Asif Şirəliyev (hakim)
[1]Asif Yusif oğlu Şirəliyev, 13 may 1981-ci ildə Bakı şəhərində anadan olub. İngilis, rus, türk dillərində sərbəst danışır. Ailəlidir, 3 övladı var.
| Asif Yusif oğlu Şirəliyev | |
|---|---|
| Asif Yusif oğlu Şirəliyev | |
 | |
| Doğum tarixi | |
| Vətəndaşlığı | Azərbaycan |
| Milliyyəti | Azərbaycanlı |
| Təhsili | Azərbaycan Dövlət Bədən Tərbiyəsi və İdman Akademiyası, UNEC |
| Fəaliyyəti | Beynəlxalq hakim |
Fəaliyyəti redaktə
1992-ci ildən Yunan-Roma güləşilə məşğul olmağa başlayıb. İdman ustasıdır. 1995-ci ildən etibarən orta təhsilini Respublika Olimpiya idman liseyində davam etdirib. 1998-ci ildə Azərbaycan Dövlət Bədən Tərbiyəsi və İdman Akademiyasının tək mübarizə (TA) fakültəsinə daxil olub, 2005-ci ildə isə bitirib.
1999–2001-ci illərdə həqiqi hərbi xidmətdə olub.
8 iyul 2007-ci ildən Dünya Güləş Birliyində (UWW)(en) beynəlxalq dərəcəli hakim olaraq fəaliyyət göstərməyə başlayıb.
Asif Şirəliyev hazırda Super (I-S) kateqoriyalı hakim statusuna malikdir.[2] Beynəlxalq turnirlər, dünya və Avropa çempionatlarında, o cümlədən 2017-ci ildə Bakıda keçirilən 4-cü İslam Həmrəyliyi oyunları, 2019-cu il Belarusun paytaxtı Minsk şəhərində keçirilən 2-ci Avropa Oyunları, 2020-ci il Yaponiyanın paytaxtı Tokioda keçirilən 32-ci Yay Olimpiya oyunlarında ölkəmizin ədalət təmsilçisi olub.[3][4]
Dəfələrlə Gənclər və İdman nazirliyi tərəfindən "İlin ən yaxşı hakimi" mükafatı adına layiq görülüb.
2007–2020-ci illərdə "Paşa Holding İnşaat Servis" MMC-nin təhlükəsizlik departamentində security supervayzer vəzifəsində çalışıb. 26.01.2021-ci ildən Şamaxı Rayon İcra Hakimiyyəti başçısının Şamaxı şəhər inzibati ərazi dairəsi üzrə nümayəndəsi vəzifəsində çalışır. Hazırda ikinci ali təhsil alır. UNEC menecment fakültəsi 3-cü kurs tələbəsi(2023).[mənbə göstərin]
Mükafatları redaktə
Ədalət prinsiplərinə sadiq hakim kimi mükafat 2014-cü il.[5]
İlin idman yekunları İlin ən yaxşı hakimi, 2015-ci il.
İlin idman sorğusuna əsasən İlin ən yaxşı hakimi 2016-cı il.
Zəfər Beynəlxalq mükafatı Fəxri fərman İlin idman hakimi, 2018-ci il[6]
İlin idman yekunu, İlin ən yaxşı hakimi, 2019-cu il
Azərbaycan Milli Olimpiya Komitəsinin Ədalət Oyunları Komissiyası tərəfindən 2021-ci ilin yekunlarına əsasən "Ədalət oyun prinsiplərinə sadiq hakim" mükafatı
İstinadlar redaktə
- ↑ "Asif Şirəliyev: "Yarışlarda hakimimizin olması güləşçilərimizin sığortalanması deməkdir"". Report İnformasiya Agentliyi (az.). 2021-10-12. 2023-07-26 tarixində arxivləşdirilib. İstifadə tarixi: 2023-07-27.
- ↑ "İki azərbaycanlı hakim ali beynəlxalq kateqoriyaya yüksəlib". Oxu.Az (az.). 2022-02-11. 2023-07-27 tarixində arxivləşdirilib. İstifadə tarixi: 2023-07-27.
- ↑ "Arxivlənmiş surət". 2023-07-26 tarixində arxivləşdirilib. İstifadə tarixi: 2023-07-26.
- ↑ "Şamaxıda Olimpiada təmsilçimiz Asif Şirəliyevlə bağlı tədbir — Fotolar". Qafqazinfo (az.). 2021-07-12. 2023-07-26 tarixində arxivləşdirilib. İstifadə tarixi: 2023-07-27.
- ↑ "Ədalətli oyun prinsiplərinə sadiq hakim- Asif Şirəliyev. » Azgundem.az". Azgundem.az. 2023-07-26 tarixində arxivləşdirilib. İstifadə tarixi: 2023-07-27.
- ↑ "Sportsman | Sizin idman jurnalınız | ZƏFƏR - 2018". sportsman.az. 2023-07-27 tarixində arxivləşdirilib. İstifadə tarixi: 2023-07-27.