Astracantha theodoroviana

Astracantha theodoroviana (lat. Astracantha theodoroviana) — bitkilər aləminin paxlaçiçəklilər dəstəsinin paxlakimilər fəsiləsinin astrakanta cinsinə aid bitki növü.

Astracantha theodoroviana
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Embryophytes Klad: Polysporangiophytes Klad: Tracheophytes Klad: Toxumlu bitkilər Klad: Çiçəkli bitkilər Klad: Eudicots Klad: Core eudicots Klad: Superrosids Klad: Rosids Klad: Fabids Dəstə: Paxlaçiçəklilər Fəsilə: Paxlakimilər Cins: Astrakanta Növ: Astracantha theodoroviana
Beynəlxalq elmi adı
Astracantha theodoroviana Czerep., 1995
Şəklin VikiAnbarda axtarışı EOL   682579

Təbii yayılması

İlk dəfə Azərbaycanda təsadüf edilmişdir.

Botaniki təsviri

30-40 sm hündürlüyündə, yerə yatıq, azca qalxan, yaxud cavan vaxtında dik budaqlı yastıq əmələ gətirən koldur. Budaqları az, yaxud çox dağınıq tikanlarla örtülüdür. Yarpaqları yumurtaşəkilli, neştərvari, ağ, qalın olub, ucları kirpikvaridir. Yarpağı 3,8 sm uzunluqda, damarlı, zəif tüklü, 6-8 cüt ellipsvari, uzunsov, küt, yaxud iti uclu, 4–7 mm uzunluqda, 1-1,5 mm enində, dağınıq, ağ tüklü yarpaqcıqlıdır. Çiçəkaltlıqları qayığabənzər, kasacığa bərabər, ağdır. Yarpaqların qoltuğundan çıxan 2-8 sm uzunluğunda, 0,5-1 sm enində olan çiçəkləri birillik budağın üzərində sünbülvari çiçək qrupu əmələ gətirir. Kasacığı 5 mm qədər olub, zəngşəklli, qalın, ağ tüklüdür. Təbii şəraitdə toxumlar vasitəsi ilə çoxalır.

Ekologiyası

Orta dağ qurşaqlarının quru, qumlu yamaclarında bitir.

Azərbaycanda yayılması

Lənkəranda, Lerik rayonunda, Sonayolca kəndi ətrafında rast gəlinir.

İstifadəsi

Abşeronda hər il toxum və qatran vermək qabiliyyətini saxlaya bilir. Bu növün qatranının tərkibində olan bassorinin miqdarı 92 %-ə çatır. Yaşıllaşdırmada istifadəsi öyrənilməmişdir.