Aysel Öndər
Aysel Öndər (24 iyun 2005, Hatay ili) — türk Paralimpiya atleti. Bir çox dünya və Avropa çempionluğu titullarının və müxtəlif dünya, Paralimpiya və Avropa rekordlarının sahibidir. O, T20 kateqoriyasında 400 metr sprint (qısa məsafəyə qaçış) yarışlarında mübarizə aparır.
| Aysel Öndər | ||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Şəxsi məlumatlar | ||||||||||||||||||||||||||||||||||||||||||||
| Doğum tarixi | 24 iyun 2005 (19 yaş) | |||||||||||||||||||||||||||||||||||||||||||
| Doğum yeri | ||||||||||||||||||||||||||||||||||||||||||||
| İdman növü | Qısa məsafəyə qaçış (T20) | |||||||||||||||||||||||||||||||||||||||||||
| Komandası |
|
|||||||||||||||||||||||||||||||||||||||||||
|
Medallar
|
||||||||||||||||||||||||||||||||||||||||||||
.svg){kind=logo}
Həyatı
redaktəAysel Öndər 24 iyun 2005-ci ildə Hatayda doğulub.[1][2] O, ibtidai və orta təhsilini İzmirdə alıb.[1]
Öndər 13 yaşında ikən futbol oynayırdı. Bir gün bədən tərbiyəsi müəllimi Öndəri atletika yarışına aparır və o, iştirak etdiyi bu ilk yarışda birinci yeri tutur. O, daha sonra müxtəlif kros yarışlarında iştirak edib. Atletika üzrə məşqçi Damla Tanın diqqətini çəkib və Tan onu atletikaya cəlb etmək üçün Öndərin ailəsi ilə əlaqə saxlayıb. Futbol oynamağa daha çox həvəsi olduğu üçün o, təxminən bir il və ya il yarım hər iki idman növü ilə eyni vaxtda məşğul olub və daha sonralar atletikanı seçib. Bununla belə, Öndər bəzən hobbi olaraq qardaşları ilə birlikdə futbol oynamağa davam edib.[3]
Karyerası
redaktəEnka SK klubunun üzvüdür və məşqçisi Damla Tandır.[3][4]
Öndər 2024-cü ildə Fransanın Reyms şəhərində keçirilən Virtus Dünya Qapalı Atletizm Çempionatında 400 m qaçışında qızıl medal qazanmış və 57.54 san. ilə qapalı məkanda yeni dünya rekordu qırmışdır. Bundan əlavə, o, 200 m məsafəyə qaçışda 25.12 saniyə nəticə ilə gümüş medal qazanmış, 4x200 m estafetdə isə daha bir qızıl medal qazanaraq 1:46.82 nəticə ilə qapalı məkandakı daha bir dünya rekordunu yeniləmişdir.[4]
Öndər 2024-cü ildə Yaponiyanın Kobe şəhərində keçirilən Dünya Paraatletika Çempionatında 400 metr məsafəyə qaçışda 55,19 nəticə ilə gümüş medal qazanıb.[1]
O, 2024-cü ildə İsveçin Uppsala şəhərində keçirilən Virtus Avropa Atletika Çempionatında ümumilikdə beş qızıl medalın sahibi olmuş, 2 kateqoriyada Avropa, 1 kateqoriyada isə dünya rekordunu yeniləmişdir.[5]
Önder 2024-cü ildə Fransanın paytaxtı Parisdə keçirilən Yay Paralimpiya Oyunlarında Türkiyədən 400 m T20 məsafəyə yarışan ilk idmançı kimi ölkəsini təmsil etmək hüququ qazanıb.[3] O, 2024-cü il avqustun 2-də 400 m məsafəyə T20 yarışının 2-ci yarışını birinci yerdə tamamlayıb və 54.96 nəticə ilə yeni dünya və Paralimpiya rekordunu təyin etdi.[6] Final mərhələsində o, qızıl medalçıdan cəmi 0,07 saniyə geri qalaraq 55,23 nəticə ilə gümüş medal qazandı.[7]
İstinadlar
redaktə- ↑ 1 2 3 "Aysel Önder" (türk). Türkiye Özel Sporcular Spor Federasyonu. 25 August 2024 tarixində arxivləşdirilib. İstifadə tarixi: 25 August 2024.
- ↑ "Aysel Önder". World Athletics. 25 August 2024 tarixində arxivləşdirilib. İstifadə tarixi: 25 August 2024.
- ↑ 1 2 3 Korkmaz, Ali; Seda Nur Yıldırım. "Aysel Önder, Paris 2024 Paralimpik Oyunları için güç toplamaya devam ediyor". Anadolu agentliyi (türk). 12 July 2024. 25 August 2024 tarixində arxivləşdirilib. İstifadə tarixi: 25 August 2024.
- ↑ 1 2 "Aysel Önder'den İki Dünya Rekoru ve Üç Madalya!" (türk). Enka Spor Kulübü. 28 February 2024. 25 August 2024 tarixində arxivləşdirilib. İstifadə tarixi: 25 August 2024.
- ↑ "Aysel Önder'den Avrupa Şampiyonası'nda Beş Altın Madalya!" (türk). Enka Spor Kulübü. 24 June 2024. 25 August 2024 tarixində arxivləşdirilib. İstifadə tarixi: 25 August 2024.
- ↑ "Aysel Önder rekorla finalde!". beIN Sports (türk). 2 September 2024. 4 September 2024 tarixində arxivləşdirilib. İstifadə tarixi: 4 September 2024.
- ↑ "Milli para atlet Aysel Önder, gümüş madalya kazandı". Hürriyet (türk). 3 September 2024. 3 September 2024 tarixində arxivləşdirilib. İstifadə tarixi: 4 September 2024.