Aravanokimilər

Aravanokimilər və ya Dilisümükkimilər (lat. Osteoglossiformes) — şüaüzgəclilər (Actinopterygii) dəstəsinə aid balıq növü. Yura dövründən məlumdur. Uzunluğu 10–12 sm-dən 4,6 m-ədək, çəkisi 200 kq-adək (arapayma) olur. Bədəni uzunsov, üzəri sikloid pulcuqlarla örtülüdür, başında sümük lövhələr olur; bel və anus üzgəcləri çox aralıdır. Üzmə qovuğu açıq tiplidir, göz-gözdür, havanın oksigenini uda bilir; bəzi növlərində də oksigeni udan qəlsəməüstü orqan var. Vaxtaşırı oksigenin çatışmadığı ot basmış su hövzələrində yaşayır. 4 fəsiləsi, 9 cinsi və 14 növü məlumdur. Braziliya, tropik AfrikaAvstraliya, Sumarta və Borneo adalarının şirin sularında məskunlaşmışdır. Yırtıcıdır. Bir çox aravanokimilər qiymətli ov balıqlarıdır, bəziləri akvariumlarda yetişdirilir.[1]

TəsnifatıRedaktə

İstinadlarRedaktə

  1. Azərbaycan Milli Ensiklopediyası (25 cilddə). 1-ci cild: A – Argelander (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2009. səh. 594. ISBN 978-9952-441-02-4.