Anna Zaborskaya
Bu məqalədəki və ya bölmədəki məlumatlar köhnədir. |
Anna Zaborskaya (7 iyun 1948[1], Sürix) — slovak siyasətçi və Slovakiyanın Xristian Demokratik Hərəkat partiyasının (Christian Democtratic Movement, Kresťanskodemokratické hnutie, KDH) üzvüdür. 2004-cü ildən etibarən, Anna Zaborskaya Avropa Parlamentində (AP) Avropa Xalq Partiyası Grupu partiyasının (Group of the European People’s Party, EPP) üzvüdür. Avropa Parlamentinin yeddi partyasından ən böyüyü olan EPP eyni zamanda pan-Avropalı Avropa Xalq partiyası ilə bağlantılıdır (EPP).
| Anna Zaborskaya | |
|---|---|
| slovak. Anna Záborská | |
 | |
Avropa Parlamentinin deputatı[d] | |
Vəzifədədir | |
| 1 iyul 2014-cü ildən | |
Avropa Parlamentinin deputatı[d] | |
| 14 iyul 2009 – 30 iyun 2014 | |
Avropa Parlamentinin deputatı[d] | |
| 20 iyul 2004 – 13 iyul 2009 | |
Avropa Parlamentinin deputatı[d] | |
| 1 may 2004 – 19 iyul 2004 | |
| Şəxsi məlumatlar | |
| Doğum tarixi | 7 iyun 1948[1] (76 yaş) |
| Doğum yeri | |
| Təhsili | |
| Fəaliyyəti | siyasətçi, həkim |
| Dini | Roma-Katolik kilsəsi |
 Vikianbarda əlaqəli mediafayllar | |
Təhsili
redaktəAnna Zaborskaya 1966-cı ildən 1972-ci ilə qədər Slovakiyanin Martin (Turčiansky Svätý Martin) şəhərində yerləşən Comenius universitetində (Univerzita Komenského) tibb təhsili almışdır.
Çex, İngilis, Fransız, Alman, İtalyan, Rus, və Slovak dillərini bilir.
Ailəsi
redaktə10 iyul 1972-ci ildə, Anna Zaborskaya memar Vladimir Zaborski ilə ailə həyati qurmuşdur. Bu ailə həyatindan onların iki uşaqı var; Veronika (*1973, Roma şəhərində yaşayır) və Eva (*1976, Boynice şəhərində yaşayır).
Tibbi Fəaliyəti
redaktə1972-ci ildən 1998-ci ilə qədər, Anna Zaborskaya Jilina, Bejaia (Cezayir), Prievidza şəhərlərində həkim olaraq çalışmışdır.
Siyasi Fəaliyəti
redaktəAnna Zaborskayanın siyasətə olan marağı həkim olan atasından qaynaqlanır. Atası Anton Neuwirth (1921–2004) Katolik xərəkatinda aktivist, siyasi məhbus, millət vəkili, Prezidentliyə namizəd, KDH’nin fəxri Prezidenti, və səfir olmuşdur.
1999-cu ildən 2000-ci ilə qədər, Anna Zaborskaya KDH-nin xarici işlər üzrə vitse-Prezidenti olaraq fəaliyyət göstərmişdir. 1998-ci ildən 2004-cü ilə qədər Slovakiyanin Avropa İttifaqina üzvlüyünü hazırlayan Slovak Milli Parlamentinin "Milli Şura" (Národná rada) üzv olmuşdur. Milli Şurada əsas olaraq Avropa İttifaqı-Slovakia Birqə Parlament Komitəsində çalışmışdır (EU-Slovakia Joint Parliamentary Committee).
2003-cü ildə Avropa Parlamentində müşahidəçi mövqəsi üçün namizədliyi iləri sürülmüşdür.
