Arzu Nağıyev
Arzu Nəsib oğlu Nağıyev (27 iyul 1963, Baş Layısqı, Azərbaycan SSR) — azərbaycanlı dövlət xadimi və hərbi qulluqçu; Azərbaycan Milli Məclisinin VI çağırış deputatı.
| Arzu Nağıyev | |
|---|---|
Azərbaycan Milli Məclisinin VI çağırış deputatı | |
Vəzifədədir | |
| 10 mart 2020-ci ildən | |
| Seçki dairəsi | 2020 — 104 saylı Gədəbəy-Tovuz |
| Əvvəlki | Rafiq Məmmədhəsənov |
| Şəxsi məlumatlar | |
| Doğum tarixi | 27 iyul 1963 (60 yaş) |
| Doğum yeri | |
| Vətəndaşlığı | Azərbaycan |
| Partiya | bitərəf |
| Təhsili | Moskva İdarəetmə İnstitutu (B) |
| Fəaliyyəti | siyasətçi |
| Hərbi xidmət | |
| Xidmət illəri | 1991–2001 |
| Mənsubiyyəti | Azərbaycan Silahlı Qüvvələri |
| Döyüşlər | Qarabağ müharibəsi (1991–1994) |
| Rütbəsi | Polkovnik |
|
|
|
| Təltifləri |
          |
Həyatı redaktə
Arzu Nağıyev 27 iyul 1963-cü ildə Oğuz rayonunun Baş Layısqı qəsəbəsində anadan olub.[1] 1985-ci ildə Moskva İdarəetmə İnstitutunun Tikinti və şəhər təsərrüfatının idarə edilməsinin təşkili bölməsindən məzun olub.[1] 1991-ci ildə isə SSRİ Dövlət Təhlükəsizlik Komitəsinin ali kurslarını qırmızı diplomla bitirib.[1]
Birinci Qarabağ müharibəsi veteranıdır.[1] Azərbaycan Yazıçılar Birliyinin üzvüdür.[1] 5 bədii, 2 sənədli кitabın, çoxsaylı araşdırmaların və yazıların müəllifidir.[1]
Fəaliyyəti redaktə
Arzu Nağıyev 1985–1987-ci illərdə Azərbaycan Sənaye-Tikinti Nazirliyinin 4 saylı trestində iqtisadçı və baş iqtisadçı vəzifələrində işləmiş, 1987–1989-cu illərdə Azərbaycan Lenin Kommunist Gənclər İttifaqı (LKGİ) Nərimanov rayon Komitəsinin təlimatçısı və şöbə müdiri olmuşdur.[1]
1991–2011-ci illərdə Dövlət Təhlükəsizliyi Komitəsində, daha sonra isə Milli Təhlükəsizlik Nazirliyində həqiqi hərbi xidmətdə olmuş, əməliyyat müvəkkili-şöbə rəisi vəzifələrində çalışmışdır.[1]
2011-2021-ci illərdə «Trend» Beynəlxalq İnformasiya Agentliyi baş direktorunun müavini olmuşdur.[1]
2020-ci il fevralın 9-da baş tutan parlament seçimlərində Arzu Nağıyev 104 saylı Gədəbəy-Tovuz dairəsindən bitərəf qaydada namizədliyini irəli sürmüşdür. Nəticələrə əsasən Arzu Nağıyev 56.20% səslə Milli Məclisin deputatı seçilmişdir.[2] Milli Məclisin Müdafiə, təhlükəsizlik və Korrupsiya ilə mübarizə Komitəsi, Əmək və sosial siyasət Komitəsi üzvüdür.[3] Həmçinin Azərbaycan–Gürcüstan parlamentləri ilə əlaqələr üzrə qrupunun rəhbəri, Azərbaycan–Belarus, Azərbaycan–Estoniya, Azərbaycan–İsrail, Azərbaycan–Rumıniya, Azərbaycan–Slovakiya, Azərbaycan–Türkiyə və Azərbaycan–Venesuela parlamentləri ilə əlaqələr üzrə qruplarının da üzvüdür.[3]
5 iyun 2020-ci ildən Korrupsiyaya qarşı mübarizə üzrə Komisiyyasının üzvüdür.[1]
Azərbaycan Prezidenti İlham Əliyevin sərəncamlarına əsasən 2023-cü ildə "Şöhrət" ordeni, 2024-cü ildə isə "Heydər Əliyevin 100 illiyi (1923–2023)" yubiley medalı ilə təltif edilib.
İstinadlar redaktə
- ↑ 1 2 3 4 5 6 7 8 9 10 11 12 Milli Məclisin rəsmi internet səhifəsi. "AZƏRBAYCAN RESPUBLİKASININ MİLLİ MƏCLİSİ ALTINCI ÇAĞIRIŞ" (PDF). www.meclis.gov.az ( (az.)). 01.04.2024. 2024-04-01 tarixində arxivləşdirilib (PDF). İstifadə tarixi: 01.04.2024.
- ↑ MSK. "2020-Cİ İL PARLAMENT SEÇKİLƏRİ / DAİRƏLƏR ÜZRƏ SEÇİLMİŞ NAMİZƏDLƏR". www.infocenter.gov.az ( (az.)). 10.02.2020. 20.08.2020 tarixində arxivləşdirilib. İstifadə tarixi: 20.08.2020.
- ↑ 1 2 Milli Məclisin rəsmi internet səhifəsi. "NAĞIYEV Arzu Nəsib oğlu". www.meclis.gov.az ( (az.)). 01.04.2024. İstifadə tarixi: 01.04.2024.