsi, 2003-cü ildə isə Azərbaycan Respublikası Prezidenti yanında Dövlət İdarəçilik Akademiyasının beynəlxalq münasibətlər fakültəsinin beynəlxalq münasibətlər və diplomatiya ixtisası üzrə magistr dərəcəsini alıb. İraqda (Əl-Mustansiriyyə Universiteti), Misirdə (Diplomatik Tədqiqatlar İnstitutu), Avstriyada (Vyana Diplomatik Akademiyası), İtaliyada (San Remo Beynəlxalq Humanitar Hüquq İnstitutu), Polşada (Beynəlxalq Qızıl Xaç Komitəsi) və s. diplomatik kurslarda iştirak etmişdir.[1]

Rus, ingilisfransız dillərini bilir. Ailəlidir, üç övladı var.

FəaliyyətiRedaktə

Anar Kərimov diplomatik karyerasına 2000-ci ildə Azərbaycan Respublikası Xarici İşlər Nazirliyinin insan haqları, demokratikləşmə və humanitar məsələlər idarəsində attaşe, üçüncü katib kimi başlamışdır. 2004–2008-ci illərdə Azərbaycan Respublikasının Belçika Krallığındakı səfirliyi və Avropa İttifaqı yanında Nümayəndəliyinin üçüncü və ikinci katibi işləmişdir. 2008–2009-cu illərdə Xarici İşlər Nazirliyinin humanitar və sosial məsələlər şöbəsində birinci katib vəzifəsində çalışmışdır. 2010–2014-cü illərdə isə Azərbaycan Respublikasının YUNESKO yanında Daimi Nümayəndəliyinin müşaviri, müvəqqəti işlər vəkili vəzifələrində işləmişdir.[1]

23 may 2014-cü ildə Azərbaycan Respublikası Prezidentinin müvafiq sərəncamları ilə Anar Kərimova ikinci dərəcəli fövqəladə və səlahiyyətli elçi diplomatik rütbəsi verilmiş və o, Azərbaycan Respublikasının YUNESKO yanında daimi nümayəndəsi təyin edilmişdir.[2][3]

Anar Kərimova 9 iyul 2019-cu ildə fövqəladə və səlahiyyətli səfir diplomatik rütbəsi verilmişdir.[4] 20 iyul 2020-ci ildə Azərbaycan Respublikası Prezidentinin müvafiq sərəncamları ilə Anar Kərimov Azərbaycan Respublikası mədəniyyət nazirinin birinci müavini təyin olunmuş, eyni zamanda ona mədəniyyət nazirinin vəzifələrini müvəqqəti icra etmək səlahiyyətləri verilmişdir.[5][6] Azərbaycan Respublikası Prezidentinin 5 yanvar 2021-ci il tarixli Sərəncamı ilə mədəniyyət naziri vəzifəsinə təyin edilmişdir.[7]

MükafatlarıRedaktə

İstinadlarRedaktə

  1. 1 2 "Struktur və əməkdaşlar — Kərimov Anar Qabil oğlu". culture.gov.az. Azərbaycan Respublikası Mədəniyyət Nazirliyi. İstifadə tarixi: 17 avqust 2020.
  2. "A.Q.Kərimova ikinci dərəcəli fövqəladə və səlahiyyətli elçi diplomatik rütbəsi verilməsi haqqında Azərbaycan Respublikası Prezidentinin Sərəncamı". e-qanun.az. 23 may 2014. İstifadə tarixi: 17 avqust 2020.
  3. "A.Q.Kərimovun Azərbaycan Respublikasının YUNESKO yanında daimi nümayəndəsi təyin edilməsi haqqında Azərbaycan Respublikası Prezidentinin Sərəncamı". e-qanun.az. 23 may 2014. İstifadə tarixi: 17 avqust 2020.
  4. "Azərbaycan Respublikasının diplomatik xidmət orqanları əməkdaşlarına diplomatik rütbələrin verilməsi haqqında Azərbaycan Respublikası Prezidentinin Sərəncamı". e-qanun.az. 9 iyul 2019. İstifadə tarixi: 17 avqust 2020.
  5. "A.Q.Kərimovun Azərbaycan Respublikası mədəniyyət nazirinin birinci müavini təyin edilməsi haqqında Azərbaycan Respublikası Prezidentinin Sərəncamı". e-qanun.az. 20 iyul 2020. İstifadə tarixi: 17 avqust 2020.
  6. "Azərbaycan Respublikası mədəniyyət nazirinin vəzifələrini müvəqqəti icra etmək səlahiyyətinin verilməsi barədə Azərbaycan Respublikası Prezidentinin Sərəncamı". e-qanun.az. 20 iyul 2020. İstifadə tarixi: 17 avqust 2020.
  7. "A.Q.Kərimovun Azərbaycan Respublikasının mədəniyyət naziri təyin edilməsi haqqında Azərbaycan Respublikası Prezidentinin Sərəncamı". president.az. 5 yanvar 2021. İstifadə tarixi: 5 yanvar 2020.
  8. "UNESKO-nun Ümumdünya İrs Komitəsinin 43-cü sessiyasının Bakıda təşkili və keçirilməsində fəal iştirak etmiş şəxslərin təltif edilməsi haqqında Azərbaycan Respublikası Prezidentinin Sərəncamı". e-qanun.az. 1 avqust 2019. İstifadə tarixi: 17 avqust 2020.