Antonov körpüsü
Antonov körpüsü — Ukraynada Dnepr çayı üzərindən Antonovka kəndini (Xerson şəhərətrafı) sol sahildəki Alyoşki (keçmiş Syurupinsk) şəhəri ilə birləşdirən avtomobil və piyada körpüsü. 11 noyabr 2022-ci ildə Rusiyanın Ukraynaya hücumu zamanı qismən dağıdılmışdır.
| Antonov körpüsü | |
|---|---|
 | |
 | |
| 46°40′12″ şm. e. 32°43′13″ ş. u.HGYO | |
| Keçid | avtomobil və piyadalar üçün |
| Yeri | Xerson |
| Üslubu | Aşırımlı körpü |
| Material | dəmir-beton |
| Uzunluğu | 1366 metr |
| Eni | 25 |
| Memar | N. Kolokolov |
| Açılışı | 24 dekabr 1985 |
 Vikianbarda əlaqəli mediafayllar | |
Körpünün ümumi uzunluğu 1366 m, eni 25 m, yolun hərəkət hissəsinin eni 20,5 m, piyada səkiləri hər iki tərəfdən 1,5 m-dir. Körpü 30 aşırımlıdır. Gün ərzində oradan on min beş yüz avtomobil keçirdi.
Körpünün tikintisinə qədər Xerson vilayətinin sol sahilindəki nəqliyyat vasitələri ya Kaxovskaya su elektrik stansiyasının bəndindən, ya da Xerson - Qolaya Pristan bərəsi ilə keçə bilərdi. Körpünün açılması Xerson və sol sahilin cənub rayonları arasındakı yollarda hərəkəti 80-100 km azaldıb, bir ton yükün daşınması xərcləri beş dəfə azalıb.
Əvvəlcə körpünün üzərindən Xersondan Syurupinska trolleybus xəttinin işə salınması planlaşdırılırdı, lakin bu layihə heç vaxt tamamlanmayıb.
Tarix
redaktəTikinti
redaktə1977-ci ilin əvvəlində Dnepr çayının sağ sahilində kəşfiyyat işləri başa çatdırılır. 1977-ci ilin may ayında 1 saylı körpütikinti trestinin Lenin ordenli 73 saylı Nikolayev dəstəsinin körpü inşaatçıları briqadası körpünün tikintisinə başlayır. Layihəyə Xerson müəssisələri, eləcə də iş semestrini tikinti meydançasında keçirən tələbələr cəlb edilib.
21 dekabr 1985-ci ildə körpü sınaqdan keçirilir. 5 cərgədən ibarət qrup halında qumla yüklənmiş 55 “KamAZ” özüboşaltma maşını Tsyurupinskdən Xersona doğru körpünün keçidi ilə hərəkət edib. Testlər uğurla keçir. Dekabrın 24-də körpü istifadəyə verilib.
Layihənin müəllifləri baş yanaşma mühəndisi A. Dermenji, körpü layihəsinin baş mühəndisi B. Marikov, mühəndislər İ. Vorontsov və N. Vinoqradova, layihənin baş memarı Q. Kopans, memar A. Tasalov olmuşdur.
Rusiyanın Ukraynanı işğalı (2022)
redaktəAntonovski körpüsü ilk dəfə Rusiyanın Ukraynaya işğalının başlamasından ikinci gün, 25 fevral 2022-ci ildə irəliləyən rus qoşunları tərəfindən atəşə tutulub[1]. Fevralın 26-da artilleriya və aviasiyadan istifadə etməklə körpüyə nəzarət etmək üçün döyüş baş verir[2].
19 iyul 2022-ci ildə Ukrayna silahlı qüvvələri Amerikanın HIMARS reaktiv yaylım atəş sistemi ilə körpüyə hücum edir[3][4].
Körpünün atəşə tutulması müntəzəm xarakter alır[5]. İyulun 26-dan 27-nə keçən gecə hücumdan sonra körpü yararsız elan edilib və keçid bağlanıb[6]. Sentyabrda Xerson vilayətinin işğal administrasiyası rəhbərinin müavini Kirill Stremousov bəyan edir ki, hazırda körpünü bərpa etməyin mənası yoxdur[7].
11 noyabr 2022-ci ildə rus ordusunun Xerson vilayətinin sağ sahilindən geri çəkilməsi zamanı körpünün bir neçə keçidi dağıdılır[8].
İstinadlar
redaktə- ↑ "Fighting under way near Kherson, Mykolaiv, Odessa - Ukrainian official" (ingilis). Reuters. 2022-02-26. 2022-02-26 tarixində arxivləşdirilib. İstifadə tarixi: 2022-05-16.
- ↑ Nick Paton Walsh. "Battle rages for strategic bridge in southern Ukraine after days of fighting". cnn.com (ingilis). CNN International. 2022-02-26. 2022-02-26 tarixində arxivləşdirilib.
- ↑ В Херонской области сообщили об ударе по мосту через Днепр ракетой HIMARS Arxivləşdirilib 2022-07-13 at the Wayback Machine, BBC, 19.07.2022
- ↑ "Ракетному удару ВСУ подвергся Антоновский мост в Херсоне. Что известно и почему это важно". Русская служба BBC. 2022-07-19. 2022-07-19 tarixində arxivləşdirilib.
- ↑ Jack Buckby. "Look: Watch Ukraine Strike Key Russian Supply Bridge On Independence Day". 19FortyFive (ingilis). 2022-08-27. 2022-08-28 tarixində arxivləşdirilib. İstifadə tarixi: 2022-08-28.
- ↑ "Антоновский мост в Херсоне закрыли после нового удара украинских военных". Русская служба BBC. 2022-07-27. 2022-07-27 tarixində arxivləşdirilib.
- ↑ "В Херсонской области заявили, что смысла восстанавливать Антоновский мост пока нет". ТАСС. 2022-09-06. 2022-09-07 tarixində arxivləşdirilib.
- ↑ "Появились кадры разрушенного Антоновского моста. В назначенной РФ "администрации" Херсона утверждают, что он "в прежнем состоянии"". Настоящее время (телеканал). 2022-11-11. 2022-11-11 tarixində arxivləşdirilib.
.