Aysel Məmmədova
Aysel Məmmədova (d. 3 iyul 1989, Bakı) — Azərbaycan müğənnisi. O, "X My Heart" mahnısı ilə Azərbaycanı Portuqaliyanın paytaxtı Lissabonda keçirilən 2018 Avroviziya Mahnı Müsabiqəsində təmsil etmişdir.[1]
| Aysel Məmmədova | |
|---|---|
 | |
| Ümumi məlumatlar | |
| Ləqəbi | Aisel |
| Doğum tarixi | |
| Doğum yeri | Bakı, Azərbaycan Sovet Sosialist Respublikası |
| Vətəndaşlığı |
 Azərbaycan |
| Milliyyəti | azərbaycanlı |
| Musiqiçi məlumatları | |
| Fəaliyyəti | müğənni, bəstəkar, pianoçu |
| Fəaliyyət illəri | 1997-ci ildən |
| Janr | |
| Musiqi alətləri | vokal, piano |
| Təhsili | |
 Vikianbarda əlaqəli mediafayllar | |
Həyatı və musiqi karyerasıRedaktə
Aysel Məmmədova 3 iyul 1989-cu ildə Azərbaycanın Bakı şəhərində anadan olub. Musiqiçi ailəsində doğulan Ayselin həyatı uşaqlıqdan musiqi ilə bağlı olub. O, 1995-2006-cı illərdə Bülbül adına orta ixtisas musiqi məktəbində təhsil alıb. 2010-cu ildə Azərbaycan Dövlət Konservatoriyasını bitirib. Aysel "Caspian Jazz & Blues Festival" (2002), Bakı Beynəlxalq Caz Festivalı (2005/2006), "MuzEnergo Festival of Music Improvisation" (2007), Montro Caz Festivalı (2009) Emil İbrahimin musiqi qrupunun müşayiəti ilə, Qafqaz Caz Festivalı (2012) və "Jara-2017" festivalı kimi beynəlxalq musiqi festivallarının iştirakçısı olub.[2]
Aysel 2013-cü ildə tanınmış musiqiçilər Aleksandr Koppaloni və 2015-ci ildə isə Debora C.Karterdən özəl dərslər alıb. Eyni zamanda, Rusiya, Gürcüstan, Türkiyə, Ukrayna, İsrail, İsveçrə, Niderland və İtaliyada keçirilən musiqi tədbirlərində də iştirak edib.[2]
Aysel pianoçu, vokalist və bəstəkardır.[2]
2018 Avroviziya Mahnı MüsabiqəsiRedaktə
8 noyabr 2017-ci il tarixində İctimai TV rəsmi olaraq Aysel Məmmədovanın ölkəni Portuqaliyanın paytaxtı Lissabonda keçirilən Avroviziya 2018-də təmsil edəcəyini açıqlamışdır. İfaçının Lissabon səhnəsində ifa edəcəyi mahnı "X My Heart" 2018-ci ilin mart ayının 4-də təqdim olunmuşdur. Müsabiqənin 8 mayda baş tutan birinci yarımfinalda səhnə alan ifaçı nəticədə müsabiqənin final mərhələsinə adlaya bilməmişdir.
İstinadlarRedaktə
- ↑ ""Eurovision" təmsilçimiz məlum oldu". Oxu.az (azərb.). 8 noyabr 2017. 8 noyabr 2017 tarixində arxivləşdirilib. İstifadə tarixi: 8 noyabr 2017.
- ↑ 1 2 3 ""Eurovision" təmsilçimiz Aysel Məmmədova kimdir? - VİDEO". Oxu.az (azərb.). 8 noyabr 2017. 8 noyabr 2017 tarixində arxivləşdirilib. İstifadə tarixi: 8 noyabr 2017.
| Əvvəlki: Diana Hacıyeva "Skeletons" |
Azərbaycan Avroviziya Mahnı Müsabiqəsində 2018 |
Sonrakı: Çingiz Mustafayev "Truth" |