Emil Antuan Burdel (30.10.1861, Montoban – 1.10.1929, Le Vezine) — fransız heykəltəraşı[3].

Antuan Burdel
fr. Émile Antoine Bordelles
Antoine Bourdelle-1925.jpg
Antuan Burdel, 1925-ci ildə
Doğum tarixi 30 oktyabr 1861(1861-10-30)
Doğum yeri Montoban
Vəfat tarixi 1 oktyabr 1929(1929-10-01) (67 yaşında)
Vəfat yeri Le Vezine
Dəfn yeri
  • Monparnas qəbiristanlığı[d]
Milliyyəti fransız
Vətəndaşlığı
Fəaliyyəti heykəltəraş, rəssam, boyakar[d]
Təhsili Paris zərif sənətlər məktəbi
Tələbəsi Alberto Cakometti, Vera Muxina
Mükafatları
"Fəxri Legion" ordeni komandoru "Fəxri Legion" ordeni zabiti "Fəxri Legion" ordeni kavaleri
imza
Commons-logo.svg Vikianbarda əlaqəli mediafayllar

HəyatıRedaktə

Tuluzada (1876–84), Parisdəki zərif sənətlər məktəbində (1884–86) oxumuşdur; 18931908-ci illərdə O, Rodenin emalatxanasında assistent işləmişdir. 1884-cü ildən Paris salonu sərgilərinin iştirakçısı olmuşdur. Roden impressionizmini qəbul etməyən Burdel monumentallığa və incəsənətin sintezinə can atmış, antik klassikaya və arxaikaya əsaslanaraq relyef sənətini dirçəltmişdir.[3]

FəaliyyətiRedaktə

“Ox atan Herakl” (tunc, 1909, Müasir Milli İncəsənət Muzeyi, Paris), gen. K.M. Alvearın tunc abidəsi (1913–23, Buenos-Ayres), “Fransa” heykəli (tunc, 1925, Paris), A. Mitskeviçin abidə si (tunc, 1909 –29, Paris), “Avtoportret” (maska, 1925), “Safo” (1924 –25; hər ikisi Burdel muzeyi, Paris) və s. əsərlərin müəllifidir. Görkəmli ictimai xadimlərin çoxsaylı portretlərini (100-ə yaxın) yaratmışdır: Lüdviq van Bethoven (tunc, 1887– 1929; 21 variant), A. Frans (tunc, 1919; hər ikisi Burdel muzeyi) və s. Arxaikləşən neoklassisizm ruhunda Yelisey Çölü Teatrının barelyeflərini hazırlamışdır (gips, 1912). Burdel həmçinin monumental rəngkar (Yelisey Çölü Teatrının freskaları, 1910–12) və qrafik (J. Klemanso və Q. Floberin kitablarına illüstrasiyalar) kimi də işləmişdir. Sənətkarın neoidelaizm və modern üslublarına yaxın yaradıcılığında neoromantik və neoklassik tendensiyalar birləşmişdir. 19-cu əsrin sonu–20-ci əsrin əvvəllərinin ən görkəmli heykəltəraşı olan Burdelin yaradıcılığı heykəltəraşlığın sonrakı inkişafına mühüm təsir göstərmişdir. Parisdə Qran-Şomyer studiyasında dərs demişdir (19091929). A. Cakometti, V.İ. Muxina, İ.D. Şadr Burdelin tələbələri, A. Avqustinçiç, Y.V. Vuçetiç, A. Breker, İ. Meştroviç onun davamçıları olmuşlar.[3]

QalereyasıRedaktə

 
Antuan Burdelin 1910-1912-ci illərdəki sənət əsəri

İstinadlarRedaktə

Xarici keçidlərRedaktə