Arvidas Yuozaytis
Arvidas Yuozaytis (lit. Arvydas Juozaitis; 18 aprel 1956, Vilnüs) — məşhur Litva yazıçısı, siyasətçisi və filosofu. Siyasi karyerasından əvvəl SSRİ üzgüçülük yığmasının üzvü idi, Olimpiya bürünc mükafatçısıdır.
| Arvidas Yuozaytis | |
|---|---|
 | |
| Doğum tarixi | 18 aprel 1956 (68 yaş) |
| Doğum yeri | |
| Vətəndaşlığı |
 SSRİ Litva |
| Təhsili | |
| Fəaliyyəti | universitet müəllimi[d], yazıçı, jurnalist, siyasətçi, üzgüçü[d], filosof |
| Mükafatları | SSRİ heyətində 1976 Monreal Olimpiya Oyunlarının bürünc medalı (üzgücülük, 100 m brass) |
 Vikianbarda əlaqəli mediafayllar | |
Karyerası
redaktəMonreal Olimpiadasında Arvidas, 100 metr məsafəlik brass yarışlarında britaniyalı David Vilki və amerikalı Con Henkenə məğlub olaraq bürünc medal qazandı.[1] 200 metr məsafədə 6-cı oldu və 4 × 100 metr məsafəli kombinasiya estafetində 5-ci yeri tutdu.
İdmançı karyerasını bitirdikdən sonra Arvidas 1980-ci ildə Vilnüs Universitetini bitirdi. 1986-cı ildə fəlsəfə doktoru elmi dərəcəsi almışdır. Daha sonra alma-materində ekzistensializm fəlsəfəsi üzrə dərslər deyirdi. Litva SSR Elmlər Akademiyasında böyük elmi işçi idi.
1988-1990-cı illərdə Litva SSR-nin SSRİ-dən çıxması prosesinə rəhbərlik edən Sayudis hərəkatının qurucuları və liderlərindən biridir. 2004-2009-cu illərdə Kalininqradda yerləşən Litva Baş Konsulluğunun mədəniyyət attaşesi kimi çalışmışdır. 2009-2012-ci illərdə Riqada yaşamışdır. Hal hazırda Litva Olimpiya Komitəsinin vitse-prezidentidir.[2]
İstinadlar
redaktə- ↑ Олимпийские игры 21 Олимпиады // Большая олимпийская энциклопедия: В 2 т. / Автор-составитель В. Л. Штейнбах. — М.: Олимпия Пресс, 2006.
- ↑ "Арвидас Юозайтис: Не вкладываю в слово "Прибалтика" идеологических инспираций" (rus). Newsbalt. 2014-03-10 tarixində orijinalından arxivləşdirilib. İstifadə tarixi: 2014-03-10.
Xarici keçidlər
redaktə- Arvidas Yuozaytis — Sports-Reference.com saytında Olimpiya statistikası
- Арвидас Юозайтис: "Я выиграл олимпийскую медаль, чтобы вырваться из плена" (rus.)