2004-cü ildə Anna Zaborska AP-nin üzvü olaraq seçilmişdir. Orda AP-nin Qadın Hüquqları və Gender Bərabərlik (Women’s Rights and Gender Equality) komitəsinin Presidenti (2004–2009) olaraq seçilmişdir. Bu qanunuvericilik ərzində, Anna Zaborska eyni zamanda, AP-nin Inkişaf (Development) komitəsinin (2004–2009), və Afrika Karib Pasifik – AI (Africa Carribean Pacific-EU, ACP-EU) Birqə Parlament Komitəsinin nümayəndə həyətinin (2004–2009) üzvü olmuşdur.[2]
2009-cu ildə Anna Zaborskaya yenidən AP-yə seçilmişdir. AP-nin Qadın Hüquqları və Gender Bərabərlik komitəsinin (2009–2014) və AP Inkisaf komitəsinin (2009–2014) üzvü olaraq qalmışdır və eyni zamanda Kanada ilə əlaqələrin AP nümayəndə həyətinin (2009–2014) və AP-nin Mütəşəkkil Cinayətkarlıq, Korrupsiya, və Pul Qaçaqçılıqı (Organised Crime, Corruption and Money Loundering) xüsusi komitəsinə (2004–2009) üzv olmuşdur.[2]
2014-cü ildə Anna Zaborskaya AP-yə yenidən seçilmişdir. AP-də, AP-nin Qadın Hüquqları və Gender Bərabərlik komitəsinin, AP İnkişaf komitəsinin, və ACP-EU birqə komitəsinin üzvü olaraq qalmış və əlavə olaraq AP Sənaye, Araşdırma və Energetika (İndusry, Research, and Energy) komitəsinin üzvü olmuşdur.[2]
Anna Zaborskaya əlavə olaraq da AP hesabatlarından məsuliyyətli rapporteur olaraq da çalışmışdır; AP-də qadınlar və yoxsulluq (A6–0273/2005, 22 sentyabr 2005), komitetlərin fəaliyətlərində gender yanaşması (A6–0478/2006, 22 dekabr 2006), gender və nəsillər arası həmrəyliyə əsaslanan qeyri ayrı-seçkilik (A6–0492/2008, 10 dekabr 2008), və özünün komitet və numayəndələrinin fəaliyətlərindəki genderyanaşması (A6–0198/2009, 2 aprel 2009).[2]
2010-cu ilin Aprel ayında, Anna Zaborskaya, AP üzvü Tiziano Motti ilə birqə, yazılı deklarasiya iləri sürmüşdür (P7_TA(2010)0247). Deklarasiya AP Nazirlər Soveti və Avropa Komisiyası pedofiliya üzrə ˝ərkən xəbərdarlıq sistemini˝ mümkün qılmaq məqsədilə direktiv 2006/24/EC dərinləşdirməyi tövsiyə edirdi[3]. Sözu qedən mətn, 2010-cu ildə 732 AP üzvündən 371 tərəfindən imzalanaraq, AP-nin rəsmi mətni olaraq qəbul olunmuşdur.[4]
Anna Zaborskaya ¨pro-life¨ kampaniyasının güclü və nüfuzlu tərəfdarlarından biridir. 24 yanvar 2011-ci ildə Vaşingtonda keçirilmiş March for Life kampaniyasında çıxış etmişdir[5]. 22 sentyabr 2013-cü ililndə isə Kosicedə keçirilən yürüyuşdə çıxış etmək üçün dəvət olunan yeganə siyasətçi olmuşdur.
sentyabr 2014-cü ildə Louis Raphael İ Sako-nun (Babil Keldani Katolik Patriarxı) namizədliyini 2014 AP İnsan Hüquqları Saxarov mükafatı üçün iləri sürmüşdür.[6]
İstinadlar
redaktə- ↑ 1 2 Evidence zájmových osob StB.
- ↑ 1 2 3 4 "Arxivlənmiş surət". 2014-10-06 tarixində arxivləşdirilib. İstifadə tarixi: 2015-01-14.
- ↑ "Arxivlənmiş surət". 2019-06-10 tarixində arxivləşdirilib. İstifadə tarixi: 2015-01-14.
- ↑ "Arxivlənmiş surət". 2014-10-06 tarixində orijinalından arxivləşdirilib. İstifadə tarixi: 2015-01-14.
- ↑ "Arxivlənmiş surət". 2017-06-23 tarixində arxivləşdirilib. İstifadə tarixi: 2015-01-14.
- ↑ "Nominees for Sakharov Prize 2014 announced". European Parliament / News. September 19, 2013. December 28, 2014 tarixində arxivləşdirilib. İstifadə tarixi: September 19, 2014.