Anar Məmmədxanov
Anar Camal oğlu Məmmədxanov (20 iyul 1970, Bakı – 23 aprel 2011, Bakı) — dövlət və ictimai xadimi olmuşdur. 1991-ci ildən Bakı Şən və Hazırcavablar Klubunun prezidenti, "Bakılı oğlanlar" komandasının kapitanı olmuşdur. 1992, 1993, 1995-ci illərdə Şən və Hazırcavablar Klubları arasında MDB çempionu, 2000-ci ildə isə XX əsr çempionu olmuşdur. 2005-ci il noyabrın 6-da 30 saylı Suraxanı birinci seçki dairəsindən deputat seçilmişdi. Azərbaycan Respublikası I, II və III çağırış Milli Məclisinin deputatı idi. "Ultra Production" şirkətinin və "Day.az" xəbər saytının yaradıcısı idi. Ölümünün səbəbi kəskin ürək qan-damar çatışmazlığı ürəyin işemik xəstəliyi olub.
| Anar Məmmədxanov | |
|---|---|
  | |
| 2005 – 2010 | |
| 2000 – 2005 | |
| |
| 1995 – 2000 | |
| Şəxsi məlumatlar | |
| Doğum tarixi | 20 iyul 1970 |
| Doğum yeri | |
| Vəfat tarixi | 23 aprel 2011 (40 yaşında) |
| Vəfat yeri | |
| Vəfat səbəbi | ürək-damar xəstəliyi[d] |
| Təhsili | |
| Atası | Camal Məmmədxanov |
Həyatı Redaktə
Anar Məmmədxanov 20 iyul 1970-ci ildə Bakıda anadan olmuşdur. 1987-ci ildə Bakı şəhər 160 saylı məktəbi bitirmişdir.[1] Həmin il Azərbaycan Dövlət Universitetinin mexanika-riyaziyyat fakültəsinə daxil olmuş və 1992-ci ildə oranı bitirmişdir. 1992, 1993, 1995-ci illərdə Şən və Hazırcavablar Klubları arasında MDB çempionu, 2000-ci ildə XX əsr çempionu olmuşdur. Avrasiya Radio və Televiziya Akademiyasının üzvü olmuşdur. 1991-ci ildən Bakı Şən və Hazırcavablar Klubunun prezidenti, "Bakılı oğlanlar" komandasının kapitanı olmuşdur.
Bitərəf kimi Azərbaycan Respublikası birinci (1995), ikinci (2000) və üçüncü çağırış (2005) Milli Məclisinin deputatı olmuşdur.
23 aprel 2011-ci ildə vəfat edib[2].
Evli idi, 3 övladı yadigar qalıb[3].
Xatirəsi Redaktə
2018-ci ildə onun haqqında yazıçı-publisist Elmira Axundova "Anar Məmmədxanov. Kapitanın taleyi" kitabını yazmışdır. Kitabda Anar Məmmədxanovu tanıyan 100-ə yaxın şəxsin xatirələri yer alıb.[4]
İstinadlar Redaktə
- ↑ Real TV. "Şən və hazırcavab Anar Məmmədxanov" (az.). Youtube.com. 23.04.2020. İstifadə tarixi: 2020-04-24.
- ↑ "Anar Məmmədxanov vəfat etdi!". 2015-04-03 tarixində orijinalından arxivləşdirilib. İstifadə tarixi: 2013-02-11.
- ↑ "Arxivlənmiş surət". 2021-10-16 tarixində arxivləşdirilib. İstifadə tarixi: 2011-04-23.
- ↑ APA TV. "Elmira Axundova Anar Məmmədxanov haqqında kitab yazıb" (az.). Youtube.com. 04.04.2018. İstifadə tarixi: 2018-04-04.
Xarici keçidlər Redaktə
- Anar Məmmədxanov: "Vaxtında getmək ən əsas məsələlərdən biridir" [ölü keçid]
- Anar Məmmədxanov: "Vaxtında getmək ən əsas məsələlərdən biridir" [ölü keçid]
- Anar Məmmədxanov: "Xalqımıza üç sivil, mədəni və vətənpərvər uşaq vermişəm"
- Anar Məmmədxanovun vəfatından 5 il ötür
- Anar Məmmədxanov İnformasiya Müharibəsi haqqında