Auxer lələklivəsi
Auxer lələklivəsi - (lat. Smyrniopsis aucheri Schischk) — Kərəvüzkimilər (Apiaceae Lindl. ) fəsiləsinə aid bitki növü.
IUCN Qırmızı Siyahısına görə növün kateqoriyası və statusu “Nəsli kəsilməyə həssas olanlar” kateqoriyasına aiddir –Vu D2. Azərbaycanın nadir növüdür.[1][2]
Qısa morfoloji təsviri redaktə
Çoxillik ot bitkisidir. Gövdəsi 1 m hündürlüyündədir. Kökətrafı və gövdə yarpaqları iridir, ikiqat lələkvari bölünmüşdür, ayası yumurtavaridir. Çətirləri 12-15 şüalıdır. Çiçəkləri sraı, ikicinsli və erkəkciklidir. Meyvələri yumurtavari, 6-7 mm uzunluqda, qabarıq qabırğalı və yastı novludur, sütuncuğu uzun və açılmışdır. [3]
Bioloji, ekoloji və fitosenoloji xüsusiyyətləri redaktə
Çiçəkləmə iyun, meyvəvermə iyul ayına təsadüf edir. Orta və yuxarı dağ qurşaqlarında quru, daşlı yamaclarda rast gəlinir. [4]
Yayılması redaktə
Naxçıvanın dağlıq hissəsi (Şahbuz rayonu- Keçili və Kükü kəndləri). [5]
Sayı və tendensiyası redaktə
Populyasiyanın ehtiyatı azdır. Mənfi amillərə həssaslıq göstərir.
Məhdudlaşdırıcı amillər redaktə
İqlim amillərinin təsiri nəticəsində yaşama ərazisi məhdudlaşır.
Mühafizə tədbirləri redaktə
Yayılma yerlərində antropogen təsiri azaltmaq, yasaqlıqların yaradılması, toxum bankında saxlanılması, bərpasının təmin edilməsi, yeni areallarının axtarılması təklif olunur.
İstinadlar redaktə
- ↑ Azərbaycan Respublikasının Qırmızı Kitabı. Nadir və nəsli kəsilməkdə olan bitki və göbələk növləri, II nəşr, Bakı-2013
- ↑ http://redbook.az/?options=project&id=Auxer%20l%C9%99l%C9%99kliv%C9%99si[ölü keçid]
- ↑ İbadullayeva S.C., 2004
- ↑ Флора Азербайджана, 1955
- ↑ İbadullayeva S.C., et al., 2011