Aslan Abdulla
Aslan Abdulla (8 avqust 1970, Ermənistan SSR) — Azərbaycan alimi, ümumi və bariatrik cərrah.
| Aslan Abdulla | |
|---|---|
 | |
| Doğum tarixi | 8 avqust 1970 (54 yaş) |
| Doğum yeri | |
| Uşağı | 2 |
| Təhsili | |
| Fəaliyyəti | alim, bariatrik cərrah[d] |
| Elmi dərəcəsi |
|
| Elmi adı | |
Həyatı
redaktəAslan Abdulla 8 avqust 1970-ci il tarixində Qərbi Azərbaycanda müəllim ailəsində anadan olmuşdur. 1988-ci ildə Azərbaycan Tibb Universitetinin müalicə işi fakültəsinə daxil olmuş və 1994-cü ildə məzun olmuşdur. Həmin ildən başlayaraq 1995-ci ilə kimi Respublika Klinik Xəstəxanasında internatura keçmişdir. 1998-ci ildə Rusiyanın Saratov Dövlət Tibb Universiteti, Həkimləri Təkmilləşdirmə İnstitutunda ümumi cərrah, birinci kvalifikasiya dərəcəsi, 2003-cü ildə isə Rusiyanın Penza Həkimləri təkmilləşdirmə İnstitutu ümumi cərrah, ali kvalifikasiya dərəcəsi almışdır. 2009-cu ildə Almaniyanın Münhen şəhərində diod lazerin cərrahiyyədə tətbiqi üzrə, 2011-ci ildə isə Rusiyanın Kazan şəhərində İnnovasiya Texnologiyaları Mərkəzində laparoskopik cərrahiyə üzrə təhsil almışdır. Daha sonra 2012-ci ildə Türkiyənin Ankara şəhərində radiofrekans ablasiya cihazının cərrahiyyədə tətbiqi üzrə ixtisaslaşma keçmişdir. 2014-cü ildə Türkiyənin Egey Universitetində ümumi cərrahiyyə bölümündə "Üst Qastrointestenal sistemin Laparoskopik Cərrahiyyəsi və Bariatrik cərrahiyyə" üzrə təkmilləşdirmə kursu keçmişdir. 2014–2015-ci ildə Türkiyənin Malatya şəhərində İlönü Universitetində ümumi cərrahiyyə bölümündə laparoskopik-Bariatrik metobolik cərrahiyyə üzrə təhsil almışdır.[1][2][3]
"Kəskin xolesistitin müalicəsində qanın venadaxili lazer şüalandırılmasının mek-sidol antioksidantı ilə birgə tətbiqi" elmi işini müdafiə edərək tibb elmləri üzrə fəlsəfə doktoru elmi dərəcəsinə layiq görülmüşdür. Azərbaycan Tibb Universitetinin dosentidir.[3][4]
Ailəlidir. 2 övladı var.
Fəaliyyəti
redaktəƏmək fəaliyyəti
redaktəAslan Abdulla əmək fəaliyyətinə 1995-ci ildə Rusiyanın Saratov şəhərində həkim cərrah kimi başlamışdır. 1998-ci ildə əmək fəaliyyətinə Rusiyanın Balakovo şəhərində 1 saylı Şəhər Klinikasında həkim cərrah kimi davam etmişdir. 2004–2011-ci illərdə Bakı Klinikasında həkim cərrah kimi çalışmışdır. 2006–2008-ci illərdə isə Nəsirəddin Tusi adına klinikada, 2008–2010-cu illərdə isə "HB" klinikasında həkim cərrah kimi işləmişdir. 2011-ci ildən Azərbaycan Tibb Universitetinin Tədris Cərrahiyyə Klinikasında cərrahi xəstəliklər kafedrasının assistentidir.[5][6] O hazırda 2018-ci ildən Zəfəran Hospitalda həkim cərrah kimi fəaliyyət göstərir.[1][3]
Elmi fəaliyyəti
redaktəAslan Abdullanın elmi fəaliyyəti nəticəsində antioksidant mexidol və ənənəvi üsulla birlikdə qanın aşağı intensivlikli lazer şüalanmasından istifadə edərək kəskin xolesistitin müalicəsinin nəticələrinin və laparoskopik xolesistektomiya zamanı koaqulyasiya və disseksiyanın fiziki metodlarının qiymətləndirilməsi və laparoskopik appendektomiya və kiçik çanaq orqanlarının yanaşı patologiyalarının simultan korreksiyasının nəticələrinin müqayisəli təhlili aparılmışdır.
IV tip nəhəng hiatal yırtığı olan bir xəstədə tez-tez bronxopnevmoniya halını tədqiq etmiş, piylənmə olan xəstələrdə gastrektomiya drenajlarının effektivliyinin öyrənilməsi üzrə elmi tədqiqat aparmışdır.
O appendikulyar mukoselenin laparoskopik müalicəsi üzrə elmi araşdırma və laparoskopik xolesistektomiyada əl düyünlərinin istifadəsi ilə bağlı klinik təcrübə aparmışdır.
Aslan Abdulla 2022-ci ildə Beynəlxalq Piylənmə və Metabolik Pozğunluqlar Cərrahiyyəsi Federasiyası tərəfindən piylənmə və metabolik pozğunluqların cərrahiyyəsi sahəsində tədqiqatları və elmi məlumat mübadiləsini təşviq etdiyinə görə mükafat ilə təltif olunmuşdur. O 2016-cı ildən Beynəlxalq Piylənmə və Metabolik Cərrahiyyə Federasiyasının həqiqi üzvüdür.
İstinadlar
redaktə- ↑ 1 2 "Zəfəran hospital". zeferanhospital.az (az.). 2022-12-01 tarixində arxivləşdirilib. İstifadə tarixi: 2023-02-09.
- ↑ "Haqqında". Aslan Abdulla (az.). 2023-02-09 tarixində arxivləşdirilib. İstifadə tarixi: 2023-02-09.
- ↑ 1 2 3 "Azərbaycan Tibb Universiteti | Assistent Aslan Abdullayev". amu.edu.az. 2023-02-09 tarixində arxivləşdirilib. İstifadə tarixi: 2023-02-09.
- ↑ Quluyeva, Zülfiyyə. ""Toppuş bacı"nın ölümü mədəkiçiltmə əməliyyatlarına qorxu yaradıb - cərrahdan şok açıqlama". Sputnik Azərbaycan (az.). 20230125T0929+0400. İstifadə tarixi: 2023-02-09.
- ↑ Medicina.az. ""Azərbaycanın 30%-i piylənmədən əziyyət çəkir" - Aslan Abdullayev". www.medicina.az (az.). 2023-02-09 tarixində arxivləşdirilib. İstifadə tarixi: 2023-02-09.
- ↑ "Azərbaycan Tibb Universiteti | Assistent Aslan Abdullayev". amu.edu.az. 2023-02-09 tarixində arxivləşdirilib. İstifadə tarixi: 2023-02-09.