Arifə Kadriyə Sultan

Arifə Kadriyə Sultan (24 mart 1895, İstanbul – 5 aprel 1933) — Osmanlı sülaləsinin üzvü, Osmanlı xanım sultanı.

Arifə Kadriyə Sultan
Şəxsi məlumatlar
Doğum tarixi	24 mart 1895
Doğum yeri	Yıldız sarayı, İstanbul, Osmanlı imperiyası
Vəfat tarixi	5 aprel 1933 (38 yaşında)
Vəfat yeri	Nitsa, Fransa
Atası	İbrahim Tofiq Əfəndi
Anası	Fövziyə xanım
Həyat yoldaşı	Fənarizadə Mehmed Rəşid bəy
Uşaqları	Məleykə xanım Sultan Əmirə xanım Sultan
Ailəsi	Osmanlı xanədanı

Həyatı

Kadriyə Sultan 24 mart 1895-ci ildə Yıldız sarayında dünyaya gəldi. Atası Sultan Əbdülməcidin nəvəsi Tofiq Əfəndi, anası isə onun abxaz əsilli ilk xanımı Fövziyə xanımdır. Babası Burhanəddin Əfəndinin gənc yaşda vəfatı səbəbilə atası, Sultan Əbdülhəmidin himayəsində böyümüş, onun digər oğullarıyla birlikdə Yıldız sarayında yaşamışdır. Bu səbəblə Yıldız sarayında dünyaya gələn Kadriyə Sultan da burada mükəmməl şəkildə təlim-tərbiyə edilmişdir. 3 yaşında anasının vəfat etməsinin ardından, atasının ikinci xanımı Təsrid xanımın himayəsinə verilən Kadriyə Sultan, Sultan Əbdülhəmidin taxtdan endirilməsinin ardından digər ailə üzvləriylə birlikdə Nişantaşı köşkünə köçürüldü. 13 dekabr 1914-cü ildə Fənarizadə Mehmed Rəşid bəylə də məhz burada evləndi və bu nigahdan 2 qızı dünyaya gəldi.

3 mart 1924 tarixli TBMM qərarı ilə digər Osmanlı sülaləsi üzvləri kimi, Kadriyə Sultan da ailəsiylə birlikdə sürgün edildi. Ancaq qərar çıxarılan əsnada ağır xəstə idi və bu səbəblə, bir müddət səhhətinin düzəlməsi üçün o və ailəsinin paytaxtda qalmasına icazə verildi. Ancaq aprel ayının əvvəlində ailə ölkəni tərk etməyə məcbur oldu. İlk öncə Avstriyaya gedən ailə daha sonra Nitsaya köçdü. Burada piano müəlliməsi olaraq çalışan Kadriyə Sultanın əri Mehmed Rəşid bəy isə küçədə kibrit sataraq pul qazandı. Burada ikinci övladını dünyaya gətirdi. O illərdə tanış olduğu isveç əsilli Roza Keller ilə yaxın münasibət saxladı. Hətta vəsiyyətində vəfatından sonra Roza Kellerin əriylə evlənməsini və qızlarına analıq etməsini istəmişdir.

Tutulduğu vərəm xəstəliyi səbəbilə Kadriyə Sultan gənc yaşda 5 aprel 1933-cü ildə Nitsada vəfat etdi və cənazəsi burada dəfn olundu. Ölümündən sonra vəsiyyətinə uyğun olaraq, Roza Kellerlə evlənən əri Mehmed Rəşid bəy qızlarıyla birlikdə İsveçrəyə köçdü.

Övladları

• Məleykə xanım Sultan (d. 6 fevral 1923 - ö. 2007) — Alfred Giraudy (d. 1914, Nitsa - ö. 1998) ilə evləndi və 1 övladı oldu.
  • Pierre Erol Giraudy Osman (d. 14 dekabr 1949) — İlk evliliyi 3 yanvar 1980-ci ildə Mariya-Kristina Mehouas ilə baş tutdu. Bu nigahdan 2 övladı oldu. İkinci evliliyi isə 23 oktyabr 1999-cu ildə Martina Robert ilə baş tutdu.
    • Julyen Cem Giraudy (d. 11 noyabr 1980, Paris - ö. 8 may 2019, Nitsa)
    • Magali Məlikə Girady (d. 10 oktyabr 1982, Fransa)
• Əmirə xanım Sultan (d. 7 dekabr 1927, Nitsa - ö. 23 may 2004, Nitsa) — 17 dekabr 1957-ci ildə Jozef-Rene Chauvel (d. 1935) ilə evləndi və 3 övladı oldu.
  • Jean-Marc Vely Chauvel (d. 16 oktyabr 1957, Nitsa) — 21 sentyabr 1983-cü ildə Alina Kovalski ilə evləndi və 2 övladı oldu.
    • Delfina Mariya-Klark Roksana Chauvel (d. 2 aprel 1984, Nitsa)
    • Koralya Estella Əmirə Chauvel (d. 2 may 1988, Nitsa)
  • Annick Kadriyə Chauvel (d. 4 may 1959, Nitsa) — 28 noyabr 1987-ci ildə Jean-Pierre Ghiringhelli ilə evləndi və 2 övladı oldu.
    • Roland Ghiringhelli (d. 6 may 1998, Nitsa)
    • Gaetan Ghiringhelli (d. 13 noyabr 1990, Nitsa)
  • Frank Erol Chauvel (d. 21 noyabr 1961, Nitsa)
    • Antoni Daniel Giovanni Chauvel (d. 1 mart 1998, Nitsa)

Mənbə

• Adra, Jamil (2005). Genealogy of the Imperial Ottoman Family 2005. p. 32
• Bardakçı, Murat (2017). Neslishah: The Last Ottoman Princess. Oxford University Press. ISBN 978-9-774-16837-6
• Kırpık, Cevdet (2011). "Şehzade Evliliklerinde Değişim". OTAM (in Turkish